౧-౭. పటిచ్చవారాది

పచ్చయచతుక్కం

హేతుపచ్చయో

౪౩. చిత్తసముట్ఠానం కుసలం ధమ్మం పటిచ్చ చిత్తసముట్ఠానో కుసలో ధమ్మో ఉప్పజ్జతి హేతుపచ్చయా. చిత్తసముట్ఠానం కుసలం ధమ్మం పటిచ్చ నోచిత్తసముట్ఠానో కుసలో ధమ్మో ఉప్పజ్జతి హేతుపచ్చయా. చిత్తసముట్ఠానం కుసలం ధమ్మం పటిచ్చ చిత్తసముట్ఠానో కుసలో చ నోచిత్తసముట్ఠానో కుసలో చ ధమ్మా ఉప్పజ్జన్తి హేతుపచ్చయా. (౩)

నోచిత్తసముట్ఠానం కుసలం ధమ్మం పటిచ్చ చిత్తసముట్ఠానో కుసలో ధమ్మో ఉప్పజ్జతి హేతుపచ్చయా. (౧)

చిత్తసముట్ఠానం కుసలఞ్చ నోచిత్తసముట్ఠానం కుసలఞ్చ ధమ్మం పటిచ్చ చిత్తసముట్ఠానో కుసలో ధమ్మో ఉప్పజ్జతి హేతుపచ్చయా. (౧) (సంఖిత్తం.)

౪౪. హేతుయా పఞ్చ, ఆరమ్మణే పఞ్చ (సబ్బత్థ పఞ్చ), అవిగతే పఞ్చ (సంఖిత్తం).

నఅధిపతియా పఞ్చ, నపురేజాతే పఞ్చ…పే… నకమ్మే తీణి, నవిపాకే పఞ్చ…పే… నవిప్పయుత్తే పఞ్చ (సంఖిత్తం, సహజాతవారాది విత్థారేతబ్బో).

౪౫. చిత్తసముట్ఠానో కుసలో ధమ్మో చిత్తసముట్ఠానస్స కుసలస్స ధమ్మస్స హేతుపచ్చయేన పచ్చయో (సంఖిత్తం).

౪౬. హేతుయా తీణి, ఆరమ్మణే నవ, అధిపతియా నవ, అనన్తరే నవ, సమనన్తరే నవ, సహజాతే పఞ్చ…పే… ఉపనిస్సయే నవ, ఆసేవనే నవ, కమ్మే తీణి, ఆహారే పఞ్చ, ఇన్ద్రియే పఞ్చ, ఝానే తీణి, మగ్గే తీణి, సమ్పయుత్తే పఞ్చ, అత్థియా పఞ్చ…పే… అవిగతే పఞ్చ (సంఖిత్తం).

౪౭. చిత్తసముట్ఠానం అకుసలం ధమ్మం పటిచ్చ చిత్తసముట్ఠానో అకుసలో ధమ్మో ఉప్పజ్జతి హేతుపచ్చయా… తీణి.

నోచిత్తసముట్ఠానం అకుసలం ధమ్మం పటిచ్చ చిత్తసముట్ఠానో అకుసలో ధమ్మో ఉప్పజ్జతి హేతుపచ్చయా. (౧)

చిత్తసముట్ఠానం అకుసలఞ్చ నోచిత్తసముట్ఠానం అకుసలఞ్చ ధమ్మం పటిచ్చ చిత్తసముట్ఠానో అకుసలో ధమ్మో ఉప్పజ్జతి హేతుపచ్చయా. (౧) (సంఖిత్తం).

౪౮. హేతుయా పఞ్చ, ఆరమ్మణే పఞ్చ…పే… అవిగతే పఞ్చ (సంఖిత్తం).

(కుసలత్తికసదిసం సహజాతవారమ్పి …పే… పఞ్హావారమ్పి విత్థారేతబ్బం.)

౪౯. చిత్తసముట్ఠానం అబ్యాకతం ధమ్మం పటిచ్చ చిత్తసముట్ఠానో అబ్యాకతో ధమ్మో ఉప్పజ్జతి హేతుపచ్చయా… తీణి.

నోచిత్తసముట్ఠానం అబ్యాకతం ధమ్మం పటిచ్చ నోచిత్తసముట్ఠానో అబ్యాకతో ధమ్మో ఉప్పజ్జతి హేతుపచ్చయా… తీణి.

చిత్తసముట్ఠానం అబ్యాకతఞ్చ నోచిత్తసముట్ఠానం అబ్యాకతఞ్చ ధమ్మం పటిచ్చ చిత్తసముట్ఠానో అబ్యాకతో ధమ్మో ఉప్పజ్జతి హేతుపచ్చయా… తీణి (సంఖిత్తం).

౫౦. హేతుయా నవ, ఆరమ్మణే నవ, అధిపతియా పఞ్చ (సబ్బత్థ నవ), పురేజాతే పఞ్చ, ఆసేవనే పఞ్చ…పే… అవిగతే నవ (సంఖిత్తం).

నహేతుయా నవ, నఆరమ్మణే ఛ, నఅధిపతియా నవ…పే… నకమ్మే తీణి, నవిపాకే ఛ, నఆహారే ఏకం, నఇన్ద్రియే ఏకం, నఝానే ఛ, నమగ్గే నవ, నసమ్పయుత్తే ఛ, నవిప్పయుత్తే ఛ, నోనత్థియా ఛ, నోవిగతే ఛ (సంఖిత్తం).

(సహజాతవారమ్పి…పే… సమ్పయుత్తవారమ్పి విత్థారేతబ్బం.)

౫౧. చిత్తసముట్ఠానో అబ్యాకతో ధమ్మో చిత్తసముట్ఠానస్స అబ్యాకతస్స ధమ్మస్స హేతుపచ్చయేన పచ్చయో… తీణి.

చిత్తసముట్ఠానో అబ్యాకతో ధమ్మో చిత్తసముట్ఠానస్స అబ్యాకతస్స ధమ్మస్స ఆరమ్మణపచ్చయేన పచ్చయో (సంఖిత్తం).

౫౨. హేతుయా తీణి, ఆరమ్మణే నవ, అధిపతియా నవ, అనన్తరే నవ (సబ్బత్థ నవ), పురేజాతే నవ, పచ్ఛాజాతే నవ, ఆసేవనే నవ, కమ్మే తీణి, విపాకే నవ, ఆహారే నవ (చిత్తసముట్ఠానమూలం నోచిత్తసముట్ఠానస్స కబళీకారో ఆహారో కాతబ్బో. నోచిత్తసముట్ఠానో చిత్తసముట్ఠానస్స కబళీకారో ఆహారో ఘటనే మజ్ఝే కబళీకారో ఆహారో), ఇన్ద్రియే నవ (రూపజీవితిన్ద్రియం ఏకం), ఝానే తీణి, మగ్గే తీణి, సమ్పయుత్తే పఞ్చ, విప్పయుత్తే నవ, అత్థియా నవ, నత్థియా నవ, విగతే నవ, అవిగతే నవ (సంఖిత్తం).

(యథా కుసలత్తికే పఞ్హావారస్స అనులోమమ్పి పచ్చనీయమ్పి అనులోమపచ్చనీయమ్పి పచ్చనీయానులోమమ్పి గణితం, ఏవం గణేతబ్బం.)