౭. పఞ్హావారో

పచ్చయచతుక్కం

హేతుపచ్చయాది

౨౦౫. ఉప్పన్నో హేతు ధమ్మో ఉప్పన్నస్స హేతుస్స ధమ్మస్స హేతుపచ్చయేన పచ్చయో – ఉప్పన్నా హేతూ సమ్పయుత్తకానం హేతూనం హేతుపచ్చయేన పచ్చయో; పటిసన్ధిక్ఖణే…పే…. (౧)

అనుప్పన్నో హేతు ధమ్మో ఉప్పన్నస్స హేతుస్స ధమ్మస్స ఆరమ్మణపచ్చయేన పచ్చయో – అనుప్పన్నా హేతూ చేతోపరియఞాణస్స అనాగతంసఞాణస్స ఆరమ్మణపచ్చయేన పచ్చయో. ఉప్పాదీ హేతు ధమ్మో ఉప్పన్నస్స హేతుస్స ధమ్మస్స ఆరమ్మణపచ్చయేన పచ్చయో – ఉప్పాదీ హేతూ చేతోపరియఞాణస్స అనాగతంసఞాణస్స ఆరమ్మణపచ్చయేన పచ్చయో. (౨)

ఉప్పన్నో హేతు ధమ్మో ఉప్పన్నస్స హేతుస్స ధమ్మస్స అధిపతిపచ్చయేన పచ్చయో… తీణి.

సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… ఉపనిస్సయపచ్చయేన పచ్చయో… విపాకపచ్చయేన పచ్చయో… ఇన్ద్రియపచ్చయేన పచ్చయో… మగ్గపచ్చయేన పచ్చయో… సమ్పయుత్తపచ్చయేన పచ్చయో… అత్థిపచ్చయేన పచ్చయో…పే… అవిగతపచ్చయేన పచ్చయో.

౨౦౬. హేతుయా ఏకం, ఆరమ్మణే ద్వే, అధిపతియా తీణి, సహజాతే ఏకం, అఞ్ఞమఞ్ఞే ఏకం, నిస్సయే ఏకం, ఉపనిస్సయే ద్వే…పే… అవిగతే ఏకం (సంఖిత్తం).

నహేతుయా ద్వే, నఆరమ్మణే ద్వే (సంఖిత్తం).

హేతుపచ్చయా నఆరమ్మణే ఏకం (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)

నహేతుపదం

ఆరమ్మణపచ్చయాది

౨౦౭. ఉప్పన్నో నహేతు ధమ్మో ఉప్పన్నస్స నహేతుస్స ధమ్మస్స ఆరమ్మణపచ్చయేన పచ్చయో. (౧)

అనుప్పన్నో నహేతు ధమ్మో ఉప్పన్నస్స నహేతుస్స ధమ్మస్స ఆరమ్మణపచ్చయేన పచ్చయో. (౧)

ఉప్పాదీ నహేతు ధమ్మో ఉప్పన్నస్స నహేతుస్స ధమ్మస్స ఆరమ్మణపచ్చయేన పచ్చయో. (౧)

౨౦౮. ఉప్పన్నో నహేతు ధమ్మో ఉప్పన్నస్స నహేతుస్స ధమ్మస్స అధిపతిపచ్చయేన పచ్చయో. (౧)

అనుప్పన్నో నహేతు ధమ్మో ఉప్పన్నస్స నహేతుస్స ధమ్మస్స అధిపతిపచ్చయేన పచ్చయో. (౧)

ఉప్పాదీ నహేతు ధమ్మో ఉప్పన్నస్స నహేతుస్స ధమ్మస్స అధిపతిపచ్చయేన పచ్చయో. (౧)

ఉప్పన్నో నహేతు ధమ్మో ఉప్పన్నస్స నహేతుస్స ధమ్మస్స సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో… నిస్సయపచ్చయేన పచ్చయో… ఉపనిస్సయపచ్చయేన పచ్చయో.

అనుప్పన్నో నహేతు ధమ్మో ఉప్పన్నస్స నహేతుస్స ధమ్మస్స ఉపనిస్సయపచ్చయేన పచ్చయో.

ఉప్పాదీ నహేతు ధమ్మో ఉప్పన్నస్స నహేతుస్స ధమ్మస్స ఉపనిస్సయపచ్చయేన పచ్చయో (సంఖిత్తం).

౨౦౯. ఆరమ్మణే తీణి, అధిపతియా తీణి, సహజాతే ఏకం, అఞ్ఞమఞ్ఞే ఏకం, నిస్సయే ఏకం, ఉపనిస్సయే తీణి…పే… అవిగతే ఏకం (సంఖిత్తం).

నహేతుయా తీణి, నఆరమ్మణే తీణి (సంఖిత్తం).

ఆరమ్మణపచ్చయా నహేతుయా తీణి (సంఖిత్తం).

నహేతుపచ్చయా ఆరమ్మణే తీణి (సంఖిత్తం).