౧-౭. పటిచ్చవారాది
పచ్చయచతుక్కం
హేతుపచ్చయో
౨౯. చిత్తసమ్పయుత్తం కుసలం ధమ్మం పటిచ్చ చిత్తసమ్పయుత్తో కుసలో ధమ్మో ఉప్పజ్జతి హేతుపచ్చయా (సంఖిత్తం).
౩౦. హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం).
(సహజాతవారేపి…పే… పఞ్హావారేపి సబ్బత్థ ఏకం.)
౩౧. చిత్తసమ్పయుత్తం అకుసలం ధమ్మం పటిచ్చ చిత్తసమ్పయుత్తో అకుసలో ధమ్మో ఉప్పజ్జతి హేతుపచ్చయా (సంఖిత్తం).
౩౨. హేతుయా ఏకం, ఆరమ్మణే ఏకం…పే… అవిగతే ఏకం (సంఖిత్తం). (సహజాతవారేపి…పే… పఞ్హావారేపి సబ్బత్థ ఏకం.)
అబ్యాకతపదం – హేతుపచ్చయో
౩౩. చిత్తసమ్పయుత్తం అబ్యాకతం ధమ్మం పటిచ్చ చిత్తసమ్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తసమ్పయుత్తం అబ్యాకతం ధమ్మం పటిచ్చ చిత్తవిప్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తసమ్పయుత్తం అబ్యాకతం ధమ్మం పటిచ్చ చిత్తసమ్పయుత్తో అబ్యాకతో చ చిత్తవిప్పయుత్తో అబ్యాకతో చ ధమ్మా ఉప్పజ్జన్తి హేతుపచ్చయా. (౩)
చిత్తవిప్పయుత్తం అబ్యాకతం ధమ్మం పటిచ్చ చిత్తవిప్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తవిప్పయుత్తం అబ్యాకతం ధమ్మం పటిచ్చ చిత్తసమ్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తవిప్పయుత్తం అబ్యాకతం ధమ్మం పటిచ్చ చిత్తసమ్పయుత్తో అబ్యాకతో చ చిత్తవిప్పయుత్తో అబ్యాకతో చ ధమ్మా ఉప్పజ్జన్తి హేతుపచ్చయా. (౩)
చిత్తసమ్పయుత్తం అబ్యాకతఞ్చ చిత్తవిప్పయుత్తం అబ్యాకతఞ్చ ధమ్మం పటిచ్చ చిత్తసమ్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తసమ్పయుత్తం అబ్యాకతఞ్చ చిత్తవిప్పయుత్తం అబ్యాకతఞ్చ ధమ్మం పటిచ్చ చిత్తవిప్పయుత్తో అబ్యాకతో ధమ్మో ఉప్పజ్జతి హేతుపచ్చయా. చిత్తసమ్పయుత్తం అబ్యాకతఞ్చ చిత్తవిప్పయుత్తం అబ్యాకతఞ్చ ధమ్మం పటిచ్చ చిత్తసమ్పయుత్తో అబ్యాకతో చ చిత్తవిప్పయుత్తో అబ్యాకతో చ ధమ్మా ఉప్పజ్జన్తి హేతుపచ్చయా. (౩) (సంఖిత్తం.)
౩౪. హేతుయా నవ, ఆరమ్మణే తీణి, అధిపతియా పఞ్చ…పే… అఞ్ఞమఞ్ఞే ఛ…పే… పురేజాతే ఏకం, ఆసేవనే ఏకం, కమ్మే నవ, విపాకే నవ…పే… అవిగతే నవ (సంఖిత్తం).
నహేతుయా నవ, నఆరమ్మణే తీణి, నఅధిపతియా నవ…పే… నపురేజాతే నవ…పే… నకమ్మే ద్వే, నవిపాకే పఞ్చ, నఆహారే ఏకం, నఇన్ద్రియే ఏకం, నఝానే ద్వే, నమగ్గే నవ, నసమ్పయుత్తే తీణి, నవిప్పయుత్తే ద్వే (సంఖిత్తం, సహజాతవారాది విత్థారేతబ్బో).
హేతు-ఆరమ్మణపచ్చయా
౩౫. చిత్తసమ్పయుత్తో అబ్యాకతో ధమ్మో చిత్తసమ్పయుత్తస్స అబ్యాకతస్స ధమ్మస్స హేతుపచ్చయేన పచ్చయో… తీణి.
చిత్తసమ్పయుత్తో అబ్యాకతో ధమ్మో చిత్తసమ్పయుత్తస్స అబ్యాకతస్స ధమ్మస్స ఆరమ్మణపచ్చయేన పచ్చయో. (౧)
చిత్తవిప్పయుత్తో అబ్యాకతో ధమ్మో చిత్తసమ్పయుత్తస్స అబ్యాకతస్స ధమ్మస్స ఆరమ్మణపచ్చయేన పచ్చయో. (౧) (సంఖిత్తం.)
౩౬. హేతుయా తీణి, ఆరమ్మణే ద్వే, అధిపతియా చత్తారి, అనన్తరే ఏకం…పే… సహజాతే సత్త, అఞ్ఞమఞ్ఞే ఛ, నిస్సయే సత్త, ఉపనిస్సయే ద్వే, పురేజాతే ఏకం, పచ్ఛాజాతే ఏకం, ఆసేవనే ఏకం, కమ్మే తీణి, విపాకే తీణి, ఆహారే చత్తారి, ఇన్ద్రియే ఛ, ఝానే తీణి, మగ్గే తీణి, సమ్పయుత్తే ఏకం, విప్పయుత్తే ద్వే (సంఖిత్తం).