౧. విభఙ్గవారో

హేతుపచ్చయో

౯౪. భావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స హేతుపచ్చయేన పచ్చయో… ఛ…పే… (దస్సనేన పహాతబ్బహేతుకదుకసదిసా).

ఆరమ్మణపచ్చయో

౯౫. భావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స ఆరమ్మణపచ్చయేన పచ్చయో… తీణి (ఆరబ్భ దస్సనేన పహాతబ్బహేతుకదుకసదిసా).

౯౬. నభావనాయ పహాతబ్బహేతుకో ధమ్మో నభావనాయ పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం పచ్చవేక్ఖతి అస్సాదేతి అభినన్దతి, తం ఆరబ్భ నభావనాయ పహాతబ్బహేతుకో రాగో ఉప్పజ్జతి, దిట్ఠి…పే… విచికిచ్ఛా…పే… నభావనాయ పహాతబ్బహేతుకం దోమనస్సం ఉప్పజ్జతి, పుబ్బే సుచిణ్ణాని…పే… ఝానా…పే… అరియా మగ్గా…పే… ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నభావనాయ పహాతబ్బహేతుకే పహీనే కిలేసే…పే… పుబ్బే సముదాచిణ్ణే…పే… చక్ఖుం…పే… వత్థుం నభావనాయ పహాతబ్బహేతుకే ఖన్ధే చ మోహఞ్చ అనిచ్చతో…పే… విపస్సతి అస్సాదేతి అభినన్దతి, తం ఆరబ్భ నభావనాయ పహాతబ్బహేతుకో రాగో ఉప్పజ్జతి, దిట్ఠి…పే… విచికిచ్ఛా…పే… నభావనాయ పహాతబ్బహేతుకం దోమనస్సం ఉప్పజ్జతి; దిబ్బేన చక్ఖునా రూపం పస్సతి…పే… అనాగతంసఞాణస్స, ఆవజ్జనాయ, మోహస్స చ ఆరమ్మణపచ్చయేన పచ్చయో. (౧)

నభావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఝానం…పే… చక్ఖుం…పే… వత్థుం నభావనాయ పహాతబ్బహేతుకే ఖన్ధే చ మోహఞ్చ అస్సాదేతి అభినన్దతి, తం ఆరబ్భ భావనాయ పహాతబ్బహేతుకో రాగో ఉప్పజ్జతి, ఉద్ధచ్చం…పే… భావనాయ పహాతబ్బహేతుకం దోమనస్సం ఉప్పజ్జతి. (౨)

నభావనాయ పహాతబ్బహేతుకో ధమ్మో భావనాయ పహాతబ్బహేతుకస్స చ నభావనాయ పహాతబ్బహేతుకస్స చ ధమ్మస్స ఆరమ్మణపచ్చయేన పచ్చయో – చక్ఖుం…పే… వత్థుం నభావనాయ పహాతబ్బహేతుకే ఖన్ధే చ మోహఞ్చ ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి (ఘటనారమ్మణా తీణిపి కాతబ్బా). (౩)

అధిపతిపచ్చయాది

౯౭. భావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – భావనాయ పహాతబ్బహేతుకం రాగం గరుం కత్వా అస్సాదేతి అభినన్దతి, తం గరుం కత్వా భావనాయ పహాతబ్బహేతుకో రాగో ఉప్పజ్జతి. సహజాతాధిపతి – భావనాయ పహాతబ్బహేతుకాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

భావనాయ పహాతబ్బహేతుకో ధమ్మో నభావనాయ పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – భావనాయ పహాతబ్బహేతుకం రాగం గరుం కత్వా అస్సాదేతి అభినన్దతి, తం గరుం కత్వా నభావనాయ పహాతబ్బహేతుకో రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – భావనాయ పహాతబ్బహేతుకాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

భావనాయ పహాతబ్బహేతుకో ధమ్మో భావనాయ పహాతబ్బహేతుకస్స చ నభావనాయ పహాతబ్బహేతుకస్స చ ధమ్మస్స అధిపతిపచ్చయేన పచ్చయో. సహజాతాధిపతి – భావనాయ పహాతబ్బహేతుకాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౯౮. నభావనాయ పహాతబ్బహేతుకో ధమ్మో నభావనాయ పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా నభావనాయ పహాతబ్బహేతుకో రాగో ఉప్పజ్జతి, దిట్ఠి ఉప్పజ్జతి, పుబ్బే…పే… ఝానా…పే… అరియా మగ్గా వుట్ఠహిత్వా…పే… ఫలస్స అధిపతిపచ్చయేన పచ్చయో; చక్ఖుం…పే… వత్థుం నభావనాయ పహాతబ్బహేతుకే ఖన్ధే గరుం కత్వా అస్సాదేతి అభినన్దతి, తం గరుం కత్వా నభావనాయ పహాతబ్బహేతుకో రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నభావనాయ పహాతబ్బహేతుకాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నభావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి – దానం…పే… ఝానం…పే… చక్ఖుం…పే… వత్థుం నభావనాయ పహాతబ్బహేతుకే ఖన్ధే గరుం కత్వా అస్సాదేతి అభినన్దతి, తం గరుం కత్వా భావనాయ పహాతబ్బహేతుకో రాగో ఉప్పజ్జతి. (౨)

(అనన్తరపచ్చయే నభావనాయ పహాతబ్బహేతుకకారణా విచికిచ్ఛాసహగతో మోహో న కాతబ్బో, ఉద్ధచ్చసహగతో మోహో కాతబ్బో.) సమనన్తరపచ్చయేన పచ్చయో… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… ఛ… నిస్సయపచ్చయేన పచ్చయో… నవ.

ఉపనిస్సయపచ్చయో

౯౯. భావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – భావనాయ పహాతబ్బహేతుకా ఖన్ధా భావనాయ పహాతబ్బహేతుకానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) భావనాయ పహాతబ్బహేతుకా ఖన్ధా నభావనాయ పహాతబ్బహేతుకానం ఖన్ధానం మోహస్స చ ఉపనిస్సయపచ్చయేన పచ్చయో; సకభణ్డే ఛన్దరాగో పరభణ్డే ఛన్దరాగస్స ఉపనిస్సయపచ్చయేన పచ్చయో; సకపరిగ్గహే ఛన్దరాగో పరపరిగ్గహే ఛన్దరాగస్స ఉపనిస్సయపచ్చయేన పచ్చయో. (మూలం కాతబ్బం.) భావనాయ పహాతబ్బహేతుకా ఖన్ధా ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

౧౦౦. నభావనాయ పహాతబ్బహేతుకో ధమ్మో నభావనాయ పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి, దిట్ఠిం గణ్హాతి; సీలం…పే… పఞ్ఞం… నభావనాయ పహాతబ్బహేతుకం రాగం… దోసం… మోహం… దిట్ఠిం… పత్థనం… కాయికం సుఖం… కాయికం దుక్ఖం…పే… సేనాసనం ఉపనిస్సాయ దానం దేతి…పే… పాణం హనతి…పే… సఙ్ఘం భిన్దతి; సద్ధా…పే… సేనాసనం సద్ధాయ…పే… పఞ్ఞాయ… నభావనాయ పహాతబ్బహేతుకస్స రాగస్స … దోసస్స… మోహస్స… దిట్ఠియా… పత్థనాయ… కాయికస్స సుఖస్స…పే… ఫలసమాపత్తియా ఉపనిస్సయపచ్చయేన పచ్చయో. (౧)

నభావనాయ పహాతబ్బహేతుకో ధమ్మో భావనాయ పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి…పే… సద్ధా …పే… సేనాసనం భావనాయ పహాతబ్బహేతుకస్స రాగస్స… దోసస్స… మోహస్స… మానస్స… పత్థనాయ ఉపనిస్సయపచ్చయేన పచ్చయో. (౨)

నభావనాయ పహాతబ్బహేతుకో ధమ్మో భావనాయ పహాతబ్బహేతుకస్స చ నభావనాయ పహాతబ్బహేతుకస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధా…పే… పఞ్ఞా… కాయికం సుఖం…పే… సేనాసనం ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో (ఘటనూపనిస్సయాపి తీణిపి కాతబ్బా). (౩)

పురేజాతపచ్చయాది

౧౦౧. నభావనాయ పహాతబ్బహేతుకో ధమ్మో నభావనాయ పహాతబ్బహేతుకస్స ధమ్మస్స పురేజాతపచ్చయేన పచ్చయో… తీణి… పచ్ఛాజాతపచ్చయేన పచ్చయో… తీణి… ఆసేవనపచ్చయేన పచ్చయో… నవ… కమ్మపచ్చయేన పచ్చయో (నభావనాయ పహాతబ్బభాజనకారణే నానాక్ఖణికా లబ్భతి ) …పే… నోవిగతపచ్చయేన పచ్చయో. (సంఖిత్తం. యథా దస్సనేన పహాతబ్బహేతుకదుకం ఏవం భావనాయ పహాతబ్బహేతుకపచ్చయాపి పచ్చనీయాపి విభాగోపి గణనాపి నిన్నానాకరణా.)

నదస్సనేన పహాతబ్బో ధమ్మో నదస్సనేన పహాతబ్బస్స ధమ్మస్స…పే…. (పరన్తేన సకభణ్డఛన్దరాగోపి కాతబ్బో.)

భావనాయ పహాతబ్బో ధమ్మో నభావనాయ పహాతబ్బస్స ధమ్మస్స…పే…. (పరన్తేన ‘‘సకభణ్డఛన్దరాగో’’తి కాతబ్బం.)

భావనాయపహాతబ్బహేతుకదుకం నిట్ఠితం.