౧-౭౫. కుసలత్తిక-కిలేసదుకం

౧-౭. పటిచ్చవారాది

పచ్చయచతుక్కం

౧. అకుసలం కిలేసం ధమ్మం పటిచ్చ అకుసలో కిలేసో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౨. కుసలం నోకిలేసం ధమ్మం పటిచ్చ కుసలో నోకిలేసో ధమ్మో ఉప్పజ్జతి హేతుపచ్చయా… తీణి.

అకుసలం నోకిలేసం ధమ్మం పటిచ్చ అకుసలో నోకిలేసో ధమ్మో ఉప్పజ్జతి హేతుపచ్చయా… తీణి.

అబ్యాకతం నోకిలేసం ధమ్మం పటిచ్చ అబ్యాకతో నోకిలేసో ధమ్మో ఉప్పజ్జతి హేతుపచ్చయా. (౧)

కుసలం నోకిలేసఞ్చ అబ్యాకతం నోకిలేసఞ్చ ధమ్మం పటిచ్చ అబ్యాకతో నోకిలేసో ధమ్మో ఉప్పజ్జతి హేతుపచ్చయా. (౧)

అకుసలం నోకిలేసఞ్చ అబ్యాకతం నోకిలేసఞ్చ ధమ్మం పటిచ్చ అబ్యాకతో నోకిలేసో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౩. హేతుయా నవ, ఆరమ్మణే తీణి, అధిపతియా నవ…పే… అవిగతే నవ (సంఖిత్తం. సహజాతవారమ్పి …పే… సమ్పయుత్తవారమ్పి పటిచ్చవారసదిసం).

౪. కుసలో నోకిలేసో ధమ్మో కుసలస్స నోకిలేసస్స ధమ్మస్స హేతుపచ్చయేన పచ్చయో… తీణి.

అబ్యాకతో నోకిలేసో ధమ్మో అబ్యాకతస్స నోకిలేసస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౫. హేతుయా చత్తారి, ఆరమ్మణే నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౧-౭౬. కుసలత్తిక-సంకిలేసికదుకం

౧-౭. పటిచ్చవారాది

పచ్చయచతుక్కం

౬. కుసలం సంకిలేసికం ధమ్మం పటిచ్చ కుసలో సంకిలేసికో ధమ్మో ఉప్పజ్జతి హేతుపచ్చయా… తీణి.

అకుసలం సంకిలేసికం ధమ్మం పటిచ్చ అకుసలో సంకిలేసికో ధమ్మో ఉప్పజ్జతి హేతుపచ్చయా… తీణి.

అబ్యాకతం సంకిలేసికం ధమ్మం పటిచ్చ అబ్యాకతో సంకిలేసికో ధమ్మో ఉప్పజ్జతి హేతుపచ్చయా. (౧)

కుసలం సంకిలేసికఞ్చ అబ్యాకతం సంకిలేసికఞ్చ ధమ్మం పటిచ్చ అబ్యాకతో సంకిలేసికో ధమ్మో ఉప్పజ్జతి హేతుపచ్చయా. (౧)

అకుసలం సంకిలేసికఞ్చ అబ్యాకతం సంకిలేసికఞ్చ ధమ్మం పటిచ్చ అబ్యాకతో సంకిలేసికో ధమ్మో ఉప్పజ్జతి హేతుపచ్చయా. (౧)

౭. హేతుయా నవ, ఆరమ్మణే తీణి…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి విత్థారేతబ్బం).

౮. కుసలో సంకిలేసికో ధమ్మో అకుసలస్స సంకిలేసికస్స ధమ్మస్స హేతుపచ్చయేన పచ్చయో… తీణి.

అకుసలో సంకిలేసికో ధమ్మో అకుసలస్స సంకిలేసికస్స ధమ్మస్స హేతుపచ్చయేన పచ్చయో… తీణి.

అబ్యాకతో సంకిలేసికో ధమ్మో అబ్యాకతస్స సంకిలేసికస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౯. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౧౦. కుసలం అసంకిలేసికం ధమ్మం పటిచ్చ కుసలో అసంకిలేసికో ధమ్మో ఉప్పజ్జతి హేతుపచ్చయా. (౧)

అబ్యాకతం అసంకిలేసికం ధమ్మం పటిచ్చ అబ్యాకతో అసంకిలేసికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౧. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౧౨. కుసలో అసంకిలేసికో ధమ్మో కుసలస్స అసంకిలేసికస్స ధమ్మస్స హేతుపచ్చయేన పచ్చయో. (౧)

అబ్యాకతో అసంకిలేసికో ధమ్మో అబ్యాకతస్స అసంకిలేసికస్స ధమ్మస్స హేతుపచ్చయేన పచ్చయో. (౧)

అబ్యాకతో అసంకిలేసికో ధమ్మో అబ్యాకతస్స అసంకిలేసికస్స ధమ్మస్స ఆరమ్మణపచ్చయేన పచ్చయో. అబ్యాకతో అసంకిలేసికో ధమ్మో కుసలస్స అసంకిలేసికస్స ధమ్మస్స ఆరమ్మణపచ్చయేన పచ్చయో. (౨) (సంఖిత్తం.)

౧౩. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే…పే… ఉపనిస్సయే చత్తారి…పే… అవిగతే ద్వే (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౧-౭౭. కుసలత్తిక-సంకిలిట్ఠదుకం

౧-౭. పటిచ్చవారాది

హేతు-ఆరమ్మణపచ్చయా

౧౪. అకుసలం సంకిలిట్ఠం ధమ్మం పటిచ్చ అకుసలో సంకిలిట్ఠో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౧౫. కుసలం అసంకిలిట్ఠం ధమ్మం పటిచ్చ కుసలో అసంకిలిట్ఠో ధమ్మో ఉప్పజ్జతి హేతుపచ్చయా. కుసలం అసంకిలిట్ఠం ధమ్మం పటిచ్చ అబ్యాకతో అసంకిలిట్ఠో ధమ్మో ఉప్పజ్జతి హేతుపచ్చయా. కుసలం అసంకిలిట్ఠం ధమ్మం పటిచ్చ కుసలో అసంకిలిట్ఠో చ అబ్యాకతో అసంకిలిట్ఠో చ ధమ్మా ఉప్పజ్జన్తి హేతుపచ్చయా. (౩)

అబ్యాకతం అసంకిలిట్ఠం ధమ్మం పటిచ్చ అబ్యాకతో అసంకిలిట్ఠో ధమ్మో ఉప్పజ్జతి హేతుపచ్చయా. కుసలం అసంకిలిట్ఠఞ్చ అబ్యాకతం అసంకిలిట్ఠఞ్చ ధమ్మం పటిచ్చ అబ్యాకతో అసంకిలిట్ఠో ధమ్మో ఉప్పజ్జతి హేతుపచ్చయా. (౨)

౧౬. కుసలం అసంకిలిట్ఠం ధమ్మం పటిచ్చ కుసలో అసంకిలిట్ఠో ధమ్మో ఉప్పజ్జతి ఆరమ్మణపచ్చయా. (౧)

అబ్యాకతం అసంకిలిట్ఠం ధమ్మం పటిచ్చ అబ్యాకతో అసంకిలిట్ఠో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౧౭. హేతుయా పఞ్చ, ఆరమ్మణే ద్వే, అధిపతియా పఞ్చ…పే… అవిగతే పఞ్చ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౧౮. కుసలో అసంకిలిట్ఠో ధమ్మో కుసలస్స అసంకిలిట్ఠస్స ధమ్మస్స హేతుపచ్చయేన పచ్చయో… తీణి.

అబ్యాకతో అసంకిలిట్ఠో ధమ్మో అబ్యాకతస్స అసంకిలిట్ఠస్స ధమ్మస్స హేతుపచ్చయేన పచ్చయో. (౧)

కుసలో అసంకిలిట్ఠో ధమ్మో కుసలస్స అసంకిలిట్ఠస్స ధమ్మస్స ఆరమ్మణపచ్చయేన పచ్చయో… ద్వే.

అబ్యాకతో అసంకిలిట్ఠో ధమ్మో అబ్యాకతస్స అసంకిలిట్ఠస్స ధమ్మస్స ఆరమ్మణపచ్చయేన పచ్చయో… ద్వే (సంఖిత్తం).

౧౯. హేతుయా చత్తారి, ఆరమ్మణే చత్తారి, అధిపతియా పఞ్చ, అనన్తరే చత్తారి…పే… ఉపనిస్సయే చత్తారి…పే… అవిగతే సత్త (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౧-౭౮. కుసలత్తిక-కిలేససమ్పయుత్తదుకం

౧-౭. పటిచ్చవారాది

హేతుపచ్చయో

౨౦. అకుసలం కిలేససమ్పయుత్తం ధమ్మం పటిచ్చ అకుసలో కిలేససమ్పయుత్తో ధమ్మో ఉప్పజ్జతి హేతుపచ్చయా (సంకిలిట్ఠదుకసదిసం).

౧-౭౯. కుసలత్తిక-కిలేససంకిలేసికదుకం

౧-౭. పటిచ్చవారాది

హేతుపచ్చయో

౨౧. అకుసలం కిలేసఞ్చేవ సంకిలేసికఞ్చ ధమ్మం పటిచ్చ అకుసలో కిలేసో చేవ సంకిలేసికో చ ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౨౨. కుసలం సంకిలేసికఞ్చేవ నో చ కిలేసం ధమ్మం పటిచ్చ కుసలో సంకిలేసికో చేవ నో చ కిలేసో ధమ్మో ఉప్పజ్జతి హేతుపచ్చయా… తీణి.

అకుసలం సంకిలేసికఞ్చేవ నో చ కిలేసం ధమ్మం పటిచ్చ అకుసలో సంకిలేసికో చేవ నో చ కిలేసో ధమ్మో ఉప్పజ్జతి హేతుపచ్చయా… తీణి.

అబ్యాకతం సంకిలేసికఞ్చేవ నో చ కిలేసం ధమ్మం పటిచ్చ అబ్యాకతో సంకిలేసికో చేవ నో చ కిలేసో ధమ్మో ఉప్పజ్జతి హేతుపచ్చయా.

కుసలం సంకిలేసికఞ్చేవ నో చ కిలేసఞ్చ అబ్యాకతం సంకిలేసికఞ్చేవ నో చ కిలేసఞ్చ ధమ్మం పటిచ్చ అబ్యాకతో సంకిలేసికో చేవ నో చ కిలేసో ధమ్మో ఉప్పజ్జతి హేతుపచ్చయా. (౧)

అకుసలం సంకిలేసికఞ్చేవ నో చ కిలేసఞ్చ అబ్యాకతం సంకిలేసికఞ్చేవ నో చ కిలేసఞ్చ ధమ్మం పటిచ్చ అబ్యాకతో సంకిలేసికో చేవ నో చ కిలేసో ధమ్మో ఉప్పజ్జతి హేతుపచ్చయా (సంఖిత్తం).

౨౩. హేతుయా నవ, ఆరమ్మణే తీణి…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౨౪. కుసలో సంకిలేసికో చేవ నో చ కిలేసో ధమ్మో కుసలస్స సంకిలేసికస్స చేవ నో చ కిలేసస్స ధమ్మస్స హేతుపచ్చయేన పచ్చయో… తీణి.

అబ్యాకతో సంకిలేసికో చేవ నో చ కిలేసో ధమ్మో అబ్యాకతస్స సంకిలేసికస్స చేవ నో చ కిలేసస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౨౫. హేతుయా చత్తారి, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౧-౮౦. కుసలత్తిక-కిలేససంకిలిట్ఠదుకం

౧-౭. పటిచ్చవారాది

హేతుపచ్చయో

౨౬. అకుసలం కిలేసఞ్చేవ సంకిలిట్ఠఞ్చ ధమ్మం పటిచ్చ అకుసలో కిలేసో చేవ సంకిలిట్ఠో చ ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం).

౨౭. అకుసలం సంకిలిట్ఠఞ్చేవ నో చ కిలేసం ధమ్మం పటిచ్చ అకుసలో సంకిలిట్ఠో చేవ నో చ కిలేసో ధమ్మో ఉప్పజ్జతి హేతుపచ్చయా.

హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౧-౮౧. కుసలత్తిక-కిలేసకిలేససమ్పయుత్తదుకం

౧-౭. పటిచ్చవారాది

హేతుపచ్చయో

౨౮. అకుసలం కిలేసఞ్చేవ కిలేససమ్పయుత్తఞ్చ ధమ్మం పటిచ్చ అకుసలో కిలేసో చేవ కిలేససమ్పయుత్తో చ ధమ్మో ఉప్పజ్జతి హేతుపచ్చయా.

హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౨౯. అకుసలం కిలేససమ్పయుత్తఞ్చేవ నో చ కిలేసం ధమ్మం పటిచ్చ అకుసలో కిలేససమ్పయుత్తో చేవ నో చ కిలేసో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౧-౮౨. కుసలత్తిక-కిలేసవిప్పయుత్తసంకిలేసికదుకం

౧-౭. పటిచ్చవారాది

హేతుపచ్చయో

౩౦. కుసలం కిలేసవిప్పయుత్తం సంకిలేసికం ధమ్మం పటిచ్చ కుసలో కిలేసవిప్పయుత్తో సంకిలేసికో ధమ్మో ఉప్పజ్జతి హేతుపచ్చయా. కుసలం కిలేసవిప్పయుత్తం సంకిలేసికం ధమ్మం పటిచ్చ అబ్యాకతో కిలేసవిప్పయుత్తో సంకిలేసికో ధమ్మో ఉప్పజ్జతి హేతుపచ్చయా. కుసలం కిలేసవిప్పయుత్తం సంకిలేసికం ధమ్మం పటిచ్చ కుసలో కిలేసవిప్పయుత్తో సంకిలేసికో చ అబ్యాకతో కిలేసవిప్పయుత్తో సంకిలేసికో చ ధమ్మా ఉప్పజ్జన్తి హేతుపచ్చయా. (౩)

అబ్యాకతం కిలేసవిప్పయుత్తం సంకిలేసికం ధమ్మం పటిచ్చ అబ్యాకతో కిలేసవిప్పయుత్తో సంకిలేసికో ధమ్మో ఉప్పజ్జతి హేతుపచ్చయా. (౧)

కుసలం కిలేసవిప్పయుత్తం సంకిలేసికఞ్చ అబ్యాకతం కిలేసవిప్పయుత్తం సంకిలేసికఞ్చ ధమ్మం పటిచ్చ అబ్యాకతో కిలేసవిప్పయుత్తో సంకిలేసికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౩౧. హేతుయా పఞ్చ, ఆరమ్మణే ద్వే…పే… అవిగతే పఞ్చ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౩౨. కుసలో కిలేసవిప్పయుత్తో సంకిలేసికో ధమ్మో కుసలస్స కిలేసవిప్పయుత్తస్స సంకిలేసికస్స ధమ్మస్స హేతుపచ్చయేన పచ్చయో… తీణి.

అబ్యాకతో కిలేసవిప్పయుత్తో సంకిలేసికో ధమ్మో అబ్యాకతస్స కిలేసవిప్పయుత్తస్స సంకిలేసికస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౩౩. హేతుయా చత్తారి, ఆరమ్మణే చత్తారి…పే… అవిగతే సత్త (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౩౪. కుసలం కిలేసవిప్పయుత్తం అసంకిలేసికం ధమ్మం పటిచ్చ కుసలో కిలేసవిప్పయుత్తో అసంకిలేసికో ధమ్మో ఉప్పజ్జతి హేతుపచ్చయా.

అబ్యాకతం కిలేసవిప్పయుత్తం అసంకిలేసికం ధమ్మం పటిచ్చ అబ్యాకతో కిలేసవిప్పయుత్తో అసంకిలేసికో ధమ్మో ఉప్పజ్జతి హేతుపచ్చయా.

హేతుయా ద్వే…పే… అవిగతే ద్వే (సంఖిత్తం. సహజాతవారమ్పి …పే… సమ్పయుత్తవారమ్పి పటిచ్చవారసదిసం).

౩౫. కుసలో కిలేసవిప్పయుత్తో అసంకిలేసికో ధమ్మో కుసలస్స కిలేసవిప్పయుత్తస్స అసంకిలేసికస్స ధమ్మస్స హేతుపచ్చయేన పచ్చయో. (౧)

అబ్యాకతో కిలేసవిప్పయుత్తో అసంకిలేసికో ధమ్మో అబ్యాకతస్స కిలేసవిప్పయుత్తస్స అసంకిలేసికస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౩౬. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే…పే… ఉపనిస్సయే చత్తారి…పే… అవిగతే ద్వే (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

కుసలత్తికకిలేసగోచ్ఛకం నిట్ఠితం.