౧-౧౪. కుసలత్తిక-ఆసవదుకం
౧-౭. పటిచ్చవారాది
పచ్చయచతుక్కం
హేతుపచ్చయో
౧. అకుసలం ఆసవం ధమ్మం పటిచ్చ అకుసలో ఆసవో ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం…పే… అవిగతే ఏకం (సంఖిత్తం).
(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ ఏకం).
౨. కుసలం నోఆసవం ధమ్మం పటిచ్చ కుసలో నోఆసవో ధమ్మో ఉప్పజ్జతి హేతుపచ్చయా. కుసలం నోఆసవం ధమ్మం పటిచ్చ అబ్యాకతో నోఆసవో ధమ్మో ఉప్పజ్జతి హేతుపచ్చయా. కుసలం నోఆసవం ధమ్మం పటిచ్చ కుసలో నోఆసవో చ అబ్యాకతో నోఆసవో చ ధమ్మా ఉప్పజ్జన్తి హేతుపచ్చయా. (౩)
అకుసలం నోఆసవం ధమ్మం పటిచ్చ అకుసలో నోఆసవో ధమ్మో ఉప్పజ్జతి హేతుపచ్చయా… తీణి.
అబ్యాకతం నోఆసవం ధమ్మం పటిచ్చ అబ్యాకతో నోఆసవో ధమ్మో ఉప్పజ్జతి హేతుపచ్చయా. (౧)
కుసలం నోఆసవఞ్చ అబ్యాకతం నోఆసవఞ్చ ధమ్మం పటిచ్చ అబ్యాకతో నోఆసవో ధమ్మో ఉప్పజ్జతి హేతుపచ్చయా. (౧)
అకుసలం నోఆసవఞ్చ అబ్యాకతం నోఆసవఞ్చ ధమ్మం పటిచ్చ అబ్యాకతో నోఆసవో ధమ్మో ఉప్పజ్జతి హేతుపచ్చయా. (౧)
ఆరమ్మణపచ్చయో
౩. కుసలం నోఆసవం ధమ్మం పటిచ్చ కుసలో నోఆసవో ధమ్మో ఉప్పజ్జతి ఆరమ్మణపచ్చయా. (౧)
అకుసలం నోఆసవం ధమ్మం పటిచ్చ అకుసలో నోఆసవో ధమ్మో ఉప్పజ్జతి ఆరమ్మణపచ్చయా. (౧)
అబ్యాకతం నోఆసవం ధమ్మం పటిచ్చ అబ్యాకతో నోఆసవో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)
౪. హేతుయా నవ, ఆరమ్మణే తీణి, అధిపతియా నవ…పే… అవిగతే నవ (సంఖిత్తం).
నహేతుయా ఏకం, నఆరమ్మణే పఞ్చ, నఅధిపతియా నవ…పే… నోవిగతే పఞ్చ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).
హేతు-ఆరమ్మణపచ్చయా
౫. కుసలో నోఆసవో ధమ్మో కుసలస్స నోఆసవస్స ధమ్మస్స హేతుపచ్చయేన పచ్చయో… తీణి.
అకుసలో నోఆసవో ధమ్మో అకుసలస్స నోఆసవస్స ధమ్మస్స హేతుపచ్చయేన పచ్చయో… తీణి.
అబ్యాకతో నోఆసవో ధమ్మో అబ్యాకతస్స నోఆసవస్స ధమ్మస్స హేతుపచ్చయేన పచ్చయో. (౧)
కుసలో నోఆసవో ధమ్మో కుసలస్స నోఆసవస్స ధమ్మస్స ఆరమ్మణపచ్చయేన పచ్చయో (సంఖిత్తం).
౬. హేతుయా సత్త, ఆరమ్మణే నవ, అధిపతియా దస…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).
౧-౧౫. కుసలత్తిక-సాసవదుకం
౧-౭. పటిచ్చవారాది
పచ్చయచతుక్కం
హేతుపచ్చయో
౭. కుసలం సాసవం ధమ్మం పటిచ్చ కుసలో సాసవో ధమ్మో ఉప్పజ్జతి హేతుపచ్చయా… తీణి.
అకుసలం సాసవం ధమ్మం పటిచ్చ అకుసలో సాసవో ధమ్మో ఉప్పజ్జతి హేతుపచ్చయా… తీణి.
అబ్యాకతం సాసవం ధమ్మం పటిచ్చ అబ్యాకతో సాసవో ధమ్మో ఉప్పజ్జతి హేతుపచ్చయా. (౧)
కుసలం సాసవఞ్చ అబ్యాకతం సాసవఞ్చ ధమ్మం పటిచ్చ అబ్యాకతో సాసవో ధమ్మో ఉప్పజ్జతి హేతుపచ్చయా. (౧)
అకుసలం సాసవఞ్చ అబ్యాకతం సాసవఞ్చ ధమ్మం పటిచ్చ అబ్యాకతో సాసవో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౮. హేతుయా నవ, ఆరమ్మణే తీణి…పే… అవిగతే నవ (సంఖిత్తం).
నహేతుయా ద్వే, నఆరమ్మణే పఞ్చ, నఅధిపతియా నవ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).
౯. కుసలో సాసవో ధమ్మో కుసలస్స సాసవస్స ధమ్మస్స హేతుపచ్చయేన పచ్చయో… తీణి.
అకుసలో సాసవో ధమ్మో అకుసలస్స సాసవస్స ధమ్మస్స హేతుపచ్చయేన పచ్చయో… తీణి.
అబ్యాకతో సాసవో ధమ్మో అబ్యాకతస్స సాసవస్స ధమ్మస్స హేతుపచ్చయేన పచ్చయో. (౧) (సంఖిత్తం.)
హేతుయా సత్త, ఆరమ్మణే నవ…పే… అవిగతే తేరస (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)
అనాసవపదం
౧-౭. పటిచ్చవారాది
పచ్చయచతుక్కం
హేతుపచ్చయో
౧౦. కుసలం అనాసవం ధమ్మం పటిచ్చ కుసలో అనాసవో ధమ్మో ఉప్పజ్జతి హేతుపచ్చయా. (౧)
అబ్యాకతం అనాసవం ధమ్మం పటిచ్చ అబ్యాకతో అనాసవో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౧౧. హేతుయా ద్వే…పే… అవిగతే ద్వే (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).
హేతుఆరమ్మణపచ్చయాది
౧౨. కుసలో అనాసవో ధమ్మో కుసలస్స అనాసవస్స ధమ్మస్స హేతుపచ్చయేన పచ్చయో. (౧)
అబ్యాకతో అనాసవో ధమ్మో అబ్యాకతస్స అనాసవస్స ధమ్మస్స హేతుపచ్చయేన పచ్చయో. (౧)
అబ్యాకతో అనాసవో ధమ్మో అబ్యాకతస్స అనాసవస్స ధమ్మస్స ఆరమ్మణపచ్చయేన పచ్చయో. అబ్యాకతో అనాసవో ధమ్మో కుసలస్స అనాసవస్స ధమ్మస్స ఆరమ్మణపచ్చయేన పచ్చయో. (౨)
కుసలో అనాసవో ధమ్మో కుసలస్స అనాసవస్స ధమ్మస్స అధిపతిపచ్చయేన పచ్చయో. (౧)
అబ్యాకతో అనాసవో ధమ్మో అబ్యాకతస్స అనాసవస్స ధమ్మస్స అధిపతిపచ్చయేన పచ్చయో. అబ్యాకతో అనాసవో ధమ్మో కుసలస్స అనాసవస్స ధమ్మస్స అధిపతిపచ్చయేన పచ్చయో. (౨)
కుసలో అనాసవో ధమ్మో అబ్యాకతస్స అనాసవస్స ధమ్మస్స అనన్తరపచ్చయేన పచ్చయో. (౧)
అబ్యాకతో అనాసవో ధమ్మో అబ్యాకతస్స అనాసవస్స ధమ్మస్స అనన్తరపచ్చయేన పచ్చయో. (౧) (సంఖిత్తం.)
౧౩. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే, సమనన్తరే ద్వే, సహజాతే ద్వే, అఞ్ఞమఞ్ఞే ద్వే, నిస్సయే ద్వే, ఉపనిస్సయే చత్తారి…పే… అవిగతే ద్వే (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).
౧-౧౬. కుసలత్తిక-ఆసవసమ్పయుత్తదుకం
౧-౭. పటిచ్చవారాది
పచ్చయచతుక్కం
హేతుపచ్చయో
౧౪. అకుసలం ఆసవసమ్పయుత్తం ధమ్మం పటిచ్చ అకుసలో ఆసవసమ్పయుత్తో ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం, ఆమమ్మణే ఏకం (సంఖిత్తం).
(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ ఏకం.)
౧౫. కుసలం ఆసవవిప్పయుత్తం ధమ్మం పటిచ్చ కుసలో ఆసవవిప్పయుత్తో ధమ్మో ఉప్పజ్జతి హేతుపచ్చయా. కుసలం ఆసవవిప్పయుత్తం ధమ్మం పటిచ్చ అబ్యాకతో ఆసవవిప్పయుత్తో ధమ్మో ఉప్పజ్జతి హేతుపచ్చయా. కుసలం ఆసవవిప్పయుత్తం ధమ్మం పటిచ్చ కుసలో ఆసవవిప్పయుత్తో చ అబ్యాకతో ఆసవవిప్పయుత్తో చ ధమ్మా ఉప్పజ్జన్తి హేతుపచ్చయా. (౩)
అకుసలం ఆసవవిప్పయుత్తం ధమ్మం పటిచ్చ అబ్యాకతో ఆసవవిప్పయుత్తో ధమ్మో ఉప్పజ్జతి హేతుపచ్చయా. (౧)
అబ్యాకతం ఆసవవిప్పయుత్తం ధమ్మం పటిచ్చ అబ్యాకతో ఆసవవిప్పయుత్తో ధమ్మో ఉప్పజ్జతి హేతుపచ్చయా. (౧)
కుసలం ఆసవవిప్పయుత్తఞ్చ అబ్యాకతం ఆసవవిప్పయుత్తఞ్చ ధమ్మం పటిచ్చ అబ్యాకతో ఆసవవిప్పయుత్తో ధమ్మో ఉప్పజ్జతి హేతుపచ్చయా. (౧)
అకుసలం ఆసవవిప్పయుత్తఞ్చ అబ్యాకతం ఆసవవిప్పయుత్తఞ్చ ధమ్మం పటిచ్చ అబ్యాకతో ఆసవవిప్పయుత్తో ధమ్మో ఉప్పజ్జతి హేతుపచ్చయా (సంఖిత్తం).
౧౬. హేతుయా సత్త, ఆరమ్మణే ద్వే, అధిపతియా సత్త…పే… అవిగతే సత్త (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం).
౧౭. కుసలో ఆసవవిప్పయుత్తో ధమ్మో కుసలస్స ఆసవవిప్పయుత్తస్స ధమ్మస్స హేతుపచ్చయేన పచ్చయో… తీణి.
అకుసలో ఆసవవిప్పయుత్తో ధమ్మో అబ్యాకతస్స ఆసవవిప్పయుత్తస్స ధమ్మస్స హేతుపచ్చయేన పచ్చయో. (౧)
అబ్యాకతో ఆసవవిప్పయుత్తో ధమ్మో అబ్యాకతస్స ఆసవవిప్పయుత్తస్స ధమ్మస్స హేతుపచ్చయేన పచ్చయో. (౧) (సంఖిత్తం.)
౧౮. హేతుయా పఞ్చ, ఆరమ్మణే నవ, అధిపతియా పఞ్చ…పే… అవిగతే దస (సంఖిత్తం.)
(యథా కుసలత్తికే పఞ్హావారం, ఏవం విత్థారేతబ్బం.)
౧-౧౭. కుసలత్తిక-ఆసవసాసవదుకం
౧-౭. పటిచ్చవారాది
పచ్చయచతుక్కం
హేతుపచ్చయో
౧౯. అకుసలం ఆసవఞ్చేవ సాసవఞ్చ ధమ్మం పటిచ్చ అకుసలో ఆసవో చేవ సాసవో చ ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).
(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ ఏకం).
౨౦. కుసలం సాసవఞ్చేవ నో చ ఆసవం ధమ్మం పటిచ్చ కుసలో సాసవో చేవ నో చ ఆసవో ధమ్మో ఉప్పజ్జతి హేతుపచ్చయా… తీణి.
అకుసలం సాసవఞ్చేవ నో చ ఆసవం ధమ్మం పటిచ్చ అకుసలో సాసవో చేవ నో చ ఆసవో ధమ్మో ఉప్పజ్జతి హేతుపచ్చయా… తీణి.
అబ్యాకతం సాసవఞ్చేవ నో చ ఆసవం ధమ్మం పటిచ్చ అబ్యాకతో సాసవో చేవ నో చ ఆసవో ధమ్మో ఉప్పజ్జతి హేతుపచ్చయా. (౧)
కుసలం సాసవఞ్చేవ నో చ ఆసవఞ్చ అబ్యాకతం సాసవఞ్చేవ నో చ ఆసవఞ్చ ధమ్మం పటిచ్చ అబ్యాకతో సాసవో చేవ నో చ ఆసవో ధమ్మో ఉప్పజ్జతి హేతుపచ్చయా. (౧)
అకుసలం సాసవఞ్చేవ నో చ ఆసవఞ్చ అబ్యాకతం సాసవఞ్చేవ నో చ ఆసవఞ్చ ధమ్మం పటిచ్చ అబ్యాకతో సాసవో చేవ నో చ ఆసవో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౧. హేతుయా నవ, ఆరమ్మణే తీణి, అధిపతియా నవ…పే… అవిగతే నవ (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
౨౨. కుసలో సాసవో చేవ నో చ ఆసవో ధమ్మో కుసలస్స సాసవస్స చేవ నో చ ఆసవస్స ధమ్మస్స హేతుపచ్చయేన పచ్చయో… తీణి.
అకుసలో సాసవో చేవ నో చ ఆసవో ధమ్మో అకుసలస్స సాసవస్స చేవ నో చ ఆసవస్స ధమ్మస్స హేతుపచ్చయేన పచ్చయో… తీణి.
అబ్యాకతో సాసవో చేవ నో చ ఆసవో ధమ్మో అబ్యాకతస్స సాసవస్స చేవ నో చ ఆసవస్స ధమ్మస్స హేతుపచ్చయేన పచ్చయో. (౧) (సంఖిత్తం.)
౨౩. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).
౧-౧౮. కుసలత్తిక-ఆసవఆసవసమ్పయుత్తదుకం
౧-౭. పటిచ్చవారాది
పచ్చయచతుక్కం
౨౪. అకుసలం ఆసవఞ్చేవ ఆసవసమ్పయుత్తఞ్చ ధమ్మం పటిచ్చ అకుసలో ఆసవో చేవ ఆసవసమ్పయుత్తో చ ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).
(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ ఏకం).
౨౫. అకుసలం ఆసవసమ్పయుత్తఞ్చేవ నో చ ఆసవం ధమ్మం పటిచ్చ అకుసలో ఆసవసమ్పయుత్తో చేవ నో చ ఆసవో ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).
(సహజాతవారేపి…పే… సమ్పయుత్తవారేపి పఞ్హావారేపి సబ్బత్థ ఏకం.)
౨౬. కుసలం ఆసవవిప్పయుత్తం సాసవం ధమ్మం పటిచ్చ కుసలో ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా… తీణి.
అకుసలం ఆసవవిప్పయుత్తం సాసవం ధమ్మం పటిచ్చ అబ్యాకతో ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా. (౧)
అబ్యాకతం ఆసవవిప్పయుత్తం సాసవం ధమ్మం పటిచ్చ అబ్యాకతో ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా. (౧)
కుసలం ఆసవవిప్పయుత్తం సాసవఞ్చ అబ్యాకతం ఆసవవిప్పయుత్తం సాసవఞ్చ ధమ్మం పటిచ్చ అబ్యాకతో ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా. (౧)
అకుసలం ఆసవవిప్పయుత్తం సాసవఞ్చ అబ్యాకతం ఆసవవిప్పయుత్తం సాసవఞ్చ ధమ్మం పటిచ్చ అబ్యాకతో ఆసవవిప్పయుత్తో సాసవో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౭. హేతుయా సత్త, ఆరమ్మణే ద్వే…పే… అవిగతే సత్త (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).
౨౮. కుసలో ఆసవవిప్పయుత్తో సాసవో ధమ్మో కుసలస్స ఆసవవిప్పయుత్తస్స సాసవస్స ధమ్మస్స హేతుపచ్చయేన పచ్చయో… తీణి.
అకుసలో ఆసవవిప్పయుత్తో సాసవో ధమ్మో అబ్యాకతస్స ఆసవవిప్పయుత్తస్స సాసవస్స ధమ్మస్స హేతుపచ్చయేన పచ్చయో. (౧)
అబ్యాకతో ఆసవవిప్పయుత్తో సాసవో ధమ్మో అబ్యాకతస్స ఆసవవిప్పయుత్తస్స సాసవస్స ధమ్మస్స హేతుపచ్చయేన పచ్చయో (సంఖిత్తం).
౨౯. హేతుయా పఞ్చ, ఆరమ్మణే నవ, అధిపతియా చత్తారి…పే… అవిగతే దస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).
౧-౧౯. కుసలత్తిక-ఆసవవిప్పయుత్తసాసవదుకం
౧-౭. పటిచ్చవారాది
పచ్చయచతుక్కం
హేతుపచ్చయో
౩౦. కుసలం ఆసవవిప్పయుత్తం అనాసవం ధమ్మం పటిచ్చ కుసలో ఆసవవిప్పయుత్తో అనాసవో ధమ్మో ఉప్పజ్జతి హేతుపచ్చయా. (౧)
అబ్యాకతం ఆసవవిప్పయుత్తం అనాసవం ధమ్మం పటిచ్చ అబ్యాకతో ఆసవవిప్పయుత్తో అనాసవో ధమ్మో ఉప్పజ్జతి హేతుపచ్చయా (సంఖిత్తం).
౩౧. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
హేతుఆరమ్మణపచ్చయాది
౩౨. కుసలో ఆసవవిప్పయుత్తో అనాసవో ధమ్మో కుసలస్స ఆసవవిప్పయుత్తస్స అనాసవస్స ధమ్మస్స హేతుపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో అబ్యాకతస్స ఆసవవిప్పయుత్తస్స అనాసవస్స ధమ్మస్స హేతుపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో అబ్యాకతస్స ఆసవవిప్పయుత్తస్స అనాసవస్స ధమ్మస్స ఆరమ్మణపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో కుసలస్స ఆసవవిప్పయుత్తస్స అనాసవస్స ధమ్మస్స ఆరమ్మణపచ్చయేన పచ్చయో. (౧)
కుసలో ఆసవవిప్పయుత్తో అనాసవో ధమ్మో కుసలస్స ఆసవవిప్పయుత్తస్స అనాసవస్స ధమ్మస్స అధిపతిపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో అబ్యాకతస్స ఆసవవిప్పయుత్తస్స అనాసవస్స ధమ్మస్స అధిపతిపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో కుసలస్స ఆసవవిప్పయుత్తస్స అనాసవస్స ధమ్మస్స అధిపతిపచ్చయేన పచ్చయో. (౧)
కుసలో ఆసవవిప్పయుత్తో అనాసవో ధమ్మో అబ్యాకతస్స ఆసవవిప్పయుత్తస్స అనాసవస్స ధమ్మస్స అనన్తరపచ్చయేన పచ్చయో. (౧)
అబ్యాకతో ఆసవవిప్పయుత్తో అనాసవో ధమ్మో అబ్యాకతస్స ఆసవవిప్పయుత్తస్స అనాసవస్స ధమ్మస్స అనన్తరపచ్చయేన పచ్చయో. (౧) (సంఖిత్తం.)
౩౩. హేతుయా ద్వే, ఆరమ్మణే ద్వే, అధిపతియా తీణి, అనన్తరే ద్వే, సమనన్తరే ద్వే, సహజాతే ద్వే, అఞ్ఞమఞ్ఞే ద్వే, నిస్సయే ద్వే, ఉపనిస్సయే చత్తారి…పే… అవిగతే ద్వే (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)
కుసలత్తికఆసవగోచ్ఛకం నిట్ఠితం.
౧-౨౦-౫౪. కుసలత్తిక-సఞ్ఞోజనాదిదుకాని
౩౪. అకుసలం సఞ్ఞోజనం ధమ్మం పటిచ్చ…పే… అకుసలం గన్థం… ఓఘం… యోగం… నీవరణం….
కుసలం నోపరామాసం ధమ్మం పటిచ్చ కుసలో నోపరామాసో ధమ్మో ఉప్పజ్జతి హేతుపచ్చయా. (ఆసవగోచ్ఛకసదిసం.) దిట్ఠిం పటిచ్చ దిట్ఠి న ఉప్పజ్జతి.
కుసలత్తికే ఛ గోచ్ఛకం నిట్ఠితం.