౧-౭. పటిచ్చవారాది

పచ్చయచతుక్కం

౯౪. నియతం కుసలం ధమ్మం పటిచ్చ నియతో కుసలో ధమ్మో ఉప్పజ్జతి హేతుపచ్చయా. (౧)

అనియతం కుసలం ధమ్మం పటిచ్చ అనియతో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౯౫. హేతుయా ద్వే, ఆరమ్మణే ద్వే…పే… అవిగతే ద్వే (సంఖిత్తం. లోకియదుకకుసలసదిసం. సహజాతవారమ్పి…పే… పఞ్హావారమ్పి విత్థారేతబ్బం).

౯౬. నియతం అకుసలం ధమ్మం పటిచ్చ నియతో అకుసలో ధమ్మో ఉప్పజ్జతి హేతుపచ్చయా. (౧)

అనియతం అకుసలం ధమ్మం పటిచ్చ అనియతో అకుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౯౭. హేతుయా ద్వే, ఆరమ్మణే ద్వే (సబ్బత్థ ద్వే), అవిగతే ద్వే (సంఖిత్తం).

నహేతుయా ఏకం, నఅధిపతియా ద్వే, నపురేజాతే ఏకం…పే… నకమ్మే ద్వే…పే… నవిప్పయుత్తే ఏకం (సంఖిత్తం. సహజాతవారాది విత్థారేతబ్బో).

౯౮. నియతో అకుసలో ధమ్మో నియతస్స అకుసలస్స ధమ్మస్స హేతుపచ్చయేన పచ్చయో. (౧)

అనియతో అకుసలో ధమ్మో అనియతస్స అకుసలస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౯౯. హేతుయా ద్వే, ఆరమ్మణే తీణి, అధిపతియా ద్వే (నియతే సహజాతాధిపతి, దుతియే ఆరమ్మణాధిపతి సహజాతాధిపతి), అనన్తరే ద్వే…పే… నిస్సయే ద్వే, ఉపనిస్సయే తీణి, ఆసేవనే ద్వే, కమ్మే ద్వే…పే… అవిగతే ద్వే (సంఖిత్తం).

౧౦౦. అనియతం అబ్యాకతం ధమ్మం పటిచ్చ అనియతో అబ్యాకతో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం. సహజాతవారేపి…పే… పఞ్హావారేపి సబ్బత్థ ఏకం).