౧-౭. పటిచ్చవారాది
పచ్చయచతుక్కం
హేతుపచ్చయో
౧౪౬. సేక్ఖం హేతుం ధమ్మం పటిచ్చ సేక్ఖో హేతు ధమ్మో ఉప్పజ్జతి హేతుపచ్చయా. (౧)
అసేక్ఖం హేతుం ధమ్మం పటిచ్చ అసేక్ఖో హేతు ధమ్మో ఉప్పజ్జతి హేతుపచ్చయా. (౧)
నేవసేక్ఖనాసేక్ఖం హేతుం ధమ్మం పటిచ్చ నేవసేక్ఖనాసేక్ఖో హేతు ధమ్మో ఉప్పజ్జతి హేతుపచ్చయా. (౧) (సంఖిత్తం.)
౧౪౭. హేతుయా తీణి, ఆరమ్మణే తీణి, అధిపతియా తీణి…పే… అవిగతే తీణి (సంఖిత్తం).
నఅధిపతియా తీణి, నపురేజాతే తీణి, నపచ్ఛాజాతే తీణి, నఆసేవనే తీణి, నవిపాకే ద్వే, నవిప్పయుత్తే తీణి (సంఖిత్తం).
హేతుపచ్చయా నఅధిపతియా తీణి (సంఖిత్తం).
నఅధిపతిపచ్చయా హేతుయా తీణి (సంఖిత్తం).
(సహజాతవారమ్పి…పే… సమ్పయుత్తవారమ్పి విత్థారేతబ్బం.)
హేతు-ఆరమ్మణపచ్చయాది
౧౪౮. సేక్ఖో హేతు ధమ్మో సేక్ఖస్స హేతుస్స ధమ్మస్స హేతుపచ్చయేన పచ్చయో. (౧)
అసేక్ఖో హేతు ధమ్మో అసేక్ఖస్స హేతుస్స ధమ్మస్స హేతుపచ్చయేన పచ్చయో. (౧)
నేవసేక్ఖనాసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స హేతుపచ్చయేన పచ్చయో. (౧)
౧౪౯. సేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స ఆరమ్మణపచ్చయేన పచ్చయో. (౧)
అసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స ఆరమ్మణపచ్చయేన పచ్చయో. (౧)
నేవసేక్ఖనాసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స ఆరమ్మణపచ్చయేన పచ్చయో. (౧)
౧౫౦. సేక్ఖో హేతు ధమ్మో సేక్ఖస్స హేతుస్స ధమ్మస్స అధిపతిపచ్చయేన పచ్చయో. సేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అధిపతిపచ్చయేన పచ్చయో. (౨)
అసేక్ఖో హేతు ధమ్మో అసేక్ఖస్స హేతుస్స ధమ్మస్స అధిపతిపచ్చయేన పచ్చయో. అసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అధిపతిపచ్చయేన పచ్చయో. (౨)
నేవసేక్ఖనాసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అధిపతిపచ్చయేన పచ్చయో. (౧)
౧౫౧. సేక్ఖో హేతు ధమ్మో సేక్ఖస్స హేతుస్స ధమ్మస్స అనన్తరపచ్చయేన పచ్చయో. సేక్ఖో హేతు ధమ్మో అసేక్ఖస్స హేతుస్స ధమ్మస్స అనన్తరపచ్చయేన పచ్చయో. సేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అనన్తరపచ్చయేన పచ్చయో. (౩)
అసేక్ఖో హేతు ధమ్మో అసేక్ఖస్స హేతుస్స ధమ్మస్స అనన్తరపచ్చయేన పచ్చయో. అసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అనన్తరపచ్చయేన పచ్చయో. (౨)
నేవసేక్ఖనాసేక్ఖో హేతు ధమ్మో నేవసేక్ఖనాసేక్ఖస్స హేతుస్స ధమ్మస్స అనన్తరపచ్చయేన పచ్చయో. నేవసేక్ఖనాసేక్ఖో హేతు ధమ్మో సేక్ఖస్స హేతుస్స ధమ్మస్స అనన్తరపచ్చయేన పచ్చయో. నేవసేక్ఖనాసేక్ఖో హేతు ధమ్మో అసేక్ఖస్స హేతుస్స ధమ్మస్స అనన్తరపచ్చయేన పచ్చయో. (౩) (సంఖిత్తం.)
౧౫౨. హేతుయా తీణి, ఆరమ్మణే తీణి, అధిపతియా పఞ్చ, అనన్తరే అట్ఠ, సమనన్తరే అట్ఠ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే అట్ఠ…పే… అవిగతే తీణి (సంఖిత్తం).
నహేతుయా అట్ఠ, నఆరమ్మణే అట్ఠ (సంఖిత్తం).
హేతుపచ్చయా నఆరమ్మణే తీణి (సంఖిత్తం).
నహేతుపచ్చయా ఆరమ్మణే తీణి (సంఖిత్తం).
(యథా కుసలత్తికే పఞ్హావారం, ఏవం విత్థారేతబ్బం.)