౧. విభఙ్గవారో

హేతుపచ్చయో

౬౮. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స హేతుపచ్చయేన పచ్చయో – దస్సనేన పహాతబ్బహేతుకా హేతూ సమ్పయుత్తకానం ఖన్ధానం హేతుపచ్చయేన పచ్చయో. (మూలం కాతబ్బం.) దస్సనేన పహాతబ్బహేతుకా హేతూ చిత్తసముట్ఠానానం రూపానం హేతుపచ్చయేన పచ్చయో. (మూలం కాతబ్బం.) దస్సనేన పహాతబ్బహేతుకా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౬౯. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స హేతుపచ్చయేన పచ్చయో – నదస్సనేన పహాతబ్బహేతుకా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో, విచికిచ్ఛాసహగతో మోహో చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం.) విచికిచ్ఛాసహగతో మోహో సమ్పయుత్తకానం ఖన్ధానం హేతుపచ్చయేన పచ్చయో. (మూలం కాతబ్బం.) విచికిచ్ఛాసహగతో మోహో సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౭౦. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – దస్సనేన పహాతబ్బహేతుకే ఖన్ధే ఆరబ్భ దస్సనేన పహాతబ్బహేతుకా ఖన్ధా ఉప్పజ్జన్తి. (మూలం కాతబ్బం.) దస్సనేన పహాతబ్బహేతుకే ఖన్ధే ఆరబ్భ నదస్సనేన పహాతబ్బహేతుకా ఖన్ధా చ మోహో చ ఉప్పజ్జన్తి. (మూలం కాతబ్బం.) దస్సనేన పహాతబ్బహేతుకే ఖన్ధే ఆరబ్భ విచికిచ్ఛాసహగతా ఖన్ధా చ మోహో చ ఉప్పజ్జన్తి. (౩)

౭౧. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం పచ్చవేక్ఖతి, అస్సాదేతి అభినన్దతి, తం ఆరబ్భ నదస్సనేన పహాతబ్బహేతుకో రాగో ఉప్పజ్జతి, ఉద్ధచ్చం ఉప్పజ్జతి, నదస్సనేన పహాతబ్బహేతుకం దోమనస్సం ఉప్పజ్జతి, పుబ్బే సుచిణ్ణాని …పే… ఝానా వుట్ఠహిత్వా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి…పే… అరియా నదస్సనేన పహాతబ్బహేతుకే పహీనే కిలేసే పచ్చవేక్ఖన్తి, విక్ఖమ్భితే కిలేసే…పే… పుబ్బే సముదాచిణ్ణే కిలేసే జానన్తి, చక్ఖుం…పే… వత్థుం నదస్సనేన పహాతబ్బహేతుకే ఖన్ధే చ మోహఞ్చ అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ నదస్సనేన పహాతబ్బహేతుకో రాగో ఉప్పజ్జతి, ఉద్ధచ్చం ఉప్పజ్జతి, నదస్సనేన పహాతబ్బహేతుకం దోమనస్సం ఉప్పజ్జతి, దిబ్బేన చక్ఖునా రూపం పస్సతి…పే… అనాగతంసఞాణస్స, ఆవజ్జనాయ, మోహస్స చ ఆరమ్మణపచ్చయేన పచ్చయో.

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – దానం…పే… ఝానం…పే… చక్ఖుం…పే… వత్థుం నదస్సనేన పహాతబ్బహేతుకే ఖన్ధే చ మోహఞ్చ అస్సాదేతి అభినన్దతి, తం ఆరబ్భ దస్సనేన పహాతబ్బహేతుకో రాగో ఉప్పజ్జతి, దిట్ఠి…పే… విచికిచ్ఛా…పే… దస్సనేన పహాతబ్బహేతుకం దోమనస్సం ఉప్పజ్జతి.

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స ఆరమ్మణపచ్చయేన పచ్చయో – చక్ఖుం…పే… వత్థుం నదస్సనేన పహాతబ్బహేతుకే ఖన్ధే చ మోహఞ్చ ఆరబ్భ విచికిచ్ఛాసహగతా ఖన్ధా చ మోహో చ ఉప్పజ్జన్తి. (౩)

౭౨. దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా దస్సనేన పహాతబ్బహేతుకస్స ధమ్మస్స ఆరమ్మణపచ్చయేన పచ్చయో – విచికిచ్ఛాసహగతే ఖన్ధే చ మోహఞ్చ ఆరబ్భ దస్సనేన పహాతబ్బహేతుకా ఖన్ధా ఉప్పజ్జన్తి. (మూలం కాతబ్బం.) విచికిచ్ఛాసహగతే ఖన్ధే చ మోహఞ్చ ఆరబ్భ నదస్సనేన పహాతబ్బహేతుకా ఖన్ధా చ మోహో చ ఉప్పజ్జన్తి. (మూలం కాతబ్బం.) విచికిచ్ఛాసహగతే ఖన్ధే చ మోహఞ్చ ఆరబ్భ విచికిచ్ఛాసహగతా ఖన్ధా చ మోహో చ ఉప్పజ్జన్తి. (౩)

అధిపతిపచ్చయో

౭౩. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దస్సనేన పహాతబ్బహేతుకే ఖన్ధే గరుం కత్వా దస్సనేన పహాతబ్బహేతుకా ఖన్ధా ఉప్పజ్జన్తి. సహజాతాధిపతి – దస్సనేన పహాతబ్బహేతుకాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)

దస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స అధిపతిపచ్చయేన పచ్చయో. సహజాతాధిపతి – దస్సనేన పహాతబ్బహేతుకాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)

దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స అధిపతిపచ్చయేన పచ్చయో. సహజాతాధిపతి – దస్సనేన పహాతబ్బహేతుకాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౭౪. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా నదస్సనేన పహాతబ్బహేతుకో రాగో ఉప్పజ్జతి, పుబ్బే సుచిణ్ణాని…పే… ఝానా…పే… అరియా మగ్గా వుట్ఠహిత్వా మగ్గం గరుం కత్వా…పే… ఫలస్స అధిపతిపచ్చయేన పచ్చయో; చక్ఖుం…పే… వత్థుం నదస్సనేన పహాతబ్బహేతుకే ఖన్ధే గరుం కత్వా అస్సాదేతి అభినన్దతి, తం గరుం కత్వా నదస్సనేన పహాతబ్బహేతుకో రాగో ఉప్పజ్జతి. సహజాతాధిపతి – నదస్సనేన పహాతబ్బహేతుకాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా…పే… ఝానా…పే… చక్ఖుం…పే… వత్థుం నదస్సనేన పహాతబ్బహేతుకే ఖన్ధే గరుం కత్వా అస్సాదేతి అభినన్దతి, తం గరుం కత్వా దస్సనేన పహాతబ్బహేతుకో రాగో ఉప్పజ్జతి, దిట్ఠి ఉప్పజ్జతి. (౨)

అనన్తరపచ్చయో

౭౫. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స అనన్తరపచ్చయేన పచ్చయో – పురిమా పురిమా దస్సనేన పహాతబ్బహేతుకా ఖన్ధా పచ్ఛిమానం పచ్ఛిమానం దస్సనేన పహాతబ్బహేతుకానం ఖన్ధానం అనన్తరపచ్చయేన పచ్చయో. (మూలం కాతబ్బం.) పురిమా పురిమా విచికిచ్ఛాసహగతా ఖన్ధా పచ్ఛిమస్స పచ్ఛిమస్స విచికిచ్ఛాసహగతస్స మోహస్స అనన్తరపచ్చయేన పచ్చయో; దస్సనేన పహాతబ్బహేతుకా ఖన్ధా వుట్ఠానస్స అనన్తరపచ్చయేన పచ్చయో. (మూలం కాతబ్బం.) పురిమా పురిమా విచికిచ్ఛాసహగతా ఖన్ధా పచ్ఛిమానం పచ్ఛిమానం విచికిచ్ఛాసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

౭౬. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స అనన్తరపచ్చయేన పచ్చయో – పురిమో పురిమో విచికిచ్ఛాసహగతో మోహో పచ్ఛిమస్స పచ్ఛిమస్స విచికిచ్ఛాసహగతస్స మోహస్స అనన్తరపచ్చయేన పచ్చయో; పురిమా పురిమా నదస్సనేన పహాతబ్బహేతుకా ఖన్ధా…పే… ఫలసమాపత్తియా అనన్తరపచ్చయేన పచ్చయో. (మూలం కాతబ్బం.) పురిమో పురిమో విచికిచ్ఛాసహగతో మోహో పచ్ఛిమానం పచ్ఛిమానం విచికిచ్ఛాసహగతానం ఖన్ధానం అనన్తరపచ్చయేన పచ్చయో; ఆవజ్జనా దస్సనేన పహాతబ్బహేతుకానం ఖన్ధానం అనన్తరపచ్చయేన పచ్చయో. (మూలం కాతబ్బం.) పురిమో పురిమో విచికిచ్ఛాసహగతో మోహో పచ్ఛిమానం పచ్ఛిమానం విచికిచ్ఛాసహగతానం ఖన్ధానం మోహస్స చ అనన్తరపచ్చయేన పచ్చయో; ఆవజ్జనా విచికిచ్ఛాసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

౭౭. దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా దస్సనేన పహాతబ్బహేతుకస్స ధమ్మస్స అనన్తరపచ్చయేన పచ్చయో – పురిమా పురిమా విచికిచ్ఛాసహగతా ఖన్ధా చ మోహో చ పచ్ఛిమానం పచ్ఛిమానం విచికిచ్ఛాసహగతానం ఖన్ధానం అనన్తరపచ్చయేన పచ్చయో. (మూలం కాతబ్బం.) పురిమా పురిమా విచికిచ్ఛాసహగతా ఖన్ధా చ మోహో చ పచ్ఛిమస్స పచ్ఛిమస్స విచికిచ్ఛాసహగతస్స మోహస్స అనన్తరపచ్చయేన పచ్చయో; విచికిచ్ఛాసహగతా ఖన్ధా చ మోహో చ వుట్ఠానస్స అనన్తరపచ్చయేన పచ్చయో. (మూలం కాతబ్బం.) పురిమా పురిమా విచికిచ్ఛాసహగతా ఖన్ధా చ మోహో చ పచ్ఛిమానం పచ్ఛిమానం విచికిచ్ఛాసహగతానం ఖన్ధానం మోహస్స చ అనన్తరపచ్చయేన పచ్చయో. (౩)

సమనన్తరపచ్చయేన పచ్చయో… నవ… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… ఛ… నిస్సయపచ్చయేన పచ్చయో… నవ.

ఉపనిస్సయపచ్చయో

౭౮. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – దస్సనేన పహాతబ్బహేతుకా ఖన్ధా దస్సనేన పహాతబ్బహేతుకానం ఖన్ధానం ఉపనిస్సయపచ్చయేన పచ్చయో. (అవసేసేసు ద్వీసు అనన్తరూపనిస్సయో, పకతూపనిస్సయో.) (మూలం కాతబ్బం.) దస్సనేన పహాతబ్బహేతుకా ఖన్ధా నదస్సనేన పహాతబ్బహేతుకానం ఖన్ధానం మోహస్స చ ఉపనిస్సయపచ్చయేన పచ్చయో. (మూలం కాతబ్బం.) దస్సనేన పహాతబ్బహేతుకా ఖన్ధా విచికిచ్ఛాసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

౭౯. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి మానం జప్పేతి; సీలం …పే… పఞ్ఞం… నదస్సనేన పహాతబ్బహేతుకం రాగం… దోసం… మోహం… మానం… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి; సద్ధా…పే… సేనాసనం సద్ధాయ…పే… పఞ్ఞాయ నదస్సనేన పహాతబ్బహేతుకస్స రాగస్స…పే… పత్థనాయ ఫలసమాపత్తియా ఉపనిస్సయపచ్చయేన పచ్చయో. (౧)

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దిట్ఠిం గణ్హాతి; సీలం…పే… పఞ్ఞం… నదస్సనేన పహాతబ్బహేతుకం రాగం… దోసం… మోహం… మానం… పత్థనం… కాయికం సుఖం… కాయికం దుక్ఖం… ఉతుం… భోజనం… సేనాసనం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… సేనాసనం దస్సనేన పహాతబ్బహేతుకస్స రాగస్స… దోసస్స… మోహస్స… దిట్ఠియా… పత్థనాయ ఉపనిస్సయపచ్చయేన పచ్చయో. (౨)

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధా…పే… పఞ్ఞా, నదస్సనేన పహాతబ్బహేతుకో రాగో… దోసో… మోహో… మానో… పత్థనా… కాయికం సుఖం…పే… సేనాసనం, విచికిచ్ఛాసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

౮౦. దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా దస్సనేన పహాతబ్బహేతుకస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – విచికిచ్ఛాసహగతా ఖన్ధా చ మోహో చ దస్సనేన పహాతబ్బహేతుకానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం.) విచికిచ్ఛాసహగతా ఖన్ధా చ మోహో చ నదస్సనేన పహాతబ్బహేతుకానం ఖన్ధానం మోహస్స చ ఉపనిస్సయపచ్చయేన పచ్చయో. (మూలం కాతబ్బం.) విచికిచ్ఛాసహగతా ఖన్ధా చ మోహో చ విచికిచ్ఛాసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)

పురేజాతపచ్చయో

౮౧. నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ నదస్సనేన పహాతబ్బహేతుకో రాగో ఉప్పజ్జతి, ఉద్ధచ్చం ఉప్పజ్జతి, నదస్సనేన పహాతబ్బహేతుకం దోమనస్సం ఉప్పజ్జతి; దిబ్బేన…పే…. (సంఖిత్తం. వత్థుపురేజాతం సంఖిత్తం.) (౧)

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ దస్సనేన పహాతబ్బహేతుకో రాగో ఉప్పజ్జతి, దిట్ఠి…పే… విచికిచ్ఛా…పే… దస్సనేన పహాతబ్బహేతుకం దోమనస్సం ఉప్పజ్జతి. (వత్థుపురేజాతం సంఖిత్తం.) (౨)

నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం ఆరబ్భ విచికిచ్ఛాసహగతా ఖన్ధా చ మోహో చ ఉప్పజ్జన్తి. (వత్థుపురేజాతం సంఖిత్తం.) (౩)

పచ్ఛాజాతాసేవనపచ్చయా

౮౨. దస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స పచ్ఛాజాతపచ్చయేన పచ్చయో (సంఖిత్తం). నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స పచ్ఛాజాతపచ్చయేన పచ్చయో (సంఖిత్తం). దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా నదస్సనేన పహాతబ్బహేతుకస్స ధమ్మస్స పచ్ఛాజాతపచ్చయేన పచ్చయో (సంఖిత్తం)… ఆసేవనపచ్చయేన పచ్చయో.

కమ్మపచ్చయాది

౮౩. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స కమ్మపచ్చయేన పచ్చయో – దస్సనేన పహాతబ్బహేతుకా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (మూలం కాతబ్బం.) సహజాతా, నానాక్ఖణికా. సహజాతా – దస్సనేన పహాతబ్బహేతుకా చేతనా చిత్తసముట్ఠానానం రూపానం కమ్మపచ్చయేన పచ్చయో. నానాక్ఖణికా – దస్సనేన పహాతబ్బహేతుకా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స కమ్మపచ్చయేన పచ్చయో – దస్సనేన పహాతబ్బహేతుకా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నదస్సనేన పహాతబ్బహేతుకా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నదస్సనేన పహాతబ్బహేతుకా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

విపాకపచ్చయేన పచ్చయో… ఆహారపచ్చయేన పచ్చయో… ఇన్ద్రియపచ్చయేన పచ్చయో… ఝానపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో… ఛ… విప్పయుత్తపచ్చయేన పచ్చయో… పఞ్చ.

అత్థిపచ్చయాది

౮౪. దస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స అత్థిపచ్చయేన పచ్చయో… తీణి.

నదస్సనేన పహాతబ్బహేతుకో ధమ్మో నదస్సనేన పహాతబ్బహేతుకస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). నదస్సనేన పహాతబ్బహేతుకో ధమ్మో దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). (౩)

౮౫. దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా దస్సనేన పహాతబ్బహేతుకస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – దస్సనేన పహాతబ్బహేతుకో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… విచికిచ్ఛాసహగతో ఏకో ఖన్ధో చ మోహో చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా నదస్సనేన పహాతబ్బహేతుకస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా దస్సనేన పహాతబ్బహేతుకస్స చ నదస్సనేన పహాతబ్బహేతుకస్స చ ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). (౩)

నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.