౧. విభఙ్గవారో

హేతుపచ్చయో

౧౦౦. సఞ్ఞోజనఞ్చేవ సఞ్ఞోజనసమ్పయుత్తఞ్చ ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ ధమ్మో ఉప్పజ్జతి హేతుపచ్చయా – కామరాగసఞ్ఞోజనం పటిచ్చ దిట్ఠిసఞ్ఞోజనం అవిజ్జాసఞ్ఞోజనం (చక్కం). (౧)

సఞ్ఞోజనఞ్చేవ సఞ్ఞోజనసమ్పయుత్తఞ్చ ధమ్మం పటిచ్చ సఞ్ఞోజనసమ్పయుత్తో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనే పటిచ్చ సమ్పయుత్తకా ఖన్ధా. (౨)

సఞ్ఞోజనఞ్చేవ సఞ్ఞోజనసమ్పయుత్తఞ్చ ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ సఞ్ఞోజనసమ్పయుత్తో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – కామరాగసఞ్ఞోజనం పటిచ్చ దిట్ఠిసఞ్ఞోజనం అవిజ్జాసఞ్ఞోజనం సమ్పయుత్తకా చ ఖన్ధా (చక్కం). (౩)

౧౦౧. సఞ్ఞోజనసమ్పయుత్తఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనసమ్పయుత్తో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనసమ్పయుత్తఞ్చేవ నో చ సఞ్ఞోజనం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

సఞ్ఞోజనసమ్పయుత్తఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ ధమ్మో ఉప్పజ్జతి హేతుపచ్చయా – సఞ్ఞోజనసమ్పయుత్తే చేవ నో చ సఞ్ఞోజనే ఖన్ధే పటిచ్చ సఞ్ఞోజనా (౨)

సఞ్ఞోజనసమ్పయుత్తఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ సఞ్ఞోజనసమ్పయుత్తో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – సఞ్ఞోజనసమ్పయుత్తఞ్చేవ నో చ సఞ్ఞోజనం ఏకం ఖన్ధం పటిచ్చ తయో ఖన్ధా సఞ్ఞోజనా చ…పే… ద్వే ఖన్ధే…పే…. (౩)

౧౦౨. సఞ్ఞోజనఞ్చేవ సఞ్ఞోజనసమ్పయుత్తఞ్చ సఞ్ఞోజనసమ్పయుత్తఞ్చేవ నో చ సఞ్ఞోజనఞ్చ ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ ధమ్మో ఉప్పజ్జతి హేతుపచ్చయా – కామరాగసఞ్ఞోజనఞ్చ సమ్పయుత్తకే చ ఖన్ధే పటిచ్చ దిట్ఠిసఞ్ఞోజనం అవిజ్జాసఞ్ఞోజనం (చక్కం). (౧)

సఞ్ఞోజనఞ్చేవ సఞ్ఞోజనసమ్పయుత్తఞ్చ సఞ్ఞోజనసమ్పయుత్తఞ్చేవ నో చ సఞ్ఞోజనఞ్చ ధమ్మం పటిచ్చ సఞ్ఞోజనసమ్పయుత్తో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనసమ్పయుత్తఞ్చేవ నో చ సఞ్ఞోజనం ఏకం ఖన్ధఞ్చ సఞ్ఞోజనే చ పటిచ్చ తయో ఖన్ధా…పే… ద్వే ఖన్ధే చ…పే…. (౨)

సఞ్ఞోజనఞ్చేవ సఞ్ఞోజనసమ్పయుత్తఞ్చ సఞ్ఞోజనసమ్పయుత్తఞ్చేవ నో చ సఞ్ఞోజనఞ్చ ధమ్మం పటిచ్చ సఞ్ఞోజనో చేవ సఞ్ఞోజనసమ్పయుత్తో చ సఞ్ఞోజనసమ్పయుత్తో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – సఞ్ఞోజనసమ్పయుత్తఞ్చేవ నో చ సఞ్ఞోజనం ఏకం ఖన్ధఞ్చ కామరాగసఞ్ఞోజనఞ్చ పటిచ్చ తయో ఖన్ధా దిట్ఠిసఞ్ఞోజనం అవిజ్జాసఞ్ఞోజనం…పే… ద్వే ఖన్ధే చ…పే… (చక్కం). (౩)