౧-౭. పటిచ్చవారాది

పచ్చయచతుక్కం

హేతుపచ్చయో

౭౯. చిత్తసంసట్ఠసముట్ఠానానుపరివత్తిం కుసలం ధమ్మం పటిచ్చ చిత్తసంసట్ఠసముట్ఠానానుపరివత్తీ కుసలో ధమ్మో ఉప్పజ్జతి హేతుపచ్చయా… తీణి.

నోచిత్తసంసట్ఠసముట్ఠానానుపరివత్తిం కుసలం ధమ్మం పటిచ్చ చిత్తసంసట్ఠసముట్ఠానానుపరివత్తీ కుసలో ధమ్మో ఉప్పజ్జతి హేతుపచ్చయా. (౧)

చిత్తసంసట్ఠసముట్ఠానానుపరివత్తిం కుసలఞ్చ నోచిత్తసంసట్ఠసముట్ఠానానుపరివత్తిం కుసలఞ్చ ధమ్మం పటిచ్చ చిత్తసంసట్ఠసముట్ఠానానుపరివత్తీ కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౮౦. హేతుయా పఞ్చ, ఆరమ్మణే పఞ్చ…పే… అవిగతే పఞ్చ (సంఖిత్తం).

(సహజాతవారమ్పి…పే… పఞ్హావారమ్పి విత్థారేతబ్బం.)

౮౧. చిత్తసంసట్ఠసముట్ఠానానుపరివత్తిం అకుసలం ధమ్మం పటిచ్చ చిత్తసంసట్ఠసముట్ఠానానుపరివత్తీ అకుసలో ధమ్మో ఉప్పజ్జతి హేతుపచ్చయా (సంఖిత్తం).

౮౨. హేతుయా పఞ్చ, ఆరమ్మణే పఞ్చ…పే… అవిగతే పఞ్చ (సంఖిత్తం).

(సహజాతవారమ్పి…పే… పఞ్హావారమ్పి విత్థారేతబ్బం.)

౮౩. చిత్తసంసట్ఠసముట్ఠానానుపరివత్తిం అబ్యాకతం ధమ్మం పటిచ్చ చిత్తసంసట్ఠసముట్ఠానానుపరివత్తీ అబ్యాకతో ధమ్మో ఉప్పజ్జతి హేతుపచ్చయా (సంఖిత్తం).

హేతుయా నవ, ఆరమ్మణే నవ…పే… అవిగతే నవ. (సంఖిత్తం. చిత్తసంసట్ఠసముట్ఠానదుకఅబ్యాకతసదిసం. సహజాతవారమ్పి…పే… పఞ్హావారమ్పి విత్థారేతబ్బం.)