౧. విభఙ్గవారో

హేతుపచ్చయో

౪౭. దస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – దస్సనేన పహాతబ్బహేతుకం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

దస్సనేన పహాతబ్బహేతుకం ధమ్మం పటిచ్చ నదస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – దస్సనేన పహాతబ్బహేతుకే ఖన్ధే పటిచ్చ చిత్తసముట్ఠానం రూపం. (౨)

దస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా ఉప్పజ్జన్తి హేతుపచ్చయా – దస్సనేన పహాతబ్బహేతుకం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪౮. నదస్సనేన పహాతబ్బహేతుకం ధమ్మం పటిచ్చ నదస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – నదస్సనేన పహాతబ్బహేతుకం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… విచికిచ్ఛాసహగతం మోహం పటిచ్చ చిత్తసముట్ఠానం రూపం; పటిసన్ధిక్ఖణే…పే… (యావ అజ్ఝత్తికా మహాభూతా). (౧)

నదస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – విచికిచ్ఛాసహగతం మోహం పటిచ్చ సమ్పయుత్తకా ఖన్ధా. (౨)

నదస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా ఉప్పజ్జన్తి హేతుపచ్చయా – విచికిచ్ఛాసహగతం మోహం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౩)

౪౯. దస్సనేన పహాతబ్బహేతుకఞ్చ నదస్సనేన పహాతబ్బహేతుకఞ్చ ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – విచికిచ్ఛాసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧)

దస్సనేన పహాతబ్బహేతుకఞ్చ నదస్సనేన పహాతబ్బహేతుకఞ్చ ధమ్మం పటిచ్చ నదస్సనేన పహాతబ్బహేతుకో ధమ్మో ఉప్పజ్జతి హేతుపచ్చయా – దస్సనేన పహాతబ్బహేతుకే ఖన్ధే చ మహాభూతే చ పటిచ్చ చిత్తసముట్ఠానం రూపం, విచికిచ్ఛాసహగతే ఖన్ధే చ మోహఞ్చ పటిచ్చ చిత్తసముట్ఠానం రూపం. (౨)

దస్సనేన పహాతబ్బహేతుకఞ్చ నదస్సనేన పహాతబ్బహేతుకఞ్చ ధమ్మం పటిచ్చ దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా ఉప్పజ్జన్తి హేతుపచ్చయా – విచికిచ్ఛాసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే…. (౩)

ఆరమ్మణపచ్చయో

౫౦. దస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి ఆరమ్మణపచ్చయా – దస్సనేన పహాతబ్బహేతుకం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

దస్సనేన పహాతబ్బహేతుకం ధమ్మం పటిచ్చ నదస్సనేన పహాతబ్బహేతుకో ధమ్మో ఉప్పజ్జతి ఆరమ్మణపచ్చయా – విచికిచ్ఛాసహగతే ఖన్ధే పటిచ్చ విచికిచ్ఛాసహగతో మోహో. (౨)

దస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో చ నదస్సనేన పహాతబ్బహేతుకో చ ధమ్మా ఉప్పజ్జన్తి ఆరమ్మణపచ్చయా – విచికిచ్ఛాసహగతం ఏకం ఖన్ధం పటిచ్చ తయో ఖన్ధా మోహో చ…పే… ద్వే ఖన్ధే…పే…. (౩)

౫౧. నదస్సనేన పహాతబ్బహేతుకం ధమ్మం పటిచ్చ నదస్సనేన పహాతబ్బహేతుకో ధమ్మో ఉప్పజ్జతి ఆరమ్మణపచ్చయా – నదస్సనేన పహాతబ్బహేతుకం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

నదస్సనేన పహాతబ్బహేతుకం ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి ఆరమ్మణపచ్చయా – విచికిచ్ఛాసహగతం మోహం పటిచ్చ సమ్పయుత్తకా ఖన్ధా. (౨)

దస్సనేన పహాతబ్బహేతుకఞ్చ నదస్సనేన పహాతబ్బహేతుకఞ్చ ధమ్మం పటిచ్చ దస్సనేన పహాతబ్బహేతుకో ధమ్మో ఉప్పజ్జతి ఆరమ్మణపచ్చయా – విచికిచ్ఛాసహగతం ఏకం ఖన్ధఞ్చ మోహఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧) (సంఖిత్తం.)

౧. పచ్చయానులోమం

౨. సఙ్ఖ్యావారో

౫౨. హేతుయా నవ, ఆరమ్మణే ఛ, అధిపతియా పఞ్చ, అనన్తరే ఛ, సమనన్తరే ఛ, సహజాతే నవ, అఞ్ఞమఞ్ఞే ఛ, నిస్సయే నవ, ఉపనిస్సయే ఛ, పురేజాతే ఛ, ఆసేవనే ఛ, కమ్మే నవ, విపాకే ఏకం, ఆహారే నవ, ఇన్ద్రియే నవ, ఝానే నవ, మగ్గే నవ, సమ్పయుత్తే ఛ, విప్పయుత్తే నవ, అత్థియా నవ, నత్థియా ఛ, విగతే ఛ, అవిగతే నవ.