౧-౪. పచ్చయచతుక్కం
హేతుపచ్చయో
౧౦౭. గన్థఞ్చేవ గన్థసమ్పయుత్తఞ్చ ధమ్మం పటిచ్చ గన్థో చేవ గన్థసమ్పయుత్తో చ ధమ్మో ఉప్పజ్జతి హేతుపచ్చయా – సీలబ్బతపరామాసం కాయగన్థం పటిచ్చ అభిజ్ఝాకాయగన్థో, అభిజ్ఝాకాయగన్థం పటిచ్చ సీలబ్బతపరామాసో కాయగన్థో, ఇదంసచ్చాభినివేసకాయగన్థం పటిచ్చ అభిజ్ఝాకాయగన్థో, అభిజ్ఝాకాయగన్థం పటిచ్చ ఇదంసచ్చాభినివేసో కాయగన్థో. (౧)
గన్థఞ్చేవ గన్థసమ్పయుత్తఞ్చ ధమ్మం పటిచ్చ గన్థసమ్పయుత్తో చేవ నో చ గన్థో ధమ్మో ఉప్పజ్జతి హేతుపచ్చయా – గన్థే పటిచ్చ సమ్పయుత్తకా ఖన్ధా. (౨)
గన్థఞ్చేవ గన్థసమ్పయుత్తఞ్చ ధమ్మం పటిచ్చ గన్థో చేవ గన్థసమ్పయుత్తో చ గన్థసమ్పయుత్తో చేవ నో చ గన్థో చ ధమ్మా ఉప్పజ్జన్తి హేతుపచ్చయా – సీలబ్బతపరామాసం కాయగన్థం పటిచ్చ అభిజ్ఝాకాయగన్థో సమ్పయుత్తకా చ ఖన్ధా (చక్కం). (౩)
౧౦౮. గన్థసమ్పయుత్తఞ్చేవ నో చ గన్థం ధమ్మం పటిచ్చ గన్థసమ్పయుత్తో చేవ నో చ గన్థో ధమ్మో ఉప్పజ్జతి హేతుపచ్చయా – గన్థసమ్పయుత్తఞ్చేవ నో చ గన్థం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)
గన్థసమ్పయుత్తఞ్చేవ నో చ గన్థం ధమ్మం పటిచ్చ గన్థో చేవ గన్థసమ్పయుత్తో చ ధమ్మో ఉప్పజ్జతి హేతుపచ్చయా – గన్థసమ్పయుత్తే చేవ నో చ గన్థే ఖన్ధే పటిచ్చ గన్థా. (౨)
గన్థసమ్పయుత్తఞ్చేవ నో చ గన్థం ధమ్మం పటిచ్చ గన్థో చేవ గన్థసమ్పయుత్తో చ గన్థసమ్పయుత్తో చేవ నో చ గన్థో చ ధమ్మా ఉప్పజ్జన్తి హేతుపచ్చయా – గన్థసమ్పయుత్తఞ్చేవ నో చ గన్థం ఏకం ఖన్ధం పటిచ్చ తయో ఖన్ధా గన్థా చ…పే… ద్వే ఖన్ధే…పే…. (౩)
౧౦౯. గన్థఞ్చేవ గన్థసమ్పయుత్తఞ్చ గన్థసమ్పయుత్తఞ్చేవ నో చ గన్థఞ్చ ధమ్మం పటిచ్చ గన్థో చేవ గన్థసమ్పయుత్తో చ ధమ్మో ఉప్పజ్జతి హేతుపచ్చయా – గన్థే చ సమ్పయుత్తకే చ ఖన్ధే పటిచ్చ గన్థా. (౧)
గన్థఞ్చేవ గన్థసమ్పయుత్తఞ్చ గన్థసమ్పయుత్తఞ్చేవ నో చ గన్థఞ్చ ధమ్మం పటిచ్చ గన్థసమ్పయుత్తో చేవ నో చ గన్థో ధమ్మో ఉప్పజ్జతి హేతుపచ్చయా – గన్థసమ్పయుత్తఞ్చేవ నో చ గన్థం ఏకం ఖన్ధఞ్చ గన్థే చ పటిచ్చ తయో ఖన్ధా…పే… ద్వే ఖన్ధే చ…పే…. (౨)
గన్థఞ్చేవ గన్థసమ్పయుత్తఞ్చ గన్థసమ్పయుత్తఞ్చేవ నో చ గన్థఞ్చ ధమ్మం పటిచ్చ గన్థో చేవ గన్థసమ్పయుత్తో చ గన్థసమ్పయుత్తో చేవ నో చ గన్థో చ ధమ్మా ఉప్పజ్జన్తి హేతుపచ్చయా – గన్థసమ్పయుత్తఞ్చేవ నో చ గన్థం ఏకం ఖన్ధఞ్చ సీలబ్బతపరామాసం కాయగన్థఞ్చ పటిచ్చ తయో ఖన్ధా అభిజ్ఝాకాయగన్థో చ…పే… ద్వే ఖన్ధే చ…పే… (చక్కం బన్ధితబ్బం. సంఖిత్తం). (౩)
౧౧౦. హేతుయా నవ, ఆరమ్మణే నవ (సబ్బత్థ నవ), కమ్మే నవ, ఆహారే నవ…పే… అవిగతే నవ.
అనులోమం.