౩. పచ్చయవారో
౧-౪. పచ్చయానులోమాది
౧౪౭. సప్పీతికం ధమ్మం పచ్చయా సప్పీతికో ధమ్మో ఉప్పజ్జతి హేతుపచ్చయా. (సంఖిత్తం. యథా సవితక్కదుకే అనులోమపచ్చయవారం, ఏవం పవత్తిపటిసన్ధి నవ పఞ్హా పరిపుణ్ణా పీతి నిన్నానాకరణా.)
హేతుయా నవ, ఆరమ్మణే నవ, అధిపతియా నవ…పే… అవిగతే నవ.
అనులోమం.
సప్పీతికం ధమ్మం పచ్చయా సప్పీతికో ధమ్మో ఉప్పజ్జతి నహేతుపచ్చయా… తీణి (పటిచ్చసదిసా).
అప్పీతికం ధమ్మం పచ్చయా అప్పీతికో ధమ్మో ఉప్పజ్జతి నహేతుపచ్చయా. (పవత్తిపటిసన్ధి కాతబ్బా పటిచ్చవారసదిసా, యావ అసఞ్ఞసత్తా.) చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా అప్పీతికా ఖన్ధా పీతి చ, విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (అనులోమసదిసా నవ పఞ్హా, పవత్తియేవ పటిసన్ధి నత్థి, ఏకోయేవ మోహో.)
నహేతుయా నవ, నఆరమ్మణే తీణి, నఅధిపతియా నవ, నఅనన్తరే తీణి…పే… నఉపనిస్సయే తీణి, నపురేజాతే నవ, నపచ్ఛాజాతే నవ, నఆసేవనే నవ, నకమ్మే నవ, నవిపాకే నవ, నఆహారే ఏకం, నఇన్ద్రియే ఏకం, నఝానే ఏకం, నమగ్గే నవ, నసమ్పయుత్తే తీణి, నవిప్పయుత్తే ఛ, నోనత్థియా తీణి, నోవిగతే తీణి.