౧. విభఙ్గవారో

హేతుపచ్చయో

౧౮. గన్థో ధమ్మో గన్థస్స ధమ్మస్స హేతుపచ్చయేన పచ్చయో – గన్థా హేతూ సమ్పయుత్తకానం గన్థానం హేతుపచ్చయేన పచ్చయో. (౧)

గన్థో ధమ్మో నోగన్థస్స ధమ్మస్స హేతుపచ్చయేన పచ్చయో – గన్థా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౨)

గన్థో ధమ్మో గన్థస్స చ నోగన్థస్స చ ధమ్మస్స హేతుపచ్చయేన పచ్చయో – గన్థా హేతూ సమ్పయుత్తకానం ఖన్ధానం గన్థానఞ్చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౧౯. నోగన్థో ధమ్మో నోగన్థస్స ధమ్మస్స హేతుపచ్చయేన పచ్చయో – నోగన్థా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

నోగన్థో ధమ్మో గన్థస్స ధమ్మస్స హేతుపచ్చయేన పచ్చయో – నోగన్థా హేతూ సమ్పయుత్తకానం గన్థానం హేతుపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స హేతుపచ్చయేన పచ్చయో – నోగన్థా హేతూ సమ్పయుత్తకానం ఖన్ధానం గన్థానఞ్చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౨౦. గన్థో చ నోగన్థో చ ధమ్మా గన్థస్స ధమ్మస్స హేతుపచ్చయేన పచ్చయో – గన్థా చ నోగన్థా చ హేతూ సమ్పయుత్తకానం గన్థానం హేతుపచ్చయేన పచ్చయో. (౧)

గన్థో చ నోగన్థో చ ధమ్మా నోగన్థస్స ధమ్మస్స హేతుపచ్చయేన పచ్చయో – గన్థా చ నోగన్థా చ హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౨)

గన్థో చ నోగన్థో చ ధమ్మా గన్థస్స చ నోగన్థస్స చ ధమ్మస్స హేతుపచ్చయేన పచ్చయో – గన్థా చ నోగన్థా చ హేతూ సమ్పయుత్తకానం ఖన్ధానం గన్థానఞ్చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౨౧. గన్థో ధమ్మో గన్థస్స ధమ్మస్స ఆరమ్మణపచ్చయేన పచ్చయో – గన్థే ఆరబ్భ గన్థా ఉప్పజ్జన్తి. (మూలం కాతబ్బం) గన్థే ఆరబ్భ నోగన్థా ఖన్ధా ఉప్పజ్జన్తి. (మూలం కాతబ్బం) గన్థే ఆరబ్భ గన్థా చ సమ్పయుత్తకా చ ఖన్ధా ఉప్పజ్జన్తి. (౩)

౨౨. నోగన్థో ధమ్మో నోగన్థస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని…పే… ఝానా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నోగన్థే పహీనే కిలేసే…పే… విక్ఖమ్భితే కిలేసే పచ్చవేక్ఖన్తి, పుబ్బే…పే… చక్ఖుం…పే… వత్థుం నోగన్థే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోగన్థచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోగన్థా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోగన్థో ధమ్మో గన్థస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, దోమనస్సం ఉప్పజ్జతి; పుబ్బే సుచిణ్ణాని…పే… ఝానా…పే… చక్ఖుం…పే… వత్థుం నోగన్థే ఖన్ధే అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. (౨)

నోగన్థో ధమ్మో గన్థస్స చ నోగన్థస్స చ ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం అస్సాదేతి అభినన్దతి, తం ఆరబ్భ గన్థా చ సమ్పయుత్తకా చ ఖన్ధా ఉప్పజ్జన్తి, పుబ్బే సుచిణ్ణాని…పే… ఝానా…పే… చక్ఖుం…పే… వత్థుం నోగన్థే ఖన్ధే అస్సాదేతి అభినన్దతి, తం ఆరబ్భ గన్థా చ సమ్పయుత్తకా చ ఖన్ధా ఉప్పజ్జన్తి. (౩)

గన్థో చ నోగన్థో చ ధమ్మా గన్థస్స ధమ్మస్స ఆరమ్మణపచ్చయేన పచ్చయో… తీణి (ఆరబ్భ కాతబ్బా).

అధిపతిపచ్చయో

౨౩. గన్థో ధమ్మో గన్థస్స ధమ్మస్స అధిపతిపచ్చయేన పచ్చయో… తీణి (ఆరమ్మణసదిసా, గరుకారమ్మణా కాతబ్బా).

నోగన్థో ధమ్మో నోగన్థస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానా…పే… అరియా మగ్గా…పే… ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; చక్ఖుం…పే… వత్థుం నోగన్థే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోగన్థాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నోగన్థో ధమ్మో గన్థస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే సుచిణ్ణాని …పే… ఝానా…పే… చక్ఖుం…పే… వత్థుం నోగన్థే ఖన్ధే గరుం కత్వా తం అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోగన్థాధిపతి గన్థానం అధిపతిపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… నోగన్థే ఖన్ధే గరుం కత్వా అస్సాదేతి అభినన్దతి, తం గరుం కత్వా గన్థా చ సమ్పయుత్తకా చ ఖన్ధా ఉప్పజ్జన్తి. సహజాతాధిపతి – నోగన్థాధిపతి సమ్పయుత్తకానం ఖన్ధానం గన్థానఞ్చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౨౪. గన్థో చ నోగన్థో చ ధమ్మా గన్థస్స ధమ్మస్స అధిపతిపచ్చయేన పచ్చయో – ఆరమ్మణాధిపతి… తీణి.

అనన్తరపచ్చయో

౨౫. గన్థో ధమ్మో గన్థస్స ధమ్మస్స అనన్తరపచ్చయేన పచ్చయో – పురిమా పురిమా గన్థా పచ్ఛిమానం పచ్ఛిమానం గన్థానం అనన్తరపచ్చయేన పచ్చయో. (౧)

గన్థో ధమ్మో నోగన్థస్స ధమ్మస్స అనన్తరపచ్చయేన పచ్చయో – పురిమా పురిమా గన్థా పచ్ఛిమానం పచ్ఛిమానం నోగన్థానం ఖన్ధానం అనన్తరపచ్చయేన పచ్చయో; గన్థా వుట్ఠానస్స అనన్తరపచ్చయేన పచ్చయో. (౨)

గన్థో ధమ్మో గన్థస్స చ నోగన్థస్స చ ధమ్మస్స అనన్తరపచ్చయేన పచ్చయో – పురిమా పురిమా గన్థా పచ్ఛిమానం పచ్ఛిమానం గన్థానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౨౬. నోగన్థో ధమ్మో నోగన్థస్స ధమ్మస్స అనన్తరపచ్చయేన పచ్చయో… తీణి (ద్వే ఆవజ్జనా కాతబ్బా, పఠమో నత్థి).

గన్థో చ నోగన్థో చ ధమ్మా గన్థస్స ధమ్మస్స అనన్తరపచ్చయేన పచ్చయో… తీణి (ఏకమ్పి వుట్ఠానం కాతబ్బం, మజ్ఝే).

సమనన్తరపచ్చయాది

౨౭. గన్థో ధమ్మో గన్థస్స ధమ్మస్స సమనన్తరపచ్చయేన పచ్చయో… నవ… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… నవ, నిస్సయపచ్చయేన పచ్చయో… నవ.

ఉపనిస్సయపచ్చయో

౨౮. గన్థో ధమ్మో గన్థస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – గన్థా గన్థానం ఉపనిస్సయపచ్చయేన పచ్చయో… తీణి.

౨౯. నోగన్థో ధమ్మో నోగన్థస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో …పే…. పకతూపనిస్సయో – సద్ధం ఉపనిస్సాయ దానం దేతి…పే… మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ దానం దేతి…పే… సఙ్ఘం భిన్దతి; సద్ధా…పే… సేనాసనం సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)

నోగన్థో ధమ్మో గన్థస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దిట్ఠిం గణ్హాతి; సీలం…పే… సేనాసనం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… సేనాసనం రాగస్స…పే… పత్థనాయ ఉపనిస్సయపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి, సీలం…పే… సేనాసనం ఉపనిస్సాయ పాణం హనతి …పే… సఙ్ఘం భిన్దతి, సద్ధా…పే… సేనాసనం గన్థానం సమ్పయుత్తకానఞ్చ ఖన్ధానం ఉపనిస్సయపచ్చయేన పచ్చయో. (౩)

గన్థో చ నోగన్థో చ ధమ్మా గన్థస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో… తీణి (ఆరమ్మణనయేన కాతబ్బా).

పురేజాతపచ్చయాది

౩౦. నోగన్థో ధమ్మో నోగన్థస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు నోగన్థానం ఖన్ధానం పురేజాతపచ్చయేన పచ్చయో. (౧)

నోగన్థో ధమ్మో గన్థస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, దోమనస్సం ఉప్పజ్జతి. వత్థుపురేజాతం – వత్థు గన్థానం పురేజాతపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ గన్థా చ సమ్పయుత్తకా చ ఖన్ధా ఉప్పజ్జన్తి. వత్థుపురేజాతం – వత్థు గన్థానం సమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)

పచ్ఛాజాతపచ్చయేన పచ్చయో… తీణి, ఆసేవనపచ్చయేన పచ్చయో… నవ.

కమ్మపచ్చయో

౩౧. నోగన్థో ధమ్మో నోగన్థస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోగన్థా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోగన్థా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

నోగన్థో ధమ్మో గన్థస్స ధమ్మస్స కమ్మపచ్చయేన పచ్చయో – నోగన్థా చేతనా సమ్పయుత్తకానం గన్థానం కమ్మపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స కమ్మపచ్చయేన పచ్చయో – నోగన్థా చేతనా సమ్పయుత్తకానం ఖన్ధానం గన్థానఞ్చ చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

విపాకపచ్చయాది

౩౨. నోగన్థో ధమ్మో నోగన్థస్స ధమ్మస్స విపాకపచ్చయేన పచ్చయో… ఏకం… ఆహారపచ్చయేన పచ్చయో… తీణి… ఇన్ద్రియపచ్చయేన పచ్చయో… తీణి… ఝానపచ్చయేన పచ్చయో… తీణి… మగ్గపచ్చయేన పచ్చయో… నవ… సమ్పయుత్తపచ్చయేన పచ్చయో… నవ.

విప్పయుత్తపచ్చయో

౩౩. గన్థో ధమ్మో నోగన్థస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

నోగన్థో ధమ్మో నోగన్థస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)

నోగన్థో ధమ్మో గన్థస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు గన్థానం విప్పయుత్తపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు గన్థానం సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)

గన్థో చ నోగన్థో చ ధమ్మా నోగన్థస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

అత్థిపచ్చయో

౩౪. గన్థో ధమ్మో గన్థస్స ధమ్మస్స అత్థిపచ్చయేన పచ్చయో… ఏకం (పటిచ్చసదిసం).

గన్థో ధమ్మో నోగన్థస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – గన్థా సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – గన్థా పురేజాతస్స ఇమస్స కాయస్స అత్థిపచ్చయేన పచ్చయో. (౨)

గన్థో ధమ్మో గన్థస్స చ నోగన్థస్స చ ధమ్మస్స అత్థిపచ్చయేన పచ్చయో… ఏకం (పటిచ్చసదిసం). (౩)

౩౫. నోగన్థో ధమ్మో నోగన్థస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)

నోగన్థో ధమ్మో గన్థస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతా – నోగన్థా ఖన్ధా గన్థానం అత్థిపచ్చయేన పచ్చయో. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, దోమనస్సం ఉప్పజ్జతి, వత్థు గన్థానం అత్థిపచ్చయేన పచ్చయో. (౨)

నోగన్థో ధమ్మో గన్థస్స చ నోగన్థస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోగన్థో ఏకో ఖన్ధో తిణ్ణన్నం ఖన్ధానం గన్థానఞ్చ చిత్తసముట్ఠానానఞ్చ రూపానం అత్థిపచ్చయేన పచ్చయో…పే…. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ గన్థా చ సమ్పయుత్తకా చ ఖన్ధా ఉప్పజ్జన్తి; వత్థు గన్థానం సమ్పయుత్తకానఞ్చ ఖన్ధానం అత్థిపచ్చయేన పచ్చయో. (౩)

౩౬. గన్థో చ నోగన్థో చ ధమ్మా గన్థస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సీలబ్బతపరామాసో కాయగన్థో చ సమ్పయుత్తకా చ ఖన్ధా అభిజ్ఝాకాయగన్థస్స అత్థిపచ్చయేన పచ్చయో (చక్కం). సహజాతో – సీలబ్బతపరామాసో కాయగన్థో చ వత్థు చ అభిజ్ఝాకాయగన్థస్స అత్థిపచ్చయేన పచ్చయో. (చక్కం). (౧)

గన్థో చ నోగన్థో చ ధమ్మా నోగన్థస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోగన్థో ఏకో ఖన్ధో చ గన్థో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతా – గన్థా చ వత్థు చ నోగన్థానం ఖన్ధానం అత్థిపచ్చయేన పచ్చయో. సహజాతా – గన్థా చ మహాభూతా చ చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – గన్థా చ సమ్పయుత్తకా చ ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – గన్థా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – గన్థా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

గన్థో చ నోగన్థో చ ధమ్మా గన్థస్స చ నోగన్థస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోగన్థో ఏకో ఖన్ధో చ సీలబ్బతపరామాసో కాయగన్థో చ తిణ్ణన్నం ఖన్ధానం అభిజ్ఝాకాయగన్థస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో…పే…. సహజాతో – సీలబ్బతపరామాసో కాయగన్థో చ వత్థు చ అభిజ్ఝాకాయగన్థస్స చ సమ్పయుత్తకానఞ్చ ఖన్ధానం అత్థిపచ్చయేన పచ్చయో (చక్కం). (౩)