౭. పఞ్హావారో

పచ్చయచతుక్కం

౩౯. విపాకో హేతు ధమ్మో విపాకస్స హేతుస్స ధమ్మస్స హేతుపచ్చయేన పచ్చయో. (౧)

విపాకధమ్మధమ్మో హేతు ధమ్మో విపాకధమ్మధమ్మస్స హేతుస్స ధమ్మస్స హేతుపచ్చయేన పచ్చయో. (౧)

నేవవిపాకనవిపాకధమ్మధమ్మో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స హేతుపచ్చయేన పచ్చయో. (౧)

౪౦. విపాకో హేతు ధమ్మో విపాకస్స హేతుస్స ధమ్మస్స ఆరమ్మణపచ్చయేన పచ్చయో. విపాకో హేతు ధమ్మో విపాకధమ్మధమ్మస్స హేతుస్స ధమ్మస్స ఆరమ్మణపచ్చయేన పచ్చయో. విపాకో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స ఆరమ్మణపచ్చయేన పచ్చయో. (౩)

విపాకధమ్మధమ్మో హేతు ధమ్మో విపాకధమ్మధమ్మస్స హేతుస్స ధమ్మస్స ఆరమ్మణపచ్చయేన పచ్చయో. విపాకధమ్మధమ్మో హేతు ధమ్మో విపాకస్స హేతుస్స ధమ్మస్స ఆరమ్మణపచ్చయేన పచ్చయో. విపాకధమ్మధమ్మో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స ఆరమ్మణపచ్చయేన పచ్చయో. (౩)

నేవవిపాకనవిపాకధమ్మధమ్మో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స ఆరమ్మణపచ్చయేన పచ్చయో… తీణి.

౪౧. విపాకో హేతు ధమ్మో విపాకస్స హేతుస్స ధమ్మస్స అధిపతిపచ్చయేన పచ్చయో. విపాకో హేతు ధమ్మో విపాకధమ్మధమ్మస్స హేతుస్స ధమ్మస్స అధిపతిపచ్చయేన పచ్చయో. విపాకో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స అధిపతిపచ్చయేన పచ్చయో … తీణి.

విపాకధమ్మధమ్మో హేతు ధమ్మో విపాకధమ్మధమ్మస్స హేతుస్స ధమ్మస్స అధిపతిపచ్చయేన పచ్చయో… ద్వే.

నేవవిపాకనవిపాకధమ్మధమ్మో హేతు ధమ్మో నేవవిపాకనవిపాకధమ్మధమ్మస్స హేతుస్స ధమ్మస్స అధిపతిపచ్చయేన పచ్చయో. (౧) (సంఖిత్తం.)

౪౨. హేతుయా తీణి, ఆరమ్మణే నవ, అధిపతియా ఛ, అనన్తరే పఞ్చ, సమనన్తరే పఞ్చ, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ, ఆసేవనే ద్వే, విపాకే ఏకం…పే… అవిగతే తీణి (సంఖిత్తం).

నహేతుయా నవ, నఆరమ్మణే నవ (సంఖిత్తం).

హేతుపచ్చయా నఆరమ్మణే తీణి (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)

నహేతుపదపచ్చయచతుక్కం

౪౩. విపాకం నహేతుం ధమ్మం పటిచ్చ విపాకో నహేతు ధమ్మో ఉప్పజ్జతి హేతుపచ్చయా. విపాకం నహేతుం ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి హేతుపచ్చయా. విపాకం నహేతుం ధమ్మం పటిచ్చ విపాకో నహేతు చ నేవవిపాకనవిపాకధమ్మధమ్మో నహేతు చ ధమ్మా ఉప్పజ్జన్తి హేతుపచ్చయా. (౩)

విపాకధమ్మధమ్మం నహేతుం ధమ్మం పటిచ్చ విపాకధమ్మధమ్మో నహేతు ధమ్మో ఉప్పజ్జతి హేతుపచ్చయా. విపాకధమ్మధమ్మం నహేతుం ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి హేతుపచ్చయా. విపాకధమ్మధమ్మం నహేతుం ధమ్మం పటిచ్చ విపాకధమ్మధమ్మో నహేతు చ నేవవిపాకనవిపాకధమ్మధమ్మో నహేతు చ ధమ్మా ఉప్పజ్జన్తి హేతుపచ్చయా. (౩)

నేవవిపాకనవిపాకధమ్మధమ్మం నహేతుం ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి హేతుపచ్చయా… తీణి.

విపాకం నహేతుఞ్చ నేవవిపాకనవిపాకధమ్మధమ్మం నహేతుఞ్చ ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి హేతుపచ్చయా… తీణి.

విపాకధమ్మధమ్మం నహేతుఞ్చ నేవవిపాకనవిపాకధమ్మధమ్మం నహేతుఞ్చ ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి హేతుపచ్చయా (సంఖిత్తం).

౪౪. హేతుయా తేరస, ఆరమ్మణే పఞ్చ, అధిపతియా నవ, అనన్తరే పఞ్చ, సమనన్తరే పఞ్చ, సహజాతే తేరస, అఞ్ఞమఞ్ఞే సత్త, నిస్సయే తేరస, ఉపనిస్సయే పఞ్చ, పురేజాతే తీణి, ఆసేవనే ద్వే, కమ్మే తేరస, విపాకే నవ, ఆహారే తేరస…పే… సమ్పయుత్తే పఞ్చ…పే… అవిగతే తేరస (సంఖిత్తం).

నహేతు-నఆరమ్మణపచ్చయా

౪౫. విపాకం నహేతుం ధమ్మం పటిచ్చ విపాకో నహేతు ధమ్మో ఉప్పజ్జతి నహేతుపచ్చయా… నవ.

విపాకం నహేతుం ధమ్మం పటిచ్చ నేవవిపాకనవిపాకధమ్మధమ్మో నహేతు ధమ్మో ఉప్పజ్జతి నఆరమ్మణపచ్చయా (సంఖిత్తం).

౪౬. నహేతుయా నవ, నఆరమ్మణే పఞ్చ, నఅధిపతియా తేరస, నఅనన్తరే పఞ్చ, నసమనన్తరే పఞ్చ, నఅఞ్ఞమఞ్ఞే పఞ్చ, నఉపనిస్సయే పఞ్చ, నపురేజాతే ద్వాదస, నపచ్ఛాజాతే తేరస, నఆసేవనే తేరస, నకమ్మే ద్వే, నవిపాకే పఞ్చ, నవిప్పయుత్తే తీణి…పే… నోవిగతే పఞ్చ (సంఖిత్తం).

(సహజాతవారమ్పి…పే… సమ్పయుత్తవారమ్పి పటిచ్చవారసదిసం విత్థారేతబ్బం.)