౭. పఞ్హావారో

పచ్చయచతుక్కం

౧౪౨. ఆచయగామీ నహేతు ధమ్మో ఆచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. ఆచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. (౨)

అపచయగామీ నహేతు ధమ్మో ఆచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. అపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. (౨)

నేవాచయగామినాపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. నేవాచయగామినాపచయగామీ నహేతు ధమ్మో ఆచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. నేవాచయగామినాపచయగామీ నహేతు ధమ్మో అపచయగామిస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

౧౪౩. ఆచయగామీ నహేతు ధమ్మో ఆచయగామిస్స నహేతుస్స ధమ్మస్స అధిపతిపచ్చయేన పచ్చయో… తీణి.

అపచయగామీ నహేతు ధమ్మో అపచయగామిస్స నహేతుస్స ధమ్మస్స అధిపతిపచ్చయేన పచ్చయో. అపచయగామీ నహేతు ధమ్మో ఆచయగామిస్స నహేతుస్స ధమ్మస్స అధిపతిపచ్చయేన పచ్చయో. అపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స అధిపతిపచ్చయేన పచ్చయో. అపచయగామీ నహేతు ధమ్మో అపచయగామిస్స నహేతుస్స చ నేవాచయగామినాపచయగామిస్స నహేతుస్స చ ధమ్మస్స అధిపతిపచ్చయేన పచ్చయో. (౪)

౧౪౪. నేవాచయగామినాపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స అధిపతిపచ్చయేన పచ్చయో… తీణి.

ఆచయగామీ నహేతు ధమ్మో ఆచయగామిస్స నహేతుస్స ధమ్మస్స అనన్తరపచ్చయేన పచ్చయో. ఆచయగామీ నహేతు ధమ్మో అపచయగామిస్స నహేతుస్స ధమ్మస్స అనన్తరపచ్చయేన పచ్చయో. ఆచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స అనన్తరపచ్చయేన పచ్చయో. (౩)

అపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స అనన్తరపచ్చయేన పచ్చయో. (౧)

నేవాచయగామినాపచయగామీ నహేతు ధమ్మో నేవాచయగామినాపచయగామిస్స నహేతుస్స ధమ్మస్స అనన్తరపచ్చయేన పచ్చయో. నేవాచయగామినాపచయగామీ నహేతు ధమ్మో ఆచయగామిస్స నహేతుస్స ధమ్మస్స అనన్తరపచ్చయేన పచ్చయో. (౨)…పే….

ఆచయగామీ నహేతు ధమ్మో ఆచయగామిస్స నహేతుస్స ధమ్మస్స ఉపనిస్సయపచ్చయేన పచ్చయో (సంఖిత్తం).

౧౪౫. ఆరమ్మణే సత్త, అధిపతియా దస, అనన్తరే ఛ సమనన్తరే ఛ, సహజాతే నవ, అఞ్ఞమఞ్ఞే తీణి, నిస్సయే తేరస, ఉపనిస్సయే నవ…పే… అవిగతే తేరస (సంఖిత్తం).

నహేతుయా పన్నరస, నఆరమ్మణే పన్నరస (సంఖిత్తం).

ఆరమ్మణపచ్చయా నహేతుయా సత్త (సంఖిత్తం).

నహేతుపచ్చయా ఆరమ్మణే సత్త (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)