౧-౭. పటిచ్చవారాది

పచ్చయచతుక్కం

హేతుపచ్చయో

౩౦. కుసలం లోకియం ధమ్మం పటిచ్చ కుసలో లోకియో ధమ్మో ఉప్పజ్జతి హేతుపచ్చయా. కుసలం లోకియం ధమ్మం పటిచ్చ అబ్యాకతో లోకియో ధమ్మో ఉప్పజ్జతి హేతుపచ్చయా. కుసలం లోకియం ధమ్మం పటిచ్చ కుసలో లోకియో చ అబ్యాకతో లోకియో చ ధమ్మా ఉప్పజ్జన్తి హేతుపచ్చయా. (౩)

అకుసలం లోకియం ధమ్మం పటిచ్చ అకుసలో లోకియో ధమ్మో ఉప్పజ్జతి హేతుపచ్చయా… తీణి.

అబ్యాకతం లోకియం ధమ్మం పటిచ్చ అబ్యాకతో లోకియో ధమ్మో ఉప్పజ్జతి హేతుపచ్చయా. (౧)

కుసలం లోకియఞ్చ అబ్యాకతం లోకియఞ్చ ధమ్మం పటిచ్చ అబ్యాకతో లోకియో ధమ్మో ఉప్పజ్జతి హేతుపచ్చయా. (౧)

అకుసలం లోకియఞ్చ అబ్యాకతం లోకియఞ్చ ధమ్మం పటిచ్చ అబ్యాకతో లోకియో ధమ్మో ఉప్పజ్జతి హేతుపచ్చయా (౧) (సంఖిత్తం.)

౩౧. హేతుయా నవ, ఆరమ్మణే తీణి…పే… అవిగతే నవ (సంఖిత్తం).

పచ్చనీయం

నహేతుపచ్చయో

౩౨. అకుసలం లోకియం ధమ్మం పటిచ్చ అకుసలో లోకియో ధమ్మో ఉప్పజ్జతి నహేతుపచ్చయా. (౧)

అబ్యాకతం లోకియం ధమ్మం పటిచ్చ అబ్యాకతో లోకియో ధమ్మో ఉప్పజ్జతి నహేతుపచ్చయా. (౧) (సంఖిత్తం.)

౩౩. నహేతుయా ద్వే, నఆరమ్మణే పఞ్చ, నఅధిపతియా నవ…పే… నోవిగతే పఞ్చ (సంఖిత్తం. సహజాతవారమ్పి…పే… సమ్పయుత్తవారమ్పి పటిచ్చవారసదిసం).

హేతు-ఆరమ్మణపచ్చయా

౩౪. కుసలో లోకియో ధమ్మో కుసలస్స లోకియస్స ధమ్మస్స హేతుపచ్చయేన పచ్చయో… తీణి.

అకుసలో లోకియో ధమ్మో అకుసలస్స లోకియస్స ధమ్మస్స హేతుపచ్చయేన పచ్చయో… తీణి.

అబ్యాకతో లోకియో ధమ్మో అబ్యాకతస్స లోకియస్స ధమ్మస్స హేతుపచ్చయేన పచ్చయో. (౧)

౩౫. కుసలో లోకియో ధమ్మో కుసలస్స లోకియస్స ధమ్మస్స ఆరమ్మణపచ్చయేన పచ్చయో… తీణి.

అకుసలో లోకియో ధమ్మో అకుసలస్స లోకియస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో లోకియో ధమ్మో అబ్యాకతస్స లోకియస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).

౩౬. హేతుయా సత్త, ఆరమ్మణే నవ, అధిపతియా నవ…పే… అవిగతే తేరస (సంఖిత్తం. యథా కుసలత్తికే పఞ్హావారం, ఏవం విత్థారేతబ్బం).