౧. విభఙ్గవారో

హేతుపచ్చయో

౧౧౬. సవితక్కో ధమ్మో సవితక్కస్స ధమ్మస్స హేతుపచ్చయేన పచ్చయో – సవితక్కా హేతూ సమ్పయుత్తకానం ఖన్ధానం హేతుపచ్చయేన పచ్చయో; పటిసన్ధిక్ఖణే…పే…. సవితక్కో ధమ్మో అవితక్కస్స ధమ్మస్స హేతుపచ్చయేన పచ్చయో – సవితక్కా హేతూ వితక్కస్స చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం.) సవితక్కా హేతూ సమ్పయుత్తకానం ఖన్ధానం వితక్కస్స చ చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే… (౩)

అవితక్కో ధమ్మో అవితక్కస్స ధమ్మస్స హేతుపచ్చయేన పచ్చయో – అవితక్కా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

ఆరమ్మణపచ్చయో

౧౧౭. సవితక్కో ధమ్మో సవితక్కస్స ధమ్మస్స ఆరమ్మణపచ్చయేన పచ్చయో – సవితక్కే ఖన్ధే ఆరబ్భ సవితక్కా ఖన్ధా ఉప్పజ్జన్తి. (మూలం కాతబ్బం.) సవితక్కే ఖన్ధే ఆరబ్భ అవితక్కా ఖన్ధా చ వితక్కో చ ఉప్పజ్జన్తి. (మూలం కాతబ్బం.) సవితక్కే ఖన్ధే ఆరబ్భ సవితక్కా ఖన్ధా చ వితక్కో చ ఉప్పజ్జన్తి. (౩)

౧౧౮. అవితక్కో ధమ్మో అవితక్కస్స ధమ్మస్స ఆరమ్మణపచ్చయేన పచ్చయో – అరియా అవితక్కా ఝానా వుట్ఠహిత్వా అవితక్కం ఝానం పచ్చవేక్ఖన్తి, మగ్గా వుట్ఠహిత్వా మగ్గం పచ్చవేక్ఖన్తి, ఫలా వుట్ఠహిత్వా ఫలం పచ్చవేక్ఖన్తి, నిబ్బానం పచ్చవేక్ఖన్తి, నిబ్బానం అవితక్కస్స మగ్గస్స, ఫలస్స, వితక్కస్స చ ఆరమ్మణపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ అనిచ్చతో…పే… విపస్సతి అస్సాదేతి అభినన్దతి, తం ఆరబ్భ వితక్కో ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన అవితక్కచిత్తసమఙ్గిస్స చిత్తం జానాతి, ఆకాసానఞ్చాయతనం…పే… ఆకిఞ్చఞ్ఞాయతనం…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం…పే… అవితక్కా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స యథాకమ్మూపగఞాణస్స, అనాగతంసఞాణస్స, వితక్కస్స చ ఆరమ్మణపచ్చయేన పచ్చయో; అవితక్కే ఖన్ధే చ వితక్కఞ్చ ఆరబ్భ అవితక్కా ఖన్ధా చ వితక్కో చ ఉప్పజ్జన్తి. (౧)

అవితక్కో ధమ్మో సవితక్కస్స ధమ్మస్స ఆరమ్మణపచ్చయేన పచ్చయో – అరియా అవితక్కా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా ఫలం పచ్చవేక్ఖన్తి, నిబ్బానం పచ్చవేక్ఖన్తి, నిబ్బానం గోత్రభుస్స, వోదానస్స, సవితక్కస్స మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ అనిచ్చతో…పే… విపస్సతి అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి; అవితక్కే ఖన్ధే చ వితక్కఞ్చ ఆరబ్భ సవితక్కా ఖన్ధా ఉప్పజ్జన్తి. (౨)

అవితక్కో ధమ్మో సవితక్కస్స చ అవితక్కస్స చ ధమ్మస్స ఆరమ్మణపచ్చయేన పచ్చయో – అరియా అవితక్కా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా ఫలం పచ్చవేక్ఖన్తి, నిబ్బానం పచ్చవేక్ఖన్తి, నిబ్బానం గోత్రభుస్స, వోదానస్స, సవితక్కస్స మగ్గస్స, ఫలస్స, ఆవజ్జనాయ, వితక్కస్స చ ఆరమ్మణపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ అనిచ్చతో…పే… విపస్సతి అస్సాదేతి అభినన్దతి, తం ఆరబ్భ సవితక్కా ఖన్ధా చ వితక్కో చ ఉప్పజ్జన్తి, అవితక్కే ఖన్ధే చ వితక్కఞ్చ ఆరబ్భ సవితక్కా ఖన్ధా చ వితక్కో చ ఉప్పజ్జన్తి. (౩)

౧౧౯. సవితక్కో చ అవితక్కో చ ధమ్మా సవితక్కస్స ధమ్మస్స ఆరమ్మణపచ్చయేన పచ్చయో – సవితక్కే ఖన్ధే చ వితక్కఞ్చ ఆరబ్భ సవితక్కా ఖన్ధా ఉప్పజ్జన్తి. (మూలం కాతబ్బం.) సవితక్కే ఖన్ధే చ వితక్కఞ్చ ఆరబ్భ అవితక్కా ఖన్ధా చ వితక్కో చ ఉప్పజ్జన్తి. (మూలం కాతబ్బం.) సవితక్కే ఖన్ధే చ వితక్కఞ్చ ఆరబ్భ సవితక్కా ఖన్ధా చ వితక్కో చ ఉప్పజ్జన్తి. (౩)

అధిపతిపచ్చయో

౧౨౦. సవితక్కో ధమ్మో సవితక్కస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సవితక్కే ఖన్ధే గరుం కత్వా సవితక్కా ఖన్ధా ఉప్పజ్జన్తి. సహజాతాధిపతి – సవితక్కాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

సవితక్కో ధమ్మో అవితక్కస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సవితక్కే ఖన్ధే గరుం కత్వా వితక్కో ఉప్పజ్జతి. సహజాతాధిపతి – సవితక్కాధిపతి వితక్కస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౨)

సవితక్కో ధమ్మో సవితక్కస్స చ అవితక్కస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – సవితక్కే ఖన్ధే గరుం కత్వా సవితక్కా ఖన్ధా చ వితక్కో చ ఉప్పజ్జన్తి. సహజాతాధిపతి – సవితక్కాధిపతి సమ్పయుత్తకానం ఖన్ధానం వితక్కస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౧౨౧. అవితక్కో ధమ్మో అవితక్కస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – అరియా అవితక్కా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి, నిబ్బానం అవితక్కస్స మగ్గస్స, ఫలస్స, వితక్కస్స చ అధిపతిపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ గరుం కత్వా అస్సాదేతి అభినన్దతి, తం గరుం కత్వా వితక్కో ఉప్పజ్జతి. సహజాతాధిపతి – అవితక్కాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

అవితక్కో ధమ్మో సవితక్కస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా అవితక్కా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స, సవితక్కస్స మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, అవితక్కే ఖన్ధే చ వితక్కఞ్చ గరుం కత్వా సవితక్కా ఖన్ధా ఉప్పజ్జన్తి. (౨)

అవితక్కో ధమ్మో సవితక్కస్స చ అవితక్కస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – అరియా అవితక్కా ఝానా వుట్ఠహిత్వా…పే… మగ్గా వుట్ఠహిత్వా…పే… ఫలా వుట్ఠహిత్వా ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స, సవితక్కస్స మగ్గస్స, ఫలస్స, వితక్కస్స చ అధిపతిపచ్చయేన పచ్చయో; చక్ఖుం…పే… వత్థుం అవితక్కే ఖన్ధే చ వితక్కఞ్చ గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి; అవితక్కే ఖన్ధే చ వితక్కఞ్చ గరుం కత్వా సవితక్కా ఖన్ధా చ వితక్కో చ ఉప్పజ్జన్తి. (౩)

సవితక్కో చ అవితక్కో చ ధమ్మా సవితక్కస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – సవితక్కే ఖన్ధే చ వితక్కఞ్చ గరుం కత్వా సవితక్కా ఖన్ధా ఉప్పజ్జన్తి. (మూలం కాతబ్బం.) సవితక్కే ఖన్ధే చ వితక్కఞ్చ గరుం కత్వా వితక్కో ఉప్పజ్జతి. (మూలం కాతబ్బం.) సవితక్కే ఖన్ధే చ వితక్కఞ్చ గరుం కత్వా సవితక్కా ఖన్ధా చ వితక్కో చ ఉప్పజ్జన్తి. (౩)

అనన్తరపచ్చయాది

౧౨౨. సవితక్కో ధమ్మో సవితక్కస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా పచ్ఛిమానం పచ్ఛిమానం సవితక్కానం ఖన్ధానం అనన్తరపచ్చయేన పచ్చయో. (౧)

సవితక్కో ధమ్మో అవితక్కస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో; సవితక్కం చుతిచిత్తం అవితక్కస్స ఉపపత్తిచిత్తస్స అనన్తరపచ్చయేన పచ్చయో; ఆవజ్జనా పఞ్చన్నం విఞ్ఞాణానం అనన్తరపచ్చయేన పచ్చయో; సవితక్కా ఖన్ధా అవితక్కస్స వుట్ఠానస్స అనన్తరపచ్చయేన పచ్చయో; దుతియస్స ఝానస్స పరికమ్మం దుతియస్స ఝానస్స అనన్తరపచ్చయేన పచ్చయో; తతియస్స ఝానస్స పరికమ్మం…పే… నేవసఞ్ఞానాసఞ్ఞాయతనస్స పరికమ్మం నేవసఞ్ఞానాసఞ్ఞాయతనస్స…పే… దిబ్బస్స చక్ఖుస్స పరికమ్మం…పే… దిబ్బాయ సోతధాతుయా పరికమ్మం…పే… ఇద్ధివిధఞాణస్స పరికమ్మం…పే… చేతోపరియఞాణస్స పరికమ్మం…పే… పుబ్బేనివాసానుస్సతిఞాణస్స పరికమ్మం…పే… యథాకమ్మూపగఞాణస్స పరికమ్మం యథాకమ్మూపగఞాణస్స…పే… అనాగతంసఞాణస్స పరికమ్మం అనాగతంసఞాణస్స అనన్తరపచ్చయేన పచ్చయో. గోత్రభు అవితక్కస్స మగ్గస్స… వోదానం అవితక్కస్స మగ్గస్స… అనులోమం అవితక్కాయ ఫలసమాపత్తియా అనన్తరపచ్చయేన పచ్చయో. (౨)

సవితక్కో ధమ్మో సవితక్కస్స చ అవితక్కస్స చ ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా పచ్ఛిమానం పచ్ఛిమానం సవితక్కానం ఖన్ధానం వితక్కస్స చ అనన్తరపచ్చయేన పచ్చయో. (౩)

౧౨౩. అవితక్కో ధమ్మో అవితక్కస్స ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో; పురిమా పురిమా అవితక్కా ఖన్ధా పచ్ఛిమానం పచ్ఛిమానం అవితక్కానం ఖన్ధానం అనన్తరపచ్చయేన పచ్చయో; అవితక్కో మగ్గో అవితక్కస్స ఫలస్స…పే… అవితక్కం ఫలం అవితక్కస్స ఫలస్స …పే… నిరోధా వుట్ఠహన్తస్స నేవసఞ్ఞానాసఞ్ఞాయతనం అవితక్కాయ ఫలసమాపత్తియా అనన్తరపచ్చయేన పచ్చయో. (౧)

అవితక్కో ధమ్మో సవితక్కస్స ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమానం పచ్ఛిమానం సవితక్కానం ఖన్ధానం అనన్తరపచ్చయేన పచ్చయో; అవితక్కం చుతిచిత్తం సవితక్కస్స ఉపపత్తిచిత్తస్స, అవితక్కం భవఙ్గం ఆవజ్జనాయ, అవితక్కా ఖన్ధా సవితక్కస్స వుట్ఠానస్స అనన్తరపచ్చయేన పచ్చయో. (౨)

అవితక్కో ధమ్మో సవితక్కస్స చ అవితక్కస్స చ ధమ్మస్స అనన్తరపచ్చయేన పచ్చయో – పురిమో పురిమో వితక్కో పచ్ఛిమానం పచ్ఛిమానం సవితక్కానం ఖన్ధానం వితక్కస్స చ అనన్తరపచ్చయేన పచ్చయో. (౩)

౧౨౪. సవితక్కో చ అవితక్కో చ ధమ్మా సవితక్కస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా చ వితక్కో చ పచ్ఛిమానం పచ్ఛిమానం సవితక్కానం ఖన్ధానం అనన్తరపచ్చయేన పచ్చయో. (౧)

సవితక్కో చ అవితక్కో చ ధమ్మా అవితక్కస్స ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా చ వితక్కో చ పచ్ఛిమస్స పచ్ఛిమస్స వితక్కస్స అనన్తరపచ్చయేన పచ్చయో; సవితక్కం చుతిచిత్తఞ్చ వితక్కో చ అవితక్కస్స ఉపపత్తిచిత్తస్స…పే… ఆవజ్జనా చ వితక్కో చ పఞ్చన్నం విఞ్ఞాణానం…పే… సవితక్కా ఖన్ధా చ వితక్కో చ అవితక్కస్స వుట్ఠానస్స అనన్తరపచ్చయేన పచ్చయో; దుతియస్స ఝానస్స పరికమ్మఞ్చ వితక్కో చ…పే… (హేట్ఠా లిఖితం లేఖం ఇమినా కారణేన దట్ఠబ్బం); అనులోమఞ్చ వితక్కో చ అవితక్కాయ ఫలసమాపత్తియా అనన్తరపచ్చయేన పచ్చయో. (౨)

సవితక్కో చ అవితక్కో చ ధమ్మా సవితక్కస్స చ అవితక్కస్స చ ధమ్మస్స అనన్తరపచ్చయేన పచ్చయో – పురిమా పురిమా సవితక్కా ఖన్ధా చ వితక్కో చ పచ్ఛిమానం పచ్ఛిమానం సవితక్కానం ఖన్ధానం వితక్కస్స చ అనన్తరపచ్చయేన పచ్చయో. (౩)

సమనన్తరపచ్చయేన పచ్చయో… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… నవ… నిస్సయపచ్చయేన పచ్చయో… నవ.

ఉపనిస్సయపచ్చయో

౧౨౫. సవితక్కో ధమ్మో సవితక్కస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సవితక్కా ఖన్ధా సవితక్కానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) సవితక్కా ఖన్ధా అవితక్కానం ఖన్ధానం వితక్కస్స చ ఉపనిస్సయపచ్చయేన పచ్చయో. (మూలం కాతబ్బం.) సవితక్కా ఖన్ధా సవితక్కానం ఖన్ధానం వితక్కస్స చ ఉపనిస్సయపచ్చయేన పచ్చయో. (౩)

౧౨౬. అవితక్కో ధమ్మో అవితక్కస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – అవితక్కం సద్ధం ఉపనిస్సాయ అవితక్కం ఝానం ఉప్పాదేతి, మగ్గం ఉప్పాదేతి, అభిఞ్ఞం ఉప్పాదేతి, సమాపత్తిం ఉప్పాదేతి; అవితక్కం సీలం…పే… పఞ్ఞం… కాయికం సుఖం… కాయికం దుక్ఖం… ఉతుం… భోజనం… సేనాసనం వితక్కం ఉపనిస్సాయ అవితక్కం ఝానం ఉప్పాదేతి, మగ్గం…పే… అభిఞ్ఞం…పే… సమాపత్తిం ఉప్పాదేతి; అవితక్కా సద్ధా…పే… సేనాసనం వితక్కో చ అవితక్కాయ సద్ధాయ…పే… పఞ్ఞాయ… కాయికస్స సుఖస్స… కాయికస్స దుక్ఖస్స… అవితక్కస్స మగ్గస్స… ఫలసమాపత్తియా ఉపనిస్సయపచ్చయేన పచ్చయో. (౧)

అవితక్కో ధమ్మో సవితక్కస్స ధమ్మస్స ఉపనిస్సయపచ్చయేన పచ్చయో (తీణిపి ఉపనిస్సయా సబ్బత్థ కాతబ్బా). అవితక్కం సద్ధం ఉపనిస్సాయ దానం దేతి, సీలం సమాదియతి, ఉపోసథకమ్మం కరోతి; సవితక్కం ఝానం ఉప్పాదేతి, విపస్సనం…పే… మగ్గం…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; అవితక్కం సీలం…పే… సేనాసనం వితక్కం ఉపనిస్సాయ దానం దేతి…పే… సమాపత్తిం ఉప్పాదేతి, పాణం హనతి…పే… సఙ్ఘం భిన్దతి; అవితక్కా సద్ధా…పే… సేనాసనం వితక్కో చ సవితక్కాయ సద్ధాయ…పే… పఞ్ఞాయ… రాగస్స…పే… పత్థనాయ సవితక్కస్స మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౨)

అవితక్కో ధమ్మో సవితక్కస్స చ అవితక్కస్స చ ధమ్మస్స ఉపనిస్సయపచ్చయేన పచ్చయో – అవితక్కం సద్ధం ఉపనిస్సాయ దానం దేతి…పే… (దుతియవారే లిఖితపదా సబ్బే కాతబ్బా) సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; సీలం…పే… పఞ్ఞం…పే… సేనాసనం వితక్కం ఉపనిస్సాయ దానం దేతి…పే… పాణం హనతి…పే… సఙ్ఘం భిన్దతి; అవితక్కా సద్ధా…పే… సేనాసనం వితక్కో చ సవితక్కాయ సద్ధాయ…పే… పఞ్ఞాయ… రాగస్స …పే… పత్థనాయ సవితక్కస్స మగ్గస్స, ఫలసమాపత్తియా వితక్కస్స చ ఉపనిస్సయపచ్చయేన పచ్చయో. (౩)

౧౨౭. సవితక్కో చ అవితక్కో చ ధమ్మా సవితక్కస్స ధమ్మస్స ఉపనిస్సయపచ్చయేన పచ్చయో – సవితక్కా ఖన్ధా చ వితక్కో చ సవితక్కానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) సవితక్కా ఖన్ధా చ వితక్కో చ అవితక్కానం ఖన్ధానం వితక్కస్స చ ఉపనిస్సయపచ్చయేన పచ్చయో. (మూలం కాతబ్బం.) సవితక్కా ఖన్ధా చ వితక్కో చ సవితక్కానం ఖన్ధానం వితక్కస్స చ ఉపనిస్సయపచ్చయేన పచ్చయో. (౩)

పురేజాతపచ్చయో

౧౨౮. అవితక్కో ధమ్మో అవితక్కస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… విపస్సతి అస్సాదేతి అభినన్దతి, తం ఆరబ్భ వితక్కో ఉప్పజ్జతి, దిబ్బేన చక్ఖునా రూపం పస్సతి…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు అవితక్కానం ఖన్ధానం వితక్కస్స చ పురేజాతపచ్చయేన పచ్చయో.

అవితక్కో ధమ్మో సవితక్కస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… విపస్సతి అస్సాదేతి అభినన్దతి, తం ఆరబ్భ సవితక్కా ఖన్ధా ఉప్పజ్జన్తి. వత్థుపురేజాతం – వత్థు సవితక్కానం ఖన్ధానం పురేజాతపచ్చయేన పచ్చయో.

అవితక్కో ధమ్మో సవితక్కస్స చ అవితక్కస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ సవితక్కా ఖన్ధా చ వితక్కో చ ఉప్పజ్జన్తి. వత్థుపురేజాతం – వత్థు సవితక్కానం ఖన్ధానం వితక్కస్స చ పురేజాతపచ్చయేన పచ్చయో. (౩)

పచ్ఛాజాతాసేవనపచ్చయా

౧౨౯. సవితక్కో ధమ్మో అవితక్కస్స ధమ్మస్స పచ్ఛాజాతపచ్చయేన పచ్చయో (తీణి, పచ్ఛాజాతా)… ఆసేవనపచ్చయేన పచ్చయో… నవ.

కమ్మపచ్చయాది

౧౩౦. సవితక్కో ధమ్మో సవితక్కస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – సవితక్కా చేతనా సమ్పయుత్తకానం ఖన్ధానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – సవితక్కా చేతనా విపాకానం సవితక్కానం ఖన్ధానం కమ్మపచ్చయేన పచ్చయో. (ఏవం చత్తారి, సహజాతాపి నానాక్ఖణికాపి కాతబ్బా.)

విపాకపచ్చయేన పచ్చయో… నవ… ఆహారపచ్చయేన పచ్చయో… చత్తారి… ఇన్ద్రియపచ్చయేన పచ్చయో… చత్తారి… ఝానపచ్చయేన పచ్చయో… నవ… మగ్గపచ్చయేన పచ్చయో… నవ… సమ్పయుత్తపచ్చయేన పచ్చయో… ఛ.

౧౩౧. సవితక్కో ధమ్మో సవితక్కస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

అవితక్కో ధమ్మో అవితక్కస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). అవితక్కో ధమ్మో సవితక్కస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం (సంఖిత్తం). అవితక్కో ధమ్మో సవితక్కస్స చ అవితక్కస్స చ ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు వితక్కస్స సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. పురేజాతం – వత్థు వితక్కస్స సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)

సవితక్కో చ అవితక్కో చ ధమ్మా అవితక్కస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం).

అత్థిపచ్చయాది

౧౩౨. సవితక్కో ధమ్మో సవితక్కస్స ధమ్మస్స అత్థిపచ్చయేన పచ్చయో (ఏకం, పటిచ్చసదిసం). సవితక్కో ధమ్మో అవితక్కస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం (సంఖిత్తం). సవితక్కో ధమ్మో సవితక్కస్స చ అవితక్కస్స చ ధమ్మస్స అత్థిపచ్చయేన పచ్చయో (పటిచ్చసదిసం). (౩)

అవితక్కో ధమ్మో అవితక్కస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). అవితక్కో ధమ్మో సవితక్కస్స ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). అవితక్కో ధమ్మో సవితక్కస్స చ అవితక్కస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – వితక్కో సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో; పటిసన్ధిక్ఖణే వితక్కో సమ్పయుత్తకానం ఖన్ధానం కటత్తా చ రూపానం అత్థిపచ్చయేన పచ్చయో, పటిసన్ధిక్ఖణే వత్థు వితక్కస్స సమ్పయుత్తకానఞ్చ ఖన్ధానం అత్థిపచ్చయేన పచ్చయో. పురేజాతం – చక్ఖుం…పే… వత్థుం అనిచ్చతో…పే… విపస్సతి అస్సాదేతి అభినన్దతి, తం ఆరబ్భ వితక్కో చ సమ్పయుత్తకా చ ఖన్ధా ఉప్పజ్జన్తి, వత్థు వితక్కస్స సమ్పయుత్తకానఞ్చ ఖన్ధానం అత్థిపచ్చయేన పచ్చయో. (౩)

౧౩౩. సవితక్కో చ అవితక్కో చ ధమ్మా సవితక్కస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సవితక్కో ఏకో ఖన్ధో చ వితక్కో చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – సవితక్కో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… (పటిసన్ధిక్ఖణే సహజాతాపి ద్వేపి కాతబ్బా). (౧)

సవితక్కో చ అవితక్కో చ ధమ్మా అవితక్కస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతా – సవితక్కా ఖన్ధా చ వితక్కో చ చిత్తసముట్ఠానానం రూపానం అత్థిపచ్చయేన పచ్చయో. సహజాతా – సవితక్కా ఖన్ధా చ వత్థు చ వితక్కస్స అత్థిపచ్చయేన పచ్చయో (పటిసన్ధిక్ఖణే, తీణి). పచ్ఛాజాతా – సవితక్కా ఖన్ధా చ వితక్కో చ పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – సవితక్కా ఖన్ధా చ వితక్కో చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – సవితక్కా ఖన్ధా చ వితక్కో చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౩)

సవితక్కో చ అవితక్కో చ ధమ్మా సవితక్కస్స చ అవితక్కస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సవితక్కో ఏకో ఖన్ధో చ వితక్కో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – సవితక్కో ఏకో ఖన్ధో చ వత్థు చ తిణ్ణన్నం ఖన్ధానం వితక్కస్స చ అత్థిపచ్చయేన పచ్చయో…పే… ద్వే ఖన్ధా చ…పే… (పటిసన్ధియాపి ద్వే). (౩)

నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.