౧-౭. పటిచ్చవారాది
పచ్చయచతుక్కం
హేతుపచ్చయో
౧౯౨. మగ్గారమ్మణం హేతుం ధమ్మం పటిచ్చ మగ్గారమ్మణో హేతు ధమ్మో ఉప్పజ్జతి హేతుపచ్చయా… తీణి.
మగ్గహేతుకం హేతుం ధమ్మం పటిచ్చ మగ్గహేతుకో హేతు ధమ్మో ఉప్పజ్జతి హేతుపచ్చయా… తీణి.
మగ్గాధిపతిం హేతుం ధమ్మం పటిచ్చ మగ్గాధిపతి హేతు ధమ్మో ఉప్పజ్జతి హేతుపచ్చయా… పఞ్చ.
మగ్గారమ్మణం హేతుఞ్చ మగ్గాధిపతిం హేతుఞ్చ ధమ్మం పటిచ్చ మగ్గారమ్మణో హేతు ధమ్మో ఉప్పజ్జతి హేతుపచ్చయా… తీణి.
మగ్గహేతుకం హేతుఞ్చ మగ్గాధిపతిం హేతుఞ్చ ధమ్మం పటిచ్చ మగ్గహేతుకో హేతు ధమ్మో ఉప్పజ్జతి హేతుపచ్చయా… తీణి (సంఖిత్తం).
౧౯౩. హేతుయా సత్తరస…పే… అవిగతే సత్తరస (సంఖిత్తం).
నఅధిపతియా సత్తరస, నపురేజాతే సత్తరస…పే… నఆసేవనే నవ, నవిపాకే సత్తరస, నవిప్పయుత్తే సత్తరస (సంఖిత్తం).
(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతు-ఆరమ్మణపచ్చయాది
౧౯౪. మగ్గారమ్మణో హేతు ధమ్మో మగ్గారమ్మణస్స హేతుస్స ధమ్మస్స హేతుపచ్చయేన పచ్చయో… తీణి.
మగ్గహేతుకో హేతు ధమ్మో మగ్గహేతుకస్స హేతుస్స ధమ్మస్స హేతుపచ్చయేన పచ్చయో… తీణి.
మగ్గాధిపతి హేతు ధమ్మో మగ్గాధిపతిస్స హేతుస్స ధమ్మస్స హేతుపచ్చయేన పచ్చయో… పఞ్చ.
మగ్గారమ్మణో హేతు చ మగ్గాధిపతి హేతు చ ధమ్మా మగ్గారమ్మణస్స హేతుస్స ధమ్మస్స హేతుపచ్చయేన పచ్చయో… తీణి.
మగ్గహేతుకో హేతు చ మగ్గాధిపతి హేతు చ ధమ్మా మగ్గహేతుకస్స హేతుస్స ధమ్మస్స హేతుపచ్చయేన పచ్చయో… తీణి.
మగ్గహేతుకో హేతు ధమ్మో మగ్గారమ్మణస్స హేతుస్స ధమ్మస్స ఆరమ్మణపచ్చయేన పచ్చయో. మగ్గహేతుకో హేతు ధమ్మో మగ్గాధిపతిస్స హేతుస్స ధమ్మస్స ఆరమ్మణపచ్చయేన పచ్చయో. మగ్గహేతుకో హేతు ధమ్మో మగ్గారమ్మణస్స హేతుస్స చ మగ్గాధిపతిస్స హేతుస్స చ ధమ్మస్స ఆరమ్మణపచ్చయేన పచ్చయో. (౩)
మగ్గాధిపతి హేతు ధమ్మో మగ్గాధిపతిస్స హేతుస్స ధమ్మస్స ఆరమ్మణపచ్చయేన పచ్చయో… తీణి.
మగ్గహేతుకో హేతు చ మగ్గాధిపతి హేతు చ ధమ్మా మగ్గారమ్మణస్స హేతుస్స ధమ్మస్స ఆరమ్మణపచ్చయేన పచ్చయో… తీణి.
౧౯౫. మగ్గారమ్మణో హేతు ధమ్మో మగ్గారమ్మణస్స హేతుస్స ధమ్మస్స అధిపతిపచ్చయేన పచ్చయో… తీణి.
మగ్గహేతుకో హేతు ధమ్మో మగ్గహేతుకస్స హేతుస్స ధమ్మస్స అధిపతిపచ్చయేన పచ్చయో… పఞ్చ.
మగ్గాధిపతి హేతు ధమ్మో మగ్గాధిపతిస్స హేతుస్స ధమ్మస్స అధిపతిపచ్చయేన పచ్చయో… పఞ్చ.
మగ్గారమ్మణో హేతు చ మగ్గాధిపతి హేతు చ ధమ్మా మగ్గారమ్మణస్స హేతుస్స ధమ్మస్స అధిపతిపచ్చయేన పచ్చయో… తీణి.
మగ్గహేతుకో హేతు చ మగ్గాధిపతి హేతు చ ధమ్మా మగ్గారమ్మణస్స హేతుస్స ధమ్మస్స అధిపతిపచ్చయేన పచ్చయో… పఞ్చ.
మగ్గారమ్మణో హేతు ధమ్మో మగ్గారమ్మణస్స హేతుస్స ధమ్మస్స అనన్తరపచ్చయేన పచ్చయో… తీణి.
మగ్గాధిపతి హేతు ధమ్మో మగ్గాధిపతిస్స హేతుస్స ధమ్మస్స అనన్తరపచ్చయేన పచ్చయో… తీణి.
మగ్గారమ్మణో హేతు చ మగ్గాధిపతి హేతు చ ధమ్మా మగ్గారమ్మణస్స హేతుస్స ధమ్మస్స అనన్తరపచ్చయేన పచ్చయో… తీణి (సంఖిత్తం).
౧౯౬. హేతుయా సత్తరస, ఆరమ్మణే నవ, అధిపతియా ఏకవీస, అనన్తరే నవ, సమనన్తరే నవ, సహజాతే సత్తరస, అఞ్ఞమఞ్ఞే సత్తరస, నిస్సయే సత్తరస, ఉపనిస్సయే ఏకవీస…పే… అవిగతే సత్తరస (సంఖిత్తం).
నహేతుయా ఏకవీస, నఆరమ్మణే సత్తరస (సంఖిత్తం).
హేతుపచ్చయా నఆరమ్మణే సత్తరస (సంఖిత్తం).
నహేతుపచ్చయా ఆరమ్మణే నవ (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)