౧. విభఙ్గవారో

హేతుపచ్చయో

౪౫. గన్థసమ్పయుత్తం ధమ్మం పటిచ్చ గన్థసమ్పయుత్తో ధమ్మో ఉప్పజ్జతి హేతుపచ్చయా – గన్థసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

గన్థసమ్పయుత్తం ధమ్మం పటిచ్చ గన్థవిప్పయుత్తో ధమ్మో ఉప్పజ్జతి హేతుపచ్చయా – గన్థసమ్పయుత్తే ఖన్ధే పటిచ్చ చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే పటిచ్చ లోభో చిత్తసముట్ఠానఞ్చ రూపం, దోమనస్ససహగతే ఖన్ధే పటిచ్చ పటిఘం చిత్తసముట్ఠానఞ్చ రూపం. (౨)

గన్థసమ్పయుత్తం ధమ్మం పటిచ్చ గన్థసమ్పయుత్తో చ గన్థవిప్పయుత్తో చ ధమ్మా ఉప్పజ్జన్తి హేతుపచ్చయా – గన్థసమ్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దిట్ఠిగతవిప్పయుత్తలోభసహగతం ఏకం ఖన్ధం పటిచ్చ తయో ఖన్ధా లోభో చ చిత్తసముట్ఠానఞ్చ రూపం…పే… ద్వే ఖన్ధే…పే… దోమనస్ససహగతం ఏకం ఖన్ధం పటిచ్చ తయో ఖన్ధా పటిఘఞ్చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪౬. గన్థవిప్పయుత్తం ధమ్మం పటిచ్చ గన్థవిప్పయుత్తో ధమ్మో ఉప్పజ్జతి హేతుపచ్చయా – గన్థవిప్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దిట్ఠిగతవిప్పయుత్తం లోభం పటిచ్చ చిత్తసముట్ఠానం రూపం, పటిఘం పటిచ్చ చిత్తసముట్ఠానం రూపం; పటిసన్ధిక్ఖణే…పే… ఖన్ధే పటిచ్చ (సంఖిత్తం). (౧)

గన్థవిప్పయుత్తం ధమ్మం పటిచ్చ గన్థసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా, పటిఘం పటిచ్చ సమ్పయుత్తకా ఖన్ధా. (౨)

గన్థవిప్పయుత్తం ధమ్మం పటిచ్చ గన్థసమ్పయుత్తో చ గన్థవిప్పయుత్తో చ ధమ్మా ఉప్పజ్జన్తి హేతుపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం, పటిఘం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౩)

౪౭. గన్థసమ్పయుత్తఞ్చ గన్థవిప్పయుత్తఞ్చ ధమ్మం పటిచ్చ గన్థసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా…పే… ద్వే ఖన్ధే…పే… దోమనస్ససహగతం ఏకం ఖన్ధఞ్చ పటిఘఞ్చ పటిచ్చ తయో ఖన్ధా…పే… ద్వే ఖన్ధే…పే…. (౧)

గన్థసమ్పయుత్తఞ్చ గన్థవిప్పయుత్తఞ్చ ధమ్మం పటిచ్చ గన్థవిప్పయుత్తో ధమ్మో ఉప్పజ్జతి హేతుపచ్చయా – గన్థసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే చ లోభఞ్చ పటిచ్చ చిత్తసముట్ఠానం రూపం, దోమనస్ససహగతే ఖన్ధే చ పటిఘఞ్చ పటిచ్చ చిత్తసముట్ఠానం రూపం. (౨)

గన్థసమ్పయుత్తఞ్చ గన్థవిప్పయుత్తఞ్చ ధమ్మం పటిచ్చ గన్థసమ్పయుత్తో చ గన్థవిప్పయుత్తో చ ధమ్మా ఉప్పజ్జన్తి హేతుపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దోమనస్ససహగతం ఏకం ఖన్ధఞ్చ పటిఘఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

ఆరమ్మణపచ్చయో

౪౮. గన్థసమ్పయుత్తం ధమ్మం పటిచ్చ గన్థసమ్పయుత్తో ధమ్మో ఉప్పజ్జతి ఆరమ్మణపచ్చయా – గన్థసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

గన్థసమ్పయుత్తం ధమ్మం పటిచ్చ గన్థవిప్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తలోభసహగతే ఖన్ధే పటిచ్చ లోభో, దోమనస్ససహగతే ఖన్ధే పటిచ్చ పటిఘం. (౨)

గన్థసమ్పయుత్తం ధమ్మం పటిచ్చ గన్థసమ్పయుత్తో చ గన్థవిప్పయుత్తో చ ధమ్మా ఉప్పజ్జన్తి ఆరమ్మణపచ్చయా – దిట్ఠిగతవిప్పయుత్తలోభసహగతం ఏకం ఖన్ధం పటిచ్చ తయో ఖన్ధా లోభో చ…పే… ద్వే ఖన్ధే…పే… దోమనస్ససహగతం ఏకం ఖన్ధం పటిచ్చ తయో ఖన్ధా పటిఘఞ్చ…పే… ద్వే ఖన్ధే…పే…. (౩)

౪౯. గన్థవిప్పయుత్తం ధమ్మం పటిచ్చ గన్థవిప్పయుత్తో ధమ్మో ఉప్పజ్జతి ఆరమ్మణపచ్చయా – గన్థవిప్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పటిచ్చ ఖన్ధా. (౧)

గన్థవిప్పయుత్తం ధమ్మం పటిచ్చ గన్థసమ్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా, పటిఘం పటిచ్చ సమ్పయుత్తకా ఖన్ధా. (౨)

గన్థసమ్పయుత్తఞ్చ గన్థవిప్పయుత్తఞ్చ ధమ్మం పటిచ్చ గన్థసమ్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా…పే… ద్వే ఖన్ధే…పే… దోమనస్ససహగతం ఏకం ఖన్ధఞ్చ పటిఘఞ్చ పటిచ్చ తయో ఖన్ధా…పే… ద్వే ఖన్ధే…పే… (సంఖిత్తం). (౧)