౧-౭. పటిచ్చవారాది

౨౫. అబ్యాకతం రూపిం ధమ్మం పటిచ్చ అబ్యాకతో రూపీ ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి…పే… పఞ్హావారేపి సబ్బత్థ ఏకం.)

౨౬. కుసలం అరూపిం ధమ్మం పటిచ్చ కుసలో అరూపీ ధమ్మో ఉప్పజ్జతి హేతుపచ్చయా. (౧)

అకుసలం అరూపిం ధమ్మం పటిచ్చ అకుసలో అరూపీ ధమ్మో ఉప్పజ్జతి హేతుపచ్చయా. (౧)

అబ్యాకతం అరూపిం ధమ్మం పటిచ్చ అబ్యాకతో అరూపీ ధమ్మో ఉప్పజ్జతి హేతుపచ్చయా. (౧) (సంఖిత్తం.)

౨౭. హేతుయా తీణి, ఆరమ్మణే తీణి…పే… అవిగతే తీణి (సంఖిత్తం).

నహేతుయా ద్వే, నఅధిపతియా తీణి…పే… (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం).

౨౮. కుసలో అరూపీ ధమ్మో కుసలస్స అరూపిస్స ధమ్మస్స హేతుపచ్చయేన పచ్చయో. (౧)

అకుసలో అరూపీ ధమ్మో అకుసలస్స అరూపిస్స ధమ్మస్స హేతుపచ్చయేన పచ్చయో. (౧)

అబ్యాకతో అరూపీ ధమ్మో అబ్యాకతస్స అరూపిస్స ధమ్మస్స హేతుపచ్చయేన పచ్చయో. (౧)

కుసలో అరూపీ ధమ్మో కుసలస్స అరూపిస్స ధమ్మస్స ఆరమ్మణపచ్చయేన పచ్చయో… తీణి.

అకుసలో అరూపీ ధమ్మో అకుసలస్స అరూపిస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో అరూపీ ధమ్మో అబ్యాకతస్స అరూపిస్స ధమ్మస్స ఆరమ్మణపచ్చయేన పచ్చయో (సంఖిత్తం).

౨౯. హేతుయా తీణి, ఆరమ్మణే నవ, అధిపతియా సత్త…పే… అవిగతే తీణి (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)