౧. విభఙ్గవారో

నహేతుపచ్చయో

౧౦౬. సవితక్కం ధమ్మం పటిచ్చ సవితక్కో ధమ్మో ఉప్పజ్జతి నహేతుపచ్చయా – అహేతుకం సవితక్కం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అహేతుకపటిసన్ధిక్ఖణే…పే… విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (సవితక్కమూలకా అవసేసా ద్వే పఞ్హా కాతబ్బా, అహేతుకం నిన్నానం.) (౩)

అవితక్కం ధమ్మం పటిచ్చ అవితక్కో ధమ్మో ఉప్పజ్జతి నహేతుపచ్చయా – అహేతుకం అవితక్కం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అహేతుకం వితక్కం పటిచ్చ చిత్తసముట్ఠానం రూపం; అహేతుకపటిసన్ధిక్ఖణే వితక్కం పటిచ్చ కటత్తారూపం, వితక్కం పటిచ్చ వత్థు, వత్థుం పటిచ్చ వితక్కో, ఏకం మహాభూతం…పే…. (౧)

అవితక్కం ధమ్మం పటిచ్చ సవితక్కో ధమ్మో ఉప్పజ్జతి నహేతుపచ్చయా – అహేతుకం వితక్కం పటిచ్చ సమ్పయుత్తకా ఖన్ధా, అహేతుకపటిసన్ధిక్ఖణే వితక్కం పటిచ్చ సమ్పయుత్తకా ఖన్ధా; పటిసన్ధిక్ఖణే వత్థుం పటిచ్చ అహేతుకా సవితక్కా ఖన్ధా, వితక్కం పటిచ్చ విచికిచ్ఛాసహగతో ఉద్ధచ్చసహగతో మోహో. (౨)

అవితక్కం ధమ్మం పటిచ్చ సవితక్కో చ అవితక్కో చ ధమ్మా ఉప్పజ్జన్తి నహేతుపచ్చయా. (సంఖిత్తం. హేతుపచ్చయసదిసం. ‘‘అహేతుక’’న్తి నియామేతబ్బం.) (౩)

సవితక్కఞ్చ అవితక్కఞ్చ ధమ్మం పటిచ్చ సవితక్కో ధమ్మో ఉప్పజ్జతి నహేతుపచ్చయా – అహేతుకం సవితక్కం ఏకం ఖన్ధఞ్చ వితక్కఞ్చ పటిచ్చ తయో ఖన్ధా…పే… ద్వే ఖన్ధే…పే… అహేతుకపటిసన్ధిక్ఖణే సవితక్కం ఏకం ఖన్ధఞ్చ వితక్కఞ్చ పటిచ్చ తయో ఖన్ధా…పే… ద్వే ఖన్ధే…పే… అహేతుకపటిసన్ధిక్ఖణే సవితక్కం ఏకం ఖన్ధఞ్చ వత్థుఞ్చ వితక్కఞ్చ పటిచ్చ తయో ఖన్ధా…పే… ద్వే ఖన్ధే…పే… విచికిచ్ఛాసహగతే ఉద్ధచ్చసహగతే ఖన్ధే చ వితక్కఞ్చ పటిచ్చ విచికిచ్ఛాసహగతో ఉద్ధచ్చసహగతో మోహో. (అవసేసా ద్వే పఞ్హా హేతుపచ్చయసదిసా నిన్నానా, అహేతుకన్తి నియామేతబ్బం.) (౩)