౭. పఞ్హావారో

పచ్చయచతుక్కం

౫౩. ఉపాదిన్నుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స హేతుపచ్చయేన పచ్చయో. (౧)

అనుపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స హేతుపచ్చయేన పచ్చయో. (౧)

అనుపాదిన్నఅనుపాదానియో హేతు ధమ్మో అనుపాదిన్నఅనుపాదానియస్స హేతుస్స ధమ్మస్స హేతుపచ్చయేన పచ్చయో. (౧)

౫౪. ఉపాదిన్నుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స ఆరమ్మణపచ్చయేన పచ్చయో. ఉపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స ఆరమ్మణపచ్చయేన పచ్చయో. (౨)

అనుపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స ఆరమ్మణపచ్చయేన పచ్చయో. అనుపాదిన్నుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స ఆరమ్మణపచ్చయేన పచ్చయో. (౨)

అనుపాదిన్నఅనుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స ఆరమ్మణపచ్చయేన పచ్చయో. (౧)

౫౫. ఉపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స అధిపతిపచ్చయేన పచ్చయో. (౧)

అనుపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స అధిపతిపచ్చయేన పచ్చయో. (౧)

అనుపాదిన్నఅనుపాదానియో హేతు ధమ్మో అనుపాదిన్నఅనుపాదానియస్స హేతుస్స ధమ్మస్స అధిపతిపచ్చయేన పచ్చయో. అనుపాదిన్నఅనుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స అధిపతిపచ్చయేన పచ్చయో. (౧)

అనన్తర-ఉపనిస్సయపచ్చయా

౫౬. ఉపాదిన్నుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స అనన్తరపచ్చయేన పచ్చయో. (౧)

అనుపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స అనన్తరపచ్చయేన పచ్చయో… తీణి.

అనుపాదిన్నఅనుపాదానియో హేతు ధమ్మో అనుపాదిన్నఅనుపాదానియస్స హేతుస్స ధమ్మస్స అనన్తరపచ్చయేన పచ్చయో. అనుపాదిన్నఅనుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స అనన్తరపచ్చయేన పచ్చయో…పే…. (౨)

౫౭. ఉపాదిన్నుపాదానియో హేతు ధమ్మో ఉపాదిన్నుపాదానియస్స హేతుస్స ధమ్మస్స ఉపనిస్సయపచ్చయేన పచ్చయో. ఉపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స ఉపనిస్సయపచ్చయేన పచ్చయో. ఉపాదిన్నుపాదానియో హేతు ధమ్మో అనుపాదిన్నఅనుపాదానియస్స హేతుస్స ధమ్మస్స ఉపనిస్సయపచ్చయేన పచ్చయో. (౩)

అనుపాదిన్నుపాదానియో హేతు ధమ్మో అనుపాదిన్నుపాదానియస్స హేతుస్స ధమ్మస్స ఉపనిస్సయపచ్చయేన పచ్చయో… తీణి.

అనుపాదిన్నఅనుపాదానియో హేతు ధమ్మో అనుపాదిన్నఅనుపాదానియస్స హేతుస్స ధమ్మస్స ఉపనిస్సయపచ్చయేన పచ్చయో… తీణి (సంఖిత్తం).

౫౮. హేతుయా తీణి, ఆరమ్మణే పఞ్చ, అధిపతియా చత్తారి, అనన్తరే ఛ, సమనన్తరే ఛ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ, ఆసేవనే ద్వే, విపాకే ద్వే…పే… అవిగతే తీణి (సంఖిత్తం).

నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే పఞ్చ (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)

నహేతుపదపచ్చయచతుక్కం

౫౯. ఉపాదిన్నుపాదానియం నహేతుం ధమ్మం పటిచ్చ ఉపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. ఉపాదిన్నుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. ఉపాదిన్నుపాదానియం నహేతుం ధమ్మం పటిచ్చ ఉపాదిన్నుపాదానియో నహేతు చ అనుపాదిన్నుపాదానియో నహేతు చ ధమ్మా ఉప్పజ్జన్తి హేతుపచ్చయా. (౩)

అనుపాదిన్నుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. (౧)

అనుపాదిన్నఅనుపాదానియం నహేతుం ధమ్మం పటిచ్చ అనుపాదిన్నఅనుపాదానియో నహేతు ధమ్మో ఉప్పజ్జతి హేతుపచ్చయా. అనుపాదిన్నఅనుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. అనుపాదిన్నఅనుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు చ అనుపాదిన్నఅనుపాదానియో నహేతు చ ధమ్మా ఉప్పజ్జన్తి హేతుపచ్చయా. (౩)

ఉపాదిన్నుపాదానియం నహేతుఞ్చ అనుపాదిన్నుపాదానియం నహేతుఞ్చ ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. (౧)

అనుపాదిన్నుపాదానియం నహేతుఞ్చ అనుపాదిన్నఅనుపాదానియం నహేతుఞ్చ ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి హేతుపచ్చయా. (౧)

౬౦. ఉపాదిన్నుపాదానియం నహేతుం ధమ్మం పటిచ్చ ఉపాదిన్నుపాదానియో నహేతు ధమ్మో ఉప్పజ్జతి ఆరమ్మణపచ్చయా. (౧)

అనుపాదిన్నుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి ఆరమ్మణపచ్చయా. (౧)

అనుపాదిన్నఅనుపాదానియం నహేతుం ధమ్మం పటిచ్చ అనుపాదిన్నఅనుపాదానియో నహేతు ధమ్మో ఉప్పజ్జతి ఆరమ్మణపచ్చయా. (౧) (సంఖిత్తం.)

౬౧. హేతుయా నవ, ఆరమ్మణే తీణి, అధిపతియా పఞ్చ, అనన్తరే తీణి, సమనన్తరే తీణి, సహజాతే నవ, అఞ్ఞమఞ్ఞే తీణి, నిస్సయే నవ, ఉపనిస్సయే తీణి, పురేజాతే తీణి, ఆసేవనే ద్వే, కమ్మే నవ, విపాకే నవ…పే… అవిగతే నవ (సంఖిత్తం).

పచ్చనీయం – నహేతుపచ్చయో

౬౨. ఉపాదిన్నుపాదానియం నహేతుం ధమ్మం పటిచ్చ ఉపాదిన్నుపాదానియో నహేతు ధమ్మో ఉప్పజ్జతి నహేతుపచ్చయా… తీణి.

అనుపాదిన్నుపాదానియం నహేతుం ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి నహేతుపచ్చయా. (౧)

ఉపాదిన్నుపాదానియం నహేతుఞ్చ అనుపాదిన్నుపాదానియం నహేతుఞ్చ ధమ్మం పటిచ్చ అనుపాదిన్నుపాదానియో నహేతు ధమ్మో ఉప్పజ్జతి నహేతుపచ్చయా. (౧) (సంఖిత్తం.)

౬౩. నహేతుయా పఞ్చ, నఆరమ్మణే ఛ (సంఖిత్తం).

హేతుపచ్చయా నఆరమ్మణే ఛ (సంఖిత్తం).

నహేతుపచ్చయా ఆరమ్మణే ద్వే (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)