౧-౭. పటిచ్చవారాది

పచ్చయచతుక్కం

౧. కుసలం సప్పచ్చయం ధమ్మం పటిచ్చ కుసలో సప్పచ్చయో ధమ్మో ఉప్పజ్జతి హేతుపచ్చయా. కుసలం సప్పచ్చయం ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి హేతుపచ్చయా. కుసలం సప్పచ్చయం ధమ్మం పటిచ్చ కుసలో సప్పచ్చయో చ అబ్యాకతో సప్పచ్చయో చ ధమ్మా ఉప్పజ్జన్తి హేతుపచ్చయా. (౩)

అకుసలం సప్పచ్చయం ధమ్మం పటిచ్చ అకుసలో సప్పచ్చయో ధమ్మో ఉప్పజ్జతి హేతుపచ్చయా… తీణి.

అబ్యాకతం సప్పచ్చయం ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి హేతుపచ్చయా. (౧)

కుసలం సప్పచ్చయఞ్చ అబ్యాకతం సప్పచ్చయఞ్చ ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి హేతుపచ్చయా. (౧)

అకుసలం సప్పచ్చయఞ్చ అబ్యాకతం సప్పచ్చయఞ్చ ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి హేతుపచ్చయా. (౧)

౨. కుసలం సప్పచ్చయం ధమ్మం పటిచ్చ కుసలో సప్పచ్చయో ధమ్మో ఉప్పజ్జతి ఆరమ్మణపచ్చయా. (౧)

అకుసలం సప్పచ్చయం ధమ్మం పటిచ్చ అకుసలో సప్పచ్చయో ధమ్మో ఉప్పజ్జతి ఆరమ్మణపచ్చయా. (౧)

అబ్యాకతం సప్పచ్చయం ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౩. హేతుయా నవ, ఆరమ్మణే తీణి, అధిపతియా నవ…పే… అవిగతే నవ (సంఖిత్తం).

పచ్చనీయం

నహేతుపచ్చయో

౪. అకుసలం సప్పచ్చయం ధమ్మం పటిచ్చ అకుసలో సప్పచ్చయో ధమ్మో ఉప్పజ్జతి నహేతుపచ్చయా. (౧)

అబ్యాకతం సప్పచ్చయం ధమ్మం పటిచ్చ అబ్యాకతో సప్పచ్చయో ధమ్మో ఉప్పజ్జతి నహేతుపచ్చయా. (౧) (సంఖిత్తం.)

౫. నహేతుయా ద్వే, నఆరమ్మణే పఞ్చ, నఅధిపతియా నవ…పే… నోవిగతే పఞ్చ (సంఖిత్తం).

హేతుపచ్చయా నఆరమ్మణే పఞ్చ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)

హేతు-ఆరమ్మణపచ్చయా

౬. కుసలో సప్పచ్చయో ధమ్మో కుసలస్స సప్పచ్చయస్స ధమ్మస్స హేతుపచ్చయేన పచ్చయో… తీణి.

అకుసలో సప్పచ్చయో ధమ్మో అకుసలస్స సప్పచ్చయస్స ధమ్మస్స హేతుపచ్చయేన పచ్చయో… తీణి.

అబ్యాకతో సప్పచ్చయో ధమ్మో అబ్యాకతస్స సప్పచ్చయస్స ధమ్మస్స హేతుపచ్చయేన పచ్చయో. (౧)

౭. కుసలో సప్పచ్చయో ధమ్మో కుసలస్స సప్పచ్చయస్స ధమ్మస్స ఆరమ్మణపచ్చయేన పచ్చయో… తీణి.

అకుసలో సప్పచ్చయో ధమ్మో అకుసలస్స సప్పచ్చయస్స ధమ్మస్స ఆరమ్మణపచ్చయేన పచ్చయో… తీణి.

అబ్యాకతో సప్పచ్చయో ధమ్మో అబ్యాకతస్స సప్పచ్చయస్స ధమ్మస్స ఆరమ్మణపచ్చయేన పచ్చయో… తీణి (సంఖిత్తం).

౮. హేతుయా సత్త, ఆరమ్మణే నవ, అధిపతియా దస, అనన్తరే సత్త…పే… సహజాతే నవ…పే… ఉపనిస్సయే నవ…పే… అవిగతే తేరస (సంఖిత్తం).

నహేతుయా పన్నరస, నఆరమ్మణే పన్నరస (సంఖిత్తం).

హేతుపచ్చయా నఆరమ్మణే సత్త (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)