౧-౭. పటిచ్చవారాది

పచ్చయచతుక్కం

౧. నదస్సనేన పహాతబ్బం కుసలం ధమ్మం పటిచ్చ నదస్సనేన పహాతబ్బో కుసలో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం, అధిపతియా ఏకం…పే… అవిగతే ఏకం (సంఖిత్తం. సహజాతవారేపి…పే… పఞ్హావారేపి సబ్బత్థ ఏకం).

౨. దస్సనేన పహాతబ్బం అకుసలం ధమ్మం పటిచ్చ దస్సనేన పహాతబ్బో అకుసలో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ద్వే, ఆరమ్మణే ద్వే, అధిపతియా ద్వే…పే… అవిగతే ద్వే (సంఖిత్తం).

౩. దస్సనేన పహాతబ్బం అకుసలం ధమ్మం పటిచ్చ దస్సనేన పహాతబ్బో అకుసలో ధమ్మో ఉప్పజ్జతి నహేతుపచ్చయా – విచికిచ్ఛాసహగతే ఖన్ధే పటిచ్చ విచికిచ్ఛాసహగతో మోహో. (౧)

నదస్సనేన పహాతబ్బం అకుసలం ధమ్మం పటిచ్చ నదస్సనేన పహాతబ్బో అకుసలో ధమ్మో ఉప్పజ్జతి నహేతుపచ్చయా. (౧) (సంఖిత్తం.)

౪. నహేతుయా ద్వే, నఅధిపతియా ద్వే, నపురేజాతే ద్వే…పే… నకమ్మే ద్వే, నవిపాకే ద్వే, నవిప్పయుత్తే ద్వే (సంఖిత్తం. సహజాతవారేపి…పే… సమ్పయుత్తవారేపి సబ్బత్థ విత్థారేతబ్బం).

౫. దస్సనేన పహాతబ్బో అకుసలో ధమ్మో దస్సనేన పహాతబ్బస్స అకుసలస్స ధమ్మస్స హేతుపచ్చయేన పచ్చయో. (౧)

నదస్సనేన పహాతబ్బో అకుసలో ధమ్మో నదస్సనేన పహాతబ్బస్స అకుసలస్స ధమ్మస్స హేతుపచ్చయేన పచ్చయో. (౧) (సంఖిత్తం.)

౬. హేతుయా ద్వే, ఆరమ్మణే తీణి (దస్సనే ఏకం, నదస్సనే ద్వే), అధిపతియా తీణి (దస్సనేన పహాతబ్బమూలకం ఏకం, నదస్సనే ద్వే, ఆరమ్మణాధిపతి, సహజాతాధిపతి, ఏకారమ్మణాధిపతి), అనన్తరే ద్వే (దస్సనమూలకం ఏకం, నదస్సనే ఏకం), సమనన్తరే ద్వే, సహజాతే ద్వే…పే… ఉపనిస్సయే తీణి, ఆసేవనే ద్వే, కమ్మే ద్వే, ఆహారే ద్వే…పే… సమ్పయుత్తే ద్వే, అత్థియా ద్వే, నత్థియా ద్వే…పే… అవిగతే ద్వే (సంఖిత్తం).

౭. నదస్సనేన పహాతబ్బం అబ్యాకతం ధమ్మం పటిచ్చ నదస్సనేన పహాతబ్బో అబ్యాకతో ధమ్మో ఉప్పజ్జతి హేతుపచ్చయా (సంఖిత్తం).

హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).

(సహజాతవారేపి …పే… పఞ్హావారేపి సబ్బత్థ ఏకం.)