౧-౭. పటిచ్చవారాది

౧౧. కుసలం చేతసికం ధమ్మం పటిచ్చ కుసలో చేతసికో ధమ్మో ఉప్పజ్జతి హేతుపచ్చయా. (౧)

అకుసలం చేతసికం ధమ్మం పటిచ్చ అకుసలో చేతసికో ధమ్మో ఉప్పజ్జతి హేతుపచ్చయా. (౧)

అబ్యాకతం చేతసికం ధమ్మం పటిచ్చ అబ్యాకతో చేతసికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౨. హేతుయా తీణి, ఆరమ్మణే తీణి…పే… (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౧౩. కుసలో చేతసికో ధమ్మో కుసలస్స చేతసికస్స ధమ్మస్స హేతుపచ్చయేన పచ్చయో. (౧)

అకుసలో చేతసికో ధమ్మో అకుసలస్స చేతసికస్స ధమ్మస్స హేతుపచ్చయేన పచ్చయో. (౧)

అబ్యాకతో చేతసికో ధమ్మో అబ్యాకతస్స చేతసికస్స ధమ్మస్స హేతుపచ్చయేన పచ్చయో. (౧)

కుసలో చేతసికో ధమ్మో కుసలస్స చేతసికస్స ధమ్మస్స ఆరమ్మణపచ్చయేన పచ్చయో… తీణి.

అకుసలో చేతసికో ధమ్మో అకుసలస్స చేతసికస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో చేతసికో ధమ్మో అబ్యాకతస్స చేతసికస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).

౧౪. హేతుయా తీణి, ఆరమ్మణే నవ, అధిపతియా సత్త…పే… అవిగతే తీణి (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)

౧౫. కుసలం అచేతసికం ధమ్మం పటిచ్చ అబ్యాకతో అచేతసికో ధమ్మో ఉప్పజ్జతి హేతుపచ్చయా. (౧)

అకుసలం అచేతసికం ధమ్మం పటిచ్చ అబ్యాకతో అచేతసికో ధమ్మో ఉప్పజ్జతి హేతుపచ్చయా. (౧)

అబ్యాకతం అచేతసికం ధమ్మం పటిచ్చ అబ్యాకతో అచేతసికో ధమ్మో ఉప్పజ్జతి హేతుపచ్చయా. (౧)

కుసలం అచేతసికఞ్చ అబ్యాకతం అచేతసికఞ్చ ధమ్మం పటిచ్చ అబ్యాకతో అచేతసికో ధమ్మో ఉప్పజ్జతి హేతుపచ్చయా. (౧)

అకుసలం అచేతసికఞ్చ అబ్యాకతం అచేతసికఞ్చ ధమ్మం పటిచ్చ అబ్యాకతో అచేతసికో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౧౬. హేతుయా పఞ్చ, ఆరమ్మణే ఏకం…పే… అవిగతే పఞ్చ.

నహేతుయా ఏకం, నఆరమ్మణే పఞ్చ, నోవిగతే పఞ్చ.

(సహజాతవారమ్పి…పే… పఞ్హావారమ్పి ఏవం విత్థారేతబ్బం.)