౧. విభఙ్గవారో

హేతుపచ్చయో

౧౪౯. సప్పీతికో ధమ్మో సప్పీతికస్స ధమ్మస్స హేతుపచ్చయేన పచ్చయో – సప్పీతికా హేతూ సమ్పయుత్తకానం ఖన్ధానం హేతుపచ్చయేన పచ్చయో; పటిసన్ధిక్ఖణే…పే…. సప్పీతికో ధమ్మో అప్పీతికస్స ధమ్మస్స హేతుపచ్చయేన పచ్చయో – సప్పీతికా హేతూ పీతియా చ చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం.) సప్పీతికా హేతూ సమ్పయుత్తకానం ఖన్ధానం పీతియా చ చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౩)

అప్పీతికో ధమ్మో అప్పీతికస్స ధమ్మస్స హేతుపచ్చయేన పచ్చయో – అప్పీతికా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

ఆరమ్మణపచ్చయో

౧౫౦. సప్పీతికో ధమ్మో సప్పీతికస్స ధమ్మస్స ఆరమ్మణపచ్చయేన పచ్చయో – సప్పీతికే ఖన్ధే ఆరబ్భ సప్పీతికా ఖన్ధా ఉప్పజ్జన్తి. (మూలం కాతబ్బం.) సప్పీతికే ఖన్ధే ఆరబ్భ అప్పీతికా ఖన్ధా చ పీతి చ ఉప్పజ్జన్తి. (మూలం కాతబ్బం.) సప్పీతికే ఖన్ధే ఆరబ్భ సప్పీతికా ఖన్ధా చ పీతి చ ఉప్పజ్జన్తి. (౩)

౧౫౧. అప్పీతికో ధమ్మో అప్పీతికస్స ధమ్మస్స ఆరమ్మణపచ్చయేన పచ్చయో – అప్పీతికేన చిత్తేన దానం దత్వా సీలం…పే… ఉపోసథకమ్మం కత్వా అప్పీతికేన చిత్తేన పచ్చవేక్ఖతి, అస్సాదేతి అభినన్దతి, తం ఆరబ్భ అప్పీతికో రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉప్పజ్జతి, ఉద్ధచ్చం ఉప్పజ్జతి, దోమనస్సం ఉప్పజ్జతి; అప్పీతికా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా అప్పీతికేన చిత్తేన ఫలం పచ్చవేక్ఖతి, అరియా అప్పీతికేన చిత్తేన నిబ్బానం పచ్చవేక్ఖన్తి, నిబ్బానం అప్పీతికస్స గోత్రభుస్స, వోదానస్స, మగ్గస్స, ఫలస్స, ఆవజ్జనాయ పీతియా చ ఆరమ్మణపచ్చయేన పచ్చయో; అరియా అప్పీతికేన చిత్తేన అప్పీతికే పహీనే కిలేసే…పే… విక్ఖమ్భితే కిలేసే…పే… పుబ్బే…పే… చక్ఖుం…పే… వత్థుం అప్పీతికే ఖన్ధే చ పీతిఞ్చ అప్పీతికేన చిత్తేన అనిచ్చతో…పే… విపస్సతి అస్సాదేతి అభినన్దతి, తం ఆరబ్భ అప్పీతికో రాగో ఉప్పజ్జతి…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో; అప్పీతికా ఖన్ధా ఇద్ధివిధఞాణస్స చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ పీతియా చ ఆరమ్మణపచ్చయేన పచ్చయో; అప్పీతికే ఖన్ధే చ పీతిఞ్చ ఆరబ్భ అప్పీతికా ఖన్ధా చ పీతి చ ఉప్పజ్జన్తి. (౧)

అప్పీతికో ధమ్మో సప్పీతికస్స ధమ్మస్స ఆరమ్మణపచ్చయేన పచ్చయో – అప్పీతికేన చిత్తేన దానం దత్వా సీలం…పే… ఉపోసథకమ్మం…పే… సప్పీతికేన చిత్తేన పచ్చవేక్ఖతి అస్సాదేతి అభినన్దతి, తం ఆరబ్భ సప్పీతికో రాగో ఉప్పజ్జతి, దిట్ఠి ఉప్పజ్జతి; అప్పీతికా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా సప్పీతికేన చిత్తేన ఫలం పచ్చవేక్ఖతి, అరియా సప్పీతికేన చిత్తేన నిబ్బానం పచ్చవేక్ఖన్తి, నిబ్బానం సప్పీతికస్స గోత్రభుస్స, వోదానస్స, మగ్గస్స, ఫలస్స ఆరమ్మణపచ్చయేన పచ్చయో; అరియా సప్పీతికేన చిత్తేన అప్పీతికే పహీనే కిలేసే…పే… విక్ఖమ్భితే కిలేసే …పే… పుబ్బే…పే… చక్ఖుం…పే… వత్థుం అప్పీతికే ఖన్ధే చ పీతిఞ్చ సప్పీతికేన చిత్తేన అనిచ్చతో…పే… విపస్సతి అస్సాదేతి అభినన్దతి, తం ఆరబ్భ సప్పీతికో రాగో ఉప్పజ్జతి, దిట్ఠి ఉప్పజ్జతి; అప్పీతికే ఖన్ధే చ పీతిఞ్చ ఆరబ్భ సప్పీతికా ఖన్ధా ఉప్పజ్జన్తి. (౨)

అప్పీతికో ధమ్మో సప్పీతికస్స చ అప్పీతికస్స చ ధమ్మస్స ఆరమ్మణపచ్చయేన పచ్చయో – అప్పీతికేన చిత్తేన దానం దత్వా సీలం…పే… ఉపోసథకమ్మం…పే… సప్పీతికేన చిత్తేన పచ్చవేక్ఖతి అస్సాదేతి అభినన్దతి, తం ఆరబ్భ సప్పీతికా ఖన్ధా చ పీతి చ ఉప్పజ్జన్తి, అప్పీతికా ఝానా…పే… మగ్గా…పే… ఫలా వుట్ఠహిత్వా సప్పీతికేన చిత్తేన ఫలం పచ్చవేక్ఖతి, అరియా సప్పీతికేన చిత్తేన నిబ్బానం పచ్చవేక్ఖన్తి, నిబ్బానం సప్పీతికస్స గోత్రభుస్స, వోదానస్స, మగ్గస్స, ఫలస్స, పీతియా చ ఆరమ్మణపచ్చయేన పచ్చయో; అరియా సప్పీతికేన చిత్తేన అప్పీతికే పహీనే కిలేసే పచ్చవేక్ఖన్తి, విక్ఖమ్భితే కిలేసే…పే… పుబ్బే…పే… చక్ఖుం…పే… వత్థుం అప్పీతికే ఖన్ధే చ పీతిఞ్చ సప్పీతికేన చిత్తేన అనిచ్చతో…పే… విపస్సతి అస్సాదేతి అభినన్దతి, తం ఆరబ్భ సప్పీతికా ఖన్ధా చ పీతి చ ఉప్పజ్జన్తి, అప్పీతికే ఖన్ధే చ పీతిఞ్చ ఆరబ్భ సప్పీతికా ఖన్ధా చ పీతి చ ఉప్పజ్జన్తి. (౩)

౧౫౨. సప్పీతికో చ అప్పీతికో చ ధమ్మా సప్పీతికస్స ధమ్మస్స ఆరమ్మణపచ్చయేన పచ్చయో – సప్పీతికే ఖన్ధే చ పీతిఞ్చ ఆరబ్భ సప్పీతికా ఖన్ధా ఉప్పజ్జన్తి. (మూలం కాతబ్బం.) సప్పీతికే ఖన్ధే చ పీతిఞ్చ ఆరబ్భ అప్పీతికా ఖన్ధా చ పీతి చ ఉప్పజ్జన్తి.

(మూలం కాతబ్బం.) సప్పీతికే ఖన్ధే చ పీతిఞ్చ ఆరబ్భ సప్పీతికా ఖన్ధా చ పీతి చ ఉప్పజ్జన్తి. (౩)

అధిపతిపచ్చయో

౧౫౩. సప్పీతికో ధమ్మో సప్పీతికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సప్పీతికే ఖన్ధే గరుం కత్వా సప్పీతికా ఖన్ధా ఉప్పజ్జన్తి. సహజాతాధిపతి – సప్పీతికాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

సప్పీతికో ధమ్మో అప్పీతికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సప్పీతికే ఖన్ధే గరుం కత్వా అప్పీతికా ఖన్ధా చ పీతి చ ఉప్పజ్జన్తి. సహజాతాధిపతి – సప్పీతికాధిపతి పీతియా చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౨)

సప్పీతికో ధమ్మో సప్పీతికస్స చ అప్పీతికస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సప్పీతికే ఖన్ధే గరుం కత్వా సప్పీతికా ఖన్ధా చ పీతి చ ఉప్పజ్జన్తి. సహజాతాధిపతి – సప్పీతికాధిపతి సమ్పయుత్తకానం ఖన్ధానం పీతియా చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౧౫౪. అప్పీతికో ధమ్మో అప్పీతికస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అప్పీతికేన చిత్తేన దానం…పే… సీలం…పే… ఉపోసథకమ్మం…పే… అప్పీతికేన చిత్తేన తం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా అప్పీతికో రాగో ఉప్పజ్జతి, దిట్ఠి ఉప్పజ్జతి; అప్పీతికా ఝానా…పే… మగ్గా…పే… ఫలా వుట్ఠహిత్వా అప్పీతికేన చిత్తేన ఫలం గరుం కత్వా పచ్చవేక్ఖతి; అరియా అప్పీతికేన చిత్తేన నిబ్బానం గరుం కత్వా పచ్చవేక్ఖన్తి, నిబ్బానం అప్పీతికస్స గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం అప్పీతికే ఖన్ధే చ పీతిఞ్చ అప్పీతికేన చిత్తేన గరుం కత్వా అస్సాదేతి అభినన్దతి, తం గరుం కత్వా అప్పీతికో రాగో ఉప్పజ్జతి, దిట్ఠి ఉప్పజ్జతి, అప్పీతికే ఖన్ధే చ పీతిఞ్చ గరుం కత్వా అప్పీతికా ఖన్ధా చ పీతి చ ఉప్పజ్జన్తి. సహజాతాధిపతి – అప్పీతికాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అప్పీతికో ధమ్మో సప్పీతికస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అప్పీతికేన చిత్తేన దానం…పే… సీలం…పే… ఉపోసథకమ్మం…పే… (సంఖిత్తం) నిబ్బానం సప్పీతికస్స గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం అప్పీతికే ఖన్ధే చ పీతిఞ్చ సప్పీతికేన చిత్తేన గరుం కత్వా అస్సాదేతి అభినన్దతి, తం గరుం కత్వా సప్పీతికో రాగో ఉప్పజ్జతి, దిట్ఠి ఉప్పజ్జతి; అప్పీతికే ఖన్ధే చ పీతిఞ్చ గరుం కత్వా సప్పీతికా ఖన్ధా ఉప్పజ్జన్తి. (౨)

అప్పీతికో ధమ్మో సప్పీతికస్స చ అప్పీతికస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం…పే… (సంఖిత్తం) నిబ్బానం సప్పీతికస్స గోత్రభుస్స, వోదానస్స, మగ్గస్స, ఫలస్స, పీతియా చ అధిపతిపచ్చయేన పచ్చయో; చక్ఖుం…పే… వత్థుం అప్పీతికే ఖన్ధే చ పీతిఞ్చ సప్పీతికేన చిత్తేన గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి అప్పీతికే ఖన్ధే చ పీతిఞ్చ గరుం కత్వా సప్పీతికా ఖన్ధా చ పీతి చ ఉప్పజ్జన్తి. (౩)

౧౫౫. సప్పీతికో చ అప్పీతికో చ ధమ్మా సప్పీతికస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – సప్పీతికే ఖన్ధే చ పీతిఞ్చ గరుం కత్వా సప్పీతికా ఖన్ధా ఉప్పజ్జన్తి. (మూలం కాతబ్బం.) సప్పీతికే ఖన్ధే చ పీతిఞ్చ గరుం కత్వా అప్పీతికా ఖన్ధా చ పీతి చ ఉప్పజ్జన్తి. (మూలం కాతబ్బం.) సప్పీతికే ఖన్ధే చ పీతిఞ్చ గరుం కత్వా సప్పీతికా ఖన్ధా చ పీతి చ ఉప్పజ్జన్తి. (౩)

అనన్తరపచ్చయాది

౧౫౬. సప్పీతికో ధమ్మో సప్పీతికస్స ధమ్మస్స అనన్తరపచ్చయేన పచ్చయో – పురిమా పురిమా సప్పీతికా ఖన్ధా పచ్ఛిమానం పచ్ఛిమానం సప్పీతికానం ఖన్ధానం అనన్తరపచ్చయేన పచ్చయో. (మూలం కాతబ్బం.) పురిమా పురిమా సప్పీతికా ఖన్ధా పచ్ఛిమాయ పచ్ఛిమాయ పీతియా అనన్తరపచ్చయేన పచ్చయో – సప్పీతికం చుతిచిత్తం అప్పీతికస్స ఉపపత్తిచిత్తస్స, సప్పీతికం భవఙ్గం ఆవజ్జనాయ, సప్పీతికా ఖన్ధా అప్పీతికస్స వుట్ఠానస్స, పీతిసహగతా విపాకమనోవిఞ్ఞాణధాతు కిరియమనోవిఞ్ఞాణధాతుయా, సప్పీతికం భవఙ్గం అప్పీతికస్స భవఙ్గస్స, సప్పీతికం కుసలాకుసలం అప్పీతికస్స వుట్ఠానస్స, కిరియం వుట్ఠానస్స, ఫలం వుట్ఠానస్స అనన్తరపచ్చయేన పచ్చయో. (మూలం కాతబ్బం.) పురిమా పురిమా సప్పీతికా ఖన్ధా పచ్ఛిమానం పచ్ఛిమానం సప్పీతికానం ఖన్ధానం పీతియా చ అనన్తరపచ్చయేన పచ్చయో. (౩)

౧౫౭. అప్పీతికో ధమ్మో అప్పీతికస్స ధమ్మస్స అనన్తరపచ్చయేన పచ్చయో – పురిమా పురిమా పీతి పచ్ఛిమాయ పచ్ఛిమాయ పీతియా అనన్తరపచ్చయేన పచ్చయో; పురిమా పురిమా అప్పీతికా ఖన్ధా పచ్ఛిమానం పచ్ఛిమానం అప్పీతికానం ఖన్ధానం అనన్తరపచ్చయేన పచ్చయో; అనులోమం గోత్రభుస్స…పే… అప్పీతికాయ ఫలసమాపత్తియా పీతియా చ అనన్తరపచ్చయేన పచ్చయో. (మూలం కాతబ్బం.) పురిమా పురిమా పీతి పచ్ఛిమానం పచ్ఛిమానం సప్పీతికానం ఖన్ధానం అనన్తరపచ్చయేన పచ్చయో; అప్పీతికం చుతిచిత్తం సప్పీతికస్స ఉపపత్తిచిత్తస్స, ఆవజ్జనా సప్పీతికానం ఖన్ధానం, అప్పీతికా ఖన్ధా సప్పీతికస్స వుట్ఠానస్స, విపాకమనోధాతు సప్పీతికాయ విపాకమనోవిఞ్ఞాణధాతుయా, అప్పీతికం భవఙ్గం సప్పీతికస్స భవఙ్గస్స, అప్పీతికం కుసలాకుసలం సప్పీతికస్స వుట్ఠానస్స, కిరియం వుట్ఠానస్స, ఫలం వుట్ఠానస్స అనన్తరపచ్చయేన పచ్చయో; నిరోధా వుట్ఠహన్తస్స నేవసఞ్ఞానాసఞ్ఞాయతనం సప్పీతికాయ ఫలసమాపత్తియా అనన్తరపచ్చయేన పచ్చయో. (౨)

అప్పీతికో ధమ్మో సప్పీతికస్స చ అప్పీతికస్స చ ధమ్మస్స అనన్తరపచ్చయేన పచ్చయో – పురిమా పురిమా పీతి పచ్ఛిమానం పచ్ఛిమానం సప్పీతికానం ఖన్ధానం పీతియా చ అనన్తరపచ్చయేన పచ్చయో. (౩)

౧౫౮. సప్పీతికో చ అప్పీతికో చ ధమ్మా సప్పీతికస్స ధమ్మస్స అనన్తరపచ్చయేన పచ్చయో – పురిమా పురిమా సప్పీతికా ఖన్ధా చ పీతి చ పచ్ఛిమానం పచ్ఛిమానం సప్పీతికానం ఖన్ధానం అనన్తరపచ్చయేన పచ్చయో. (౧)

సప్పీతికో చ అప్పీతికో చ ధమ్మా అప్పీతికస్స ధమ్మస్స అనన్తరపచ్చయేన పచ్చయో – పురిమా పురిమా సప్పీతికా ఖన్ధా చ పీతి చ పచ్ఛిమాయ పచ్ఛిమాయ పీతియా అనన్తరపచ్చయేన పచ్చయో; సప్పీతికం చుతిచిత్తఞ్చ పీతి చ అప్పీతికస్స ఉపపత్తిచిత్తస్స… సప్పీతికం భవఙ్గఞ్చ పీతి చ ఆవజ్జనాయ… సప్పీతికా ఖన్ధా చ పీతి చ అప్పీతికస్స వుట్ఠానస్స… సప్పీతికా విపాకమనోవిఞ్ఞాణధాతు చ పీతి చ కిరియమనోవిఞ్ఞాణధాతుయా… సప్పీతికం భవఙ్గఞ్చ పీతి చ అప్పీతికస్స భవఙ్గస్స… సప్పీతికం కుసలాకుసలఞ్చ పీతి చ అప్పీతికస్స వుట్ఠానస్స… కిరియఞ్చ పీతి చ వుట్ఠానస్స… ఫలఞ్చ పీతి చ వుట్ఠానస్స అనన్తరపచ్చయేన పచ్చయో. (౨)

సప్పీతికో చ అప్పీతికో చ ధమ్మా సప్పీతికస్స చ అప్పీతికస్స చ ధమ్మస్స అనన్తరపచ్చయేన పచ్చయో – పురిమా పురిమా సప్పీతికా ఖన్ధా చ పీతి చ పచ్ఛిమానం పచ్ఛిమానం సప్పీతికానం ఖన్ధానం పీతియా చ అనన్తరపచ్చయేన పచ్చయో. (౩)

సమనన్తరపచ్చయేన పచ్చయో… నవ… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… నవ… నిస్సయపచ్చయేన పచ్చయో… నవ.

ఉపనిస్సయపచ్చయో

౧౫౯. సప్పీతికో ధమ్మో సప్పీతికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సప్పీతికా ఖన్ధా సప్పీతికానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) సప్పీతికా ఖన్ధా అప్పీతికానం ఖన్ధానం పీతియా చ ఉపనిస్సయపచ్చయేన పచ్చయో. (మూలం కాతబ్బం.) సప్పీతికా ఖన్ధా సప్పీతికానం ఖన్ధానం పీతియా చ ఉపనిస్సయపచ్చయేన పచ్చయో. (౩)

౧౬౦. అప్పీతికో ధమ్మో అప్పీతికస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అప్పీతికం సద్ధం ఉపనిస్సాయ అప్పీతికేన చిత్తేన దానం దేతి, సీలం సమాదియతి, ఉపోసథకమ్మం కరోతి; అప్పీతికం ఝానం…పే… విపస్సనం… మగ్గం… అభిఞ్ఞం… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; అప్పీతికం సీలం…పే… పఞ్ఞం… రాగం… దోసం… మోహం… మానం… దిట్ఠిం… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం… పీతిం ఉపనిస్సాయ అప్పీతికేన చిత్తేన దానం దేతి…పే… సమాపత్తిం ఉప్పాదేతి, పాణం హనతి…పే… సఙ్ఘం భిన్దతి; అప్పీతికా సద్ధా…పే… సేనాసనం పీతి చ అప్పీతికాయ సద్ధాయ…పే… పత్థనాయ… కాయికస్స సుఖస్స… కాయికస్స దుక్ఖస్స… మగ్గస్స ఫలసమాపత్తియా పీతియా చ ఉపనిస్సయపచ్చయేన పచ్చయో. (౧)

అప్పీతికో ధమ్మో సప్పీతికస్స ధమ్మస్స ఉపనిస్సయపచ్చయేన పచ్చయో (తీణి ఉపనిస్సయా). అప్పీతికం సద్ధం ఉపనిస్సాయ సప్పీతికేన చిత్తేన దానం దేతి…పే… అప్పీతికా ఝానా…పే… మానం జప్పేతి, దిట్ఠిం గణ్హాతి; అప్పీతికం సీలం…పే… సేనాసనం పీతిం ఉపనిస్సాయ సప్పీతికేన చిత్తేన దానం దేతి…పే… సమాపత్తిం ఉప్పాదేతి; సప్పీతికేన చిత్తేన అదిన్నం ఆదియతి, ముసా…పే… పిసుణం…పే… సమ్ఫం…పే… సన్ధిం…పే… నిల్లోపం…పే… ఏకాగారికం…పే… పరిపన్థే…పే… పరదారం…పే… గామఘాతం…పే… నిగమఘాతం కరోతి; అప్పీతికా సద్ధా…పే… సేనాసనం పీతి చ సప్పీతికాయ సద్ధాయ…పే… పఞ్ఞాయ రాగస్స, మోహస్స… మానస్స… దిట్ఠియా… పత్థనాయ… మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౨)

అప్పీతికో ధమ్మో సప్పీతికస్స చ అప్పీతికస్స చ ధమ్మస్స ఉపనిస్సయపచ్చయేన పచ్చయో (తీణి ఉపనిస్సయా). అప్పీతికం సద్ధం ఉపనిస్సాయ సప్పీతికేన చిత్తేన దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; అప్పీతికం సీలం…పే… సేనాసనం పీతిం ఉపనిస్సాయ సప్పీతికేన చిత్తేన దానం దేతి…పే… సమాపత్తిం ఉప్పాదేతి; సప్పీతికేన చిత్తేన అదిన్నం ఆదియతి…పే… (దుతియవారసదిసం) నిగమఘాతం కరోతి; అప్పీతికా సద్ధా…పే… సేనాసనం పీతి చ సప్పీతికాయ సద్ధాయ…పే… పఞ్ఞాయ… రాగస్స… మోహస్స… మానస్స… దిట్ఠియా… పత్థనాయ… మగ్గస్స, ఫలసమాపత్తియా పీతియా చ ఉపనిస్సయపచ్చయేన పచ్చయో. (౩)

సప్పీతికో చ అప్పీతికో చ ధమ్మా సప్పీతికస్స ధమ్మస్స ఉపనిస్సయపచ్చయేన పచ్చయో (తీణిపి ఉపనిస్సయా). సప్పీతికా ఖన్ధా చ పీతి చ సప్పీతికానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) సప్పీతికా ఖన్ధా చ పీతి చ అప్పీతికానం ఖన్ధానం పీతియా చ ఉపనిస్సయపచ్చయేన పచ్చయో. (మూలం కాతబ్బం.) సప్పీతికా ఖన్ధా చ పీతి చ సప్పీతికానం ఖన్ధానం పీతియా చ ఉపనిస్సయపచ్చయేన పచ్చయో. (౩)

పురేజాతపచ్చయో

౧౬౧. అప్పీతికో ధమ్మో అప్పీతికస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అప్పీతికేన చిత్తేన అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ అప్పీతికో రాగో…పే… దోమనస్సం ఉప్పజ్జతి, పీతి ఉప్పజ్జతి, దిబ్బేన చక్ఖునా రూపం పస్సతి…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు అప్పీతికానం ఖన్ధానం పీతియా చ పురేజాతపచ్చయేన పచ్చయో. (౧)

అప్పీతికో ధమ్మో సప్పీతికస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం సప్పీతికేన చిత్తేన అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ సప్పీతికో రాగో ఉప్పజ్జతి, దిట్ఠి ఉప్పజ్జతి. వత్థుపురేజాతం – వత్థు సప్పీతికానం ఖన్ధానం పురేజాతపచ్చయేన పచ్చయో. (౨)

అప్పీతికో ధమ్మో సప్పీతికస్స చ అప్పీతికస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం సప్పీతికేన చిత్తేన అనిచ్చతో…పే… విపస్సతి అస్సాదేతి అభినన్దతి, తం ఆరబ్భ పీతి చ సమ్పయుత్తకా ఖన్ధా చ ఉప్పజ్జన్తి. వత్థుపురేజాతం – వత్థు సప్పీతికానం ఖన్ధానం పీతియా చ పురేజాతపచ్చయేన పచ్చయో. (౩)

పచ్ఛాజాతపచ్చయాది

౧౬౨. సప్పీతికో ధమ్మో అప్పీతికస్స ధమ్మస్స పచ్ఛాజాతపచ్చయేన పచ్చయో… తీణి… ఆసేవనపచ్చయేన పచ్చయో… నవ… కమ్మపచ్చయేన పచ్చయో… ఛ (సహజాతాపి నానాక్ఖణికాపి కాతబ్బా… ద్వే నానాక్ఖణికా)… విపాకపచ్చయేన పచ్చయో… నవ… ఆహారపచ్చయేన పచ్చయో… చత్తారి… ఇన్ద్రియపచ్చయేన పచ్చయో… చత్తారి… ఝానపచ్చయేన పచ్చయో… నవ… మగ్గపచ్చయేన పచ్చయో… చత్తారి… సమ్పయుత్తపచ్చయేన పచ్చయో… ఛ… విప్పయుత్తపచ్చయేన పచ్చయో… పఞ్చ… అత్థిపచ్చయేన పచ్చయో… నవ (సంఖిత్తం. సవితక్కదుకసదిసం కాతబ్బం.)… నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో… నవ.