౨. సఙ్ఖ్యావారో

సుద్ధం

౪౬. హేతుయా చత్తారి, ఆరమ్మణే చత్తారి, అధిపతియా పఞ్చ, అనన్తరే చత్తారి, సమనన్తరే చత్తారి, సహజాతే పఞ్చ, అఞ్ఞమఞ్ఞే ద్వే, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే ద్వే, కమ్మే చత్తారి, విపాకే ఏకం, ఆహారే చత్తారి, ఇన్ద్రియే చత్తారి, ఝానే చత్తారి, మగ్గే చత్తారి, సమ్పయుత్తే ద్వే, విప్పయుత్తే తీణి, అత్థియా సత్త, నత్థియా చత్తారి, విగతే చత్తారి, అవిగతే సత్త.

(పచ్చనీయవిభఙ్గో దస్సనదుకసదిసో విభజితబ్బో. ఏవం తీణి గణనాపి గణేతబ్బా.)

భావనాయపహాతబ్బదుకం నిట్ఠితం.