౧-౬. పటిచ్చవారాది

పచ్చయచతుక్కం

హేతు-ఆరమ్మణపచ్చయా

౧౦౭. పీతిసహగతం నహేతుం ధమ్మం పటిచ్చ పీతిసహగతో నహేతు ధమ్మో ఉప్పజ్జతి హేతుపచ్చయా. పీతిసహగతం నహేతుం ధమ్మం పటిచ్చ సుఖసహగతో నహేతు ధమ్మో ఉప్పజ్జతి హేతుపచ్చయా. పీతిసహగతం నహేతుం ధమ్మం పటిచ్చ పీతిసహగతో నహేతు చ సుఖసహగతో నహేతు చ ధమ్మా ఉప్పజ్జన్తి హేతుపచ్చయా. (౩)

సుఖసహగతం నహేతుం ధమ్మం పటిచ్చ సుఖసహగతో నహేతు ధమ్మో ఉప్పజ్జతి హేతుపచ్చయా. సుఖసహగతం నహేతుం ధమ్మం పటిచ్చ పీతిసహగతో నహేతు ధమ్మో ఉప్పజ్జతి హేతుపచ్చయా. సుఖసహగతం నహేతుం ధమ్మం పటిచ్చ పీతిసహగతో నహేతు చ సుఖసహగతో నహేతు చ ధమ్మా ఉప్పజ్జన్తి హేతుపచ్చయా. (౩)

ఉపేక్ఖాసహగతం నహేతుం ధమ్మం పటిచ్చ ఉపేక్ఖాసహగతో నహేతుధమ్మో ఉప్పజ్జతి హేతుపచ్చయా. (౧)

పీతిసహగతం నహేతుఞ్చ సుఖసహగతం నహేతుఞ్చ ధమ్మం పటిచ్చ పీతిసహగతో నహేతు ధమ్మో ఉప్పజ్జతి హేతుపచ్చయా. పీతిసహగతం నహేతుఞ్చ సుఖసహగతం నహేతుఞ్చ ధమ్మం పటిచ్చ సుఖసహగతో నహేతు ధమ్మో ఉప్పజ్జతి హేతుపచ్చయా. పీతిసహగతం నహేతుఞ్చ సుఖసహగతం నహేతుఞ్చ ధమ్మం పటిచ్చ పీతిసహగతో నహేతు చ సుఖసహగతో నహేతు చ ధమ్మా ఉప్పజ్జన్తి హేతుపచ్చయా. (౩)

౧౦౮. పీతిసహగతం నహేతుం ధమ్మం పటిచ్చ పీతిసహగతో నహేతు ధమ్మో ఉప్పజ్జతి ఆరమ్మణపచ్చయా… తీణి.

సుఖసహగతం నహేతుం ధమ్మం పటిచ్చ సుఖసహగతో నహేతు ధమ్మో ఉప్పజ్జతి ఆరమ్మణపచ్చయా… తీణి.

ఉపేక్ఖాసహగతం నహేతుం ధమ్మం పటిచ్చ ఉపేక్ఖాసహగతో నహేతు ధమ్మో ఉప్పజ్జతి ఆరమ్మణపచ్చయా… ఏకం.

పీతిసహగతం నహేతుఞ్చ సుఖసహగతం నహేతుఞ్చ ధమ్మం పటిచ్చ పీతిసహగతో నహేతు ధమ్మో ఉప్పజ్జతి ఆరమ్మణపచ్చయా… తీణి (సంఖిత్తం).

౧౦౯. హేతుయా దస, ఆరమ్మణే దస, అధిపతియా దస, అనన్తరే దస…పే… అవిగతే దస (సంఖిత్తం).

నహేతుయా దస, నఅధిపతియా దస (సంఖిత్తం. సహజాతవారమ్పి…పే… సమ్పయుత్తవారమ్పి విత్థారేతబ్బం.)

నహేతుపదం