౧-౭. పటిచ్చవారాది
పచ్చయచతుక్కం
హేతుపచ్చయో
౧౮౦. మిచ్ఛత్తనియతం హేతుం ధమ్మం పటిచ్చ మిచ్ఛత్తనియతో హేతు ధమ్మో ఉప్పజ్జతి హేతుపచ్చయా. (౧)
సమ్మత్తనియతం హేతుం ధమ్మం పటిచ్చ సమ్మత్తనియతో హేతు ధమ్మో ఉప్పజ్జతి హేతుపచ్చయా. (౧)
అనియతం హేతుం ధమ్మం పటిచ్చ అనియతో హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
౧౮౧. హేతుయా తీణి, ఆరమ్మణే తీణి, అధిపతియా తీణి…పే… విపాకే ఏకం…పే… అవిగతే తీణి (సంఖిత్తం).
నఅధిపతియా ద్వే, నపురేజాతే ద్వే, నపచ్ఛాజాతే తీణి, నఆసేవనే ఏకం, నవిపాకే తీణి, నవిప్పయుత్తే ద్వే (సంఖిత్తం).
(సహజాతవారమ్పి …పే… సమ్పయుత్తవారమ్పి పటిచ్చవారసదిసం విత్థారేతబ్బం.)
హేతు-ఆరమ్మణపచ్చయాది
౧౮౨. మిచ్ఛత్తనియతో హేతు ధమ్మో మిచ్ఛత్తనియతస్స హేతుస్స ధమ్మస్స హేతుపచ్చయేన పచ్చయో. (౧)
సమ్మత్తనియతో హేతు ధమ్మో సమ్మత్తనియతస్స హేతుస్స ధమ్మస్స హేతుపచ్చయేన పచ్చయో. (౧)
అనియతో హేతు ధమ్మో అనియతస్స హేతుస్స ధమ్మస్స హేతుపచ్చయేన పచ్చయో. (౧)
మిచ్ఛత్తనియతో హేతు ధమ్మో అనియతస్స హేతుస్స ధమ్మస్స ఆరమ్మణపచ్చయేన పచ్చయో. (౧)
సమ్మత్తనియతో హేతు ధమ్మో అనియతస్స హేతుస్స ధమ్మస్స ఆరమ్మణపచ్చయేన పచ్చయో. (౧)
అనియతో హేతు ధమ్మో అనియతస్స హేతుస్స ధమ్మస్స ఆరమ్మణపచ్చయేన పచ్చయో. (౧)
అనియతో హేతు ధమ్మో మిచ్ఛత్తనియతస్స హేతుస్స ధమ్మస్స ఆరమ్మణపచ్చయేన పచ్చయో. (౧)
సమ్మత్తనియతో హేతు ధమ్మో సమ్మత్తనియతస్స హేతుస్స ధమ్మస్స అధిపతిపచ్చయేన పచ్చయో. సమ్మత్తనియతో హేతు ధమ్మో అనియతస్స హేతుస్స ధమ్మస్స అధిపతిపచ్చయేన పచ్చయో. (౨)
అనియతో హేతు ధమ్మో అనియతస్స హేతుస్స ధమ్మస్స అధిపతిపచ్చయేన పచ్చయో. (౧)
అనన్తరపచ్చయాది
౧౮౩. మిచ్ఛత్తనియతో హేతు ధమ్మో అనియతస్స హేతుస్స ధమ్మస్స అనన్తరపచ్చయేన పచ్చయో. (౧)
సమ్మత్తనియతో హేతు ధమ్మో అనియతస్స హేతుస్స ధమ్మస్స అనన్తరపచ్చయేన పచ్చయో. (౧)
అనియతో హేతు ధమ్మో అనియతస్స హేతుస్స ధమ్మస్స అనన్తరపచ్చయేన పచ్చయో. అనియతో హేతు ధమ్మో మిచ్ఛత్తనియతస్స హేతుస్స ధమ్మస్స అనన్తరపచ్చయేన పచ్చయో. అనియతో హేతు ధమ్మో సమ్మత్తనియతస్స హేతుస్స ధమ్మస్స అనన్తరపచ్చయేన పచ్చయో. (౩)
౧౮౪. మిచ్ఛత్తనియతో హేతు ధమ్మో మిచ్ఛత్తనియతస్స హేతుస్స ధమ్మస్స ఉపనిస్సయపచ్చయేన పచ్చయో. మిచ్ఛత్తనియతో హేతు ధమ్మో అనియతస్స హేతుస్స ధమ్మస్స ఉపనిస్సయపచ్చయేన పచ్చయో. (౨)
సమ్మత్తనియతో హేతు ధమ్మో సమ్మత్తనియతస్స హేతుస్స ధమ్మస్స ఉపనిస్సయపచ్చయేన పచ్చయో. సమ్మత్తనియతో హేతు ధమ్మో అనియతస్స హేతుస్స ధమ్మస్స ఉపనిస్సయపచ్చయేన పచ్చయో. (౨)
అనియతో హేతు ధమ్మో అనియతస్స హేతుస్స ధమ్మస్స ఉపనిస్సయపచ్చయేన పచ్చయో. అనియతో హేతు ధమ్మో మిచ్ఛత్తనియతస్స హేతుస్స ధమ్మస్స ఉపనిస్సయపచ్చయేన పచ్చయో. అనియతో హేతు ధమ్మో సమ్మత్తనియతస్స హేతుస్స ధమ్మస్స ఉపనిస్సయపచ్చయేన పచ్చయో. (౩) (సంఖిత్తం.)
౧౮౫. హేతుయా తీణి, ఆరమ్మణే చత్తారి, అధిపతియా తీణి, అనన్తరే పఞ్చ, సమనన్తరే పఞ్చ, సహజాతే తీణి…పే… ఉపనిస్సయే సత్త…పే… అవిగతే తీణి (సంఖిత్తం).
నహేతుయా సత్త, నఆరమ్మణే సత్త (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే చత్తారి (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)