౧-౭. పటిచ్చవారాది

పచ్చయచతుక్కం

౧౮. అబ్యాకతం అజ్ఝత్తికం ధమ్మం పటిచ్చ అబ్యాకతో అజ్ఝత్తికో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, సహజాతే ఏకం…పే… అవిగతే ఏకం (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

౧౯. కుసలో అజ్ఝత్తికో ధమ్మో కుసలస్స అజ్ఝత్తికస్స ధమ్మస్స ఆరమ్మణపచ్చయేన పచ్చయో. కుసలో అజ్ఝత్తికో ధమ్మో అకుసలస్స అజ్ఝత్తికస్స ధమ్మస్స ఆరమ్మణపచ్చయేన పచ్చయో. కుసలో అజ్ఝత్తికో ధమ్మో అబ్యాకతస్స అజ్ఝత్తికస్స ధమ్మస్స ఆరమ్మణపచ్చయేన పచ్చయో. (౩)

అకుసలో అజ్ఝత్తికో ధమ్మో అకుసలస్స అజ్ఝత్తికస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో అజ్ఝత్తికో ధమ్మో అబ్యాకతస్స అజ్ఝత్తికస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).

౨౦. ఆరమ్మణే నవ, పురేజాతే తీణి…పే… అవిగతే పఞ్చ (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).

౨౧. కుసలం బాహిరం ధమ్మం పటిచ్చ కుసలో బాహిరో ధమ్మో ఉప్పజ్జతి హేతుపచ్చయా (సంఖిత్తం).

హేతుయా నవ, ఆరమ్మణే తీణి…పే… విపాకే ఏకం…పే… అవిగతే నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౨౨. కుసలో బాహిరో ధమ్మో కుసలస్స బాహిరస్స ధమ్మస్స హేతుపచ్చయేన పచ్చయో (సంఖిత్తం).

హేతుయా సత్త, ఆరమ్మణే నవ…పే… అవిగతే తేరస (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)