౧-౭. పటిచ్చవారాది
పచ్చయచతుక్కం
౬౨. కామావచరం కుసలం ధమ్మం పటిచ్చ కామావచరో కుసలో ధమ్మో ఉప్పజ్జతి హేతుపచ్చయా. (౧)
నకామావచరం కుసలం ధమ్మం పటిచ్చ నకామావచరో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)
౬౩. హేతుయా ద్వే, ఆరమ్మణే ద్వే (సబ్బత్థ ద్వే), అవిగతే ద్వే (సంఖిత్తం).
నఅధిపతియా ద్వే…పే… నవిప్పయుత్తే ద్వే. (సంఖిత్తం.)
(సహజాతవారాది విత్థారేతబ్బో.)
౬౪. కామావచరో కుసలో ధమ్మో కామావచరస్స కుసలస్స ధమ్మస్స హేతుపచ్చయేన పచ్చయో. (౧)
నకామావచరో కుసలో ధమ్మో నకామావచరస్స కుసలస్స ధమ్మస్స హేతుపచ్చయేన పచ్చయో. (౧) (సంఖిత్తం.)
౬౫. హేతుయా ద్వే, ఆరమ్మణే చత్తారి, అధిపతియా తీణి (కామావచరే ఏకం, నకామావచరే ద్వే), అనన్తరే తీణి (కామావచరే ద్వే, నకామావచరే ఏకం)…పే… సహజాతే ద్వే …పే… ఉపనిస్సయే చత్తారి, ఆసేవనే తీణి, కమ్మే ద్వే, ఆహారే ద్వే…పే… నత్థియా తీణి…పే… అవిగతే ద్వే (సంఖిత్తం).
౬౬. కామావచరం అకుసలం ధమ్మం పటిచ్చ కామావచరో అకుసలో ధమ్మో ఉప్పజ్జతి హేతుపచ్చయా (సంఖిత్తం).
హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).
(సహజాతవారేపి…పే… పఞ్హావారేపి సబ్బత్థ ఏకం.)
౬౭. కామావచరం అబ్యాకతం ధమ్మం పటిచ్చ కామావచరో అబ్యాకతో ధమ్మో ఉప్పజ్జతి హేతుపచ్చయా… తీణి.
నకామావచరం అబ్యాకతం ధమ్మం పటిచ్చ నకామావచరో అబ్యాకతో ధమ్మో ఉప్పజ్జతి హేతుపచ్చయా… తీణి.
కామావచరం అబ్యాకతఞ్చ నకామావచరం అబ్యాకతఞ్చ ధమ్మం పటిచ్చ కామావచరో అబ్యాకతో ధమ్మో ఉప్పజ్జతి హేతుపచ్చయా… తీణి (సంఖిత్తం).
౬౮. హేతుయా నవ, ఆరమ్మణే చత్తారి, అధిపతియా పఞ్చ…పే… అఞ్ఞమఞ్ఞే ఛ…పే… పురేజాతే ద్వే, ఆసేవనే ద్వే…పే… అవిగతే నవ (సంఖిత్తం).
నహేతుయా ఏకం, నఆరమ్మణే తీణి, నఅధిపతియా నవ…పే… నకమ్మే ద్వే, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ఏకం, నమగ్గే ఏకం, నసమ్పయుత్తే తీణి, నవిప్పయుత్తే ద్వే, నోనత్థియా తీణి, నోవిగతే తీణి (సంఖిత్తం. సహజాతవారాది విత్థారేతబ్బో).
౬౯. కామావచరో అబ్యాకతో ధమ్మో కామావచరస్స అబ్యాకతస్స ధమ్మస్స హేతుపచ్చయేన పచ్చయో. (౧)
నకామావచరో అబ్యాకతో ధమ్మో నకామావచరస్స అబ్యాకతస్స ధమ్మస్స హేతుపచ్చయేన పచ్చయో… తీణి (సంఖిత్తం).
౭౦. హేతుయా చత్తారి, ఆరమ్మణే చత్తారి, అధిపతియా చత్తారి (కామావచరే ఏకం, నకామావచరే తీణి, కామావచరే సహజాతాధిపతియేవ), అనన్తరే చత్తారి, సమనన్తరే చత్తారి, సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే చత్తారి, పురేజాతే ద్వే, పచ్ఛాజాతే ద్వే, ఆసేవనే తీణి, కమ్మే చత్తారి, విపాకే చత్తారి, ఆహారే చత్తారి…పే… సమ్పయుత్తే ద్వే, విప్పయుత్తే తీణి, అత్థియా సత్త, నత్థియా చత్తారి…పే… అవిగతే సత్త (సంఖిత్తం).