౧. విభఙ్గవారో

హేతుపచ్చయో

౬౨. గన్థసమ్పయుత్తం ధమ్మం సంసట్ఠో గన్థసమ్పయుత్తో ధమ్మో ఉప్పజ్జతి హేతుపచ్చయా – గన్థసమ్పయుత్తం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే…. (౧)

గన్థసమ్పయుత్తం ధమ్మం సంసట్ఠో గన్థవిప్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తలోభసహగతే ఖన్ధే సంసట్ఠో లోభో, దోమనస్ససహగతే ఖన్ధే సంసట్ఠం పటిఘం. (౨)

గన్థసమ్పయుత్తం ధమ్మం సంసట్ఠో గన్థసమ్పయుత్తో చ గన్థవిప్పయుత్తో చ ధమ్మా ఉప్పజ్జన్తి హేతుపచ్చయా – దిట్ఠిగతవిప్పయుత్తలోభసహగతం ఏకం ఖన్ధం సంసట్ఠా తయో ఖన్ధా లోభో చ…పే… ద్వే ఖన్ధే…పే… దోమనస్ససహగతం ఏకం ఖన్ధం సంసట్ఠా తయో ఖన్ధా పటిఘఞ్చ…పే… ద్వే ఖన్ధే…పే…. (౩)

౬౩. గన్థవిప్పయుత్తం ధమ్మం సంసట్ఠో గన్థవిప్పయుత్తో ధమ్మో ఉప్పజ్జతి హేతుపచ్చయా – గన్థవిప్పయుత్తం ఏకం ఖన్ధం సంసట్ఠా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే…. (౧)

గన్థవిప్పయుత్తం ధమ్మం సంసట్ఠో గన్థసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తం లోభం సంసట్ఠా సమ్పయుత్తకా ఖన్ధా, పటిఘం సంసట్ఠా సమ్పయుత్తకా ఖన్ధా. (౨)

గన్థసమ్పయుత్తఞ్చ గన్థవిప్పయుత్తఞ్చ ధమ్మం సంసట్ఠో గన్థసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తం లోభసహగతం ఏకం ఖన్ధఞ్చ లోభఞ్చ సంసట్ఠా తయో ఖన్ధా…పే… ద్వే ఖన్ధే…పే… దోమనస్ససహగతం ఏకం ఖన్ధఞ్చ పటిఘఞ్చ సంసట్ఠా తయో ఖన్ధా…పే… ద్వే ఖన్ధే…పే… (సంఖిత్తం).