౭. పఞ్హావారో

పచ్చయచతుక్కం

౧౫౬. సేక్ఖో నహేతు ధమ్మో నేవసేక్ఖనాసేక్ఖస్స నహేతుస్స ధమ్మస్స ఆరమ్మణపచ్చయేన పచ్చయో. (౧)

అసేక్ఖో నహేతు ధమ్మో నేవసేక్ఖనాసేక్ఖస్స నహేతుస్స ధమ్మస్స ఆరమ్మణపచ్చయేన పచ్చయో. (౧)

నేవసేక్ఖనాసేక్ఖో నహేతు ధమ్మో నేవసేక్ఖనాసేక్ఖస్స నహేతుస్స ధమ్మస్స ఆరమ్మణపచ్చయేన పచ్చయో. నేవసేక్ఖనాసేక్ఖో నహేతు ధమ్మో సేక్ఖస్స నహేతుస్స ధమ్మస్స ఆరమ్మణపచ్చయేన పచ్చయో. నేవసేక్ఖనాసేక్ఖో నహేతు ధమ్మో అసేక్ఖస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

సేక్ఖో నహేతు ధమ్మో సేక్ఖస్స నహేతుస్స ధమ్మస్స అధిపతిపచ్చయేన పచ్చయో… తీణి.

అసేక్ఖో నహేతు ధమ్మో అసేక్ఖస్స నహేతుస్స ధమ్మస్స అధిపతిపచ్చయేన పచ్చయో… తీణి.

నేవసేక్ఖనాసేక్ఖో నహేతు ధమ్మో నేవసేక్ఖనాసేక్ఖస్స నహేతుస్స ధమ్మస్స అధిపతిపచ్చయేన పచ్చయో… తీణి (సంఖిత్తం).

౧౫౭. ఆరమ్మణే పఞ్చ, అధిపతియా నవ, అనన్తరే అట్ఠ, సమనన్తరే అట్ఠ, సహజాతే నవ, అఞ్ఞమఞ్ఞే తీణి, నిస్సయే తేరస, ఉపనిస్సయే అట్ఠ…పే… అవిగతే తేరస (సంఖిత్తం).

నహేతుయా చుద్దస, నఆరమ్మణే చుద్దస (సంఖిత్తం).

ఆరమ్మణపచ్చయా నహేతుయా పఞ్చ (సంఖిత్తం).

నహేతుపచ్చయా ఆరమ్మణే పఞ్చ (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)