౭. పఞ్హావారో

పచ్చయచతుక్కం

ఆరమ్మణపచ్చయాది

౩౨. సుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. సుఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. సుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

దుక్ఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. దుక్ఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. దుక్ఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

అదుక్ఖమసుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. అదుక్ఖమసుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. అదుక్ఖమసుఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స ఆరమ్మణపచ్చయేన పచ్చయో. (౩)

౩౩. సుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స అధిపతిపచ్చయేన పచ్చయో. సుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స అధిపతిపచ్చయేన పచ్చయో. (౨)

దుక్ఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స అధిపతిపచ్చయేన పచ్చయో. (౧)

అదుక్ఖమసుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స అధిపతిపచ్చయేన పచ్చయో. అదుక్ఖమసుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స అధిపతిపచ్చయేన పచ్చయో. (౨)

అనన్తర-ఉపనిస్సయపచ్చయా

౩౪. సుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స అనన్తరపచ్చయేన పచ్చయో… ద్వే.

దుక్ఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స అనన్తరపచ్చయేన పచ్చయో… ద్వే.

అదుక్ఖమసుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స అనన్తరపచ్చయేన పచ్చయో… తీణి…పే….

౩౫. సుఖాయ వేదనాయ సమ్పయుత్తో నహేతు ధమ్మో సుఖాయ వేదనాయ సమ్పయుత్తస్స నహేతుస్స ధమ్మస్స ఉపనిస్సయపచ్చయేన పచ్చయో… తీణి.

దుక్ఖాయ వేదనాయ సమ్పయుత్తో నహేతు ధమ్మో దుక్ఖాయ వేదనాయ సమ్పయుత్తస్స నహేతుస్స ధమ్మస్స ఉపనిస్సయపచ్చయేన పచ్చయో… తీణి.

అదుక్ఖమసుఖాయ వేదనాయ సమ్పయుత్తో నహేతు ధమ్మో అదుక్ఖమసుఖాయ వేదనాయ సమ్పయుత్తస్స నహేతుస్స ధమ్మస్స ఉపనిస్సయపచ్చయేన పచ్చయో… తీణి (సంఖిత్తం).

౩౬. ఆరమ్మణే నవ, అధిపతియా పఞ్చ, అనన్తరే సత్త, సమనన్తరే సత్త, సహజాతే తీణి, అఞ్ఞమఞ్ఞే తీణి, నిస్సయే తీణి, ఉపనిస్సయే నవ, ఆసేవనే తీణి, కమ్మే అట్ఠ, విపాకే తీణి, ఆహారే తీణి, ఇన్ద్రియే తీణి, ఝానే తీణి, మగ్గే తీణి, సమ్పయుత్తే తీణి, అత్థియా తీణి, నత్థియా సత్త, విగతే సత్త, అవిగతే తీణి (సంఖిత్తం).

నహేతుయా నవ, నఆరమ్మణే నవ (సంఖిత్తం).

ఆరమ్మణపచ్చయా నహేతుయా నవ (సంఖిత్తం).

నహేతుపచ్చయా ఆరమ్మణే నవ (సంఖిత్తం).

(యథా కుసలత్తికే పఞ్హావారం, ఏవం విత్థారేతబ్బం.)