౧-౭. పటిచ్చవారాది
పచ్చయచతుక్కం
హేతుపచ్చయో
౨౪౪. కుసలం సహేతుకం ధమ్మం పటిచ్చ కుసలో సహేతుకో ధమ్మో ఉప్పజ్జతి హేతుపచ్చయా. (౧)
అకుసలం సహేతుకం ధమ్మం పటిచ్చ అకుసలో సహేతుకో ధమ్మో ఉప్పజ్జతి హేతుపచ్చయా. (౧)
అబ్యాకతం సహేతుకం ధమ్మం పటిచ్చ అబ్యాకతో సహేతుకో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౨౪౫. హేతుయా తీణి…పే… అవిగతే తీణి (సంఖిత్తం).
నఅధిపతియా తీణి, నపురేజాతే తీణి, నపచ్ఛాజాతే తీణి, నఆసేవనే తీణి, నకమ్మే తీణి, నవిపాకే తీణి, నవిప్పయుత్తే తీణి.
హేతుపచ్చయా నఅధిపతియా తీణి (సంఖిత్తం).
నఅధిపతిపచ్చయా హేతుయా తీణి (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం.)
హేతు-ఆరమ్మణపచ్చయా
౨౪౬. కుసలో సహేతుకో ధమ్మో కుసలస్స సహేతుకస్స ధమ్మస్స హేతుపచ్చయేన పచ్చయో. (౧)
అకుసలో సహేతుకో ధమ్మో అకుసలస్స సహేతుకస్స ధమ్మస్స హేతుపచ్చయేన పచ్చయో. (౧)
అబ్యాకతో సహేతుకో ధమ్మో అబ్యాకతస్స సహేతుకస్స ధమ్మస్స హేతుపచ్చయేన పచ్చయో. (౧)
కుసలో సహేతుకో ధమ్మో కుసలస్స సహేతుకస్స ధమ్మస్స ఆరమ్మణపచ్చయేన పచ్చయో. కుసలో సహేతుకో ధమ్మో అకుసలస్స సహేతుకస్స ధమ్మస్స ఆరమ్మణపచ్చయేన పచ్చయో. కుసలో సహేతుకో ధమ్మో అబ్యాకతస్స సహేతుకస్స ధమ్మస్స ఆరమ్మణపచ్చయేన పచ్చయో. (౩)
అకుసలో సహేతుకో ధమ్మో అకుసలస్స సహేతుకస్స ధమ్మస్స ఆరమ్మణపచ్చయేన పచ్చయో… తీణి. (౩)
అబ్యాకతో సహేతుకో ధమ్మో అబ్యాకతస్స సహేతుకస్స ధమ్మస్స ఆరమ్మణపచ్చయేన పచ్చయో… తీణి. (౩)
కుసలో సహేతుకో ధమ్మో కుసలస్స సహేతుకస్స ధమ్మస్స అధిపతిపచ్చయేన పచ్చయో (సంఖిత్తం).
౨౪౭. హేతుయా తీణి, ఆరమ్మణే నవ, అధిపతియా సత్త, అనన్తరే పఞ్చ, సమనన్తరే పఞ్చ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ…పే… అవిగతే తీణి (సంఖిత్తం).
నహేతుయా నవ, నఆరమ్మణే నవ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే నవ (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)