౧. విభఙ్గవారో

హేతుపచ్చయో

౯౭. సఞ్ఞోజనఞ్చేవ సఞ్ఞోజనియఞ్చ ధమ్మం పటిచ్చ సఞ్ఞోజనో చేవ సఞ్ఞోజనియో చ ధమ్మా ఉప్పజ్జన్తి హేతుపచ్చయా – కామరాగసఞ్ఞోజనం పటిచ్చ దిట్ఠిసఞ్ఞోజనం అవిజ్జాసఞ్ఞోజనం (చక్కం). (౧)

సఞ్ఞోజనఞ్చేవ సఞ్ఞోజనియఞ్చ ధమ్మం పటిచ్చ సఞ్ఞోజనియో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనే పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౨)

సఞ్ఞోజనఞ్చేవ సఞ్ఞోజనియఞ్చ ధమ్మం పటిచ్చ సఞ్ఞోజనో చేవ సఞ్ఞోజనియో చ సఞ్ఞోజనియో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – కామరాగసఞ్ఞోజనం పటిచ్చ దిట్ఠిసఞ్ఞోజనం అవిజ్జాసఞ్ఞోజనం సమ్పయుత్తకా ఖన్ధా చిత్తసముట్ఠానఞ్చ రూపం (చక్కం). (౩)

౯౮. సఞ్ఞోజనియఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనియో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనియఞ్చేవ నో చ సఞ్ఞోజనం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ మహాభూతా). (౧)

సఞ్ఞోజనియఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనో చేవ సఞ్ఞోజనియో చ ధమ్మో ఉప్పజ్జతి హేతుపచ్చయా – సఞ్ఞోజనియే చేవ నో చ సఞ్ఞోజనే ఖన్ధే పటిచ్చ సఞ్ఞోజనా. (౨)

సఞ్ఞోజనియఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనో చేవ సఞ్ఞోజనియో చ సఞ్ఞోజనియో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – సఞ్ఞోజనియఞ్చేవ నో చ సఞ్ఞోజనం ఏకం ఖన్ధం పటిచ్చ తయో ఖన్ధా సఞ్ఞోజనా చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౯౯. సఞ్ఞోజనఞ్చేవ సఞ్ఞోజనియఞ్చ సఞ్ఞోజనియఞ్చేవ నో చ సఞ్ఞోజనం ధమ్మం పటిచ్చ సఞ్ఞోజనో చేవ సఞ్ఞోజనియో చ ధమ్మో ఉప్పజ్జతి హేతుపచ్చయా – కామరాగసఞ్ఞోజనఞ్చ సమ్పయుత్తకే చ ఖన్ధే పటిచ్చ దిట్ఠిసఞ్ఞోజనం అవిజ్జాసఞ్ఞోజనం (చక్కం). (౧)

సఞ్ఞోజనఞ్చేవ సఞ్ఞోజనియఞ్చ సఞ్ఞోజనియఞ్చేవ నో చ సఞ్ఞోజనఞ్చ ధమ్మం పటిచ్చ సఞ్ఞోజనియో చేవ నో చ సఞ్ఞోజనో ధమ్మో ఉప్పజ్జతి హేతుపచ్చయా – సఞ్ఞోజనియఞ్చేవ నో చ సఞ్ఞోజనం ఏకం ఖన్ధఞ్చ సఞ్ఞోజనే చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౨)

సఞ్ఞోజనఞ్చేవ సఞ్ఞోజనియఞ్చ సఞ్ఞోజనియఞ్చేవ నో చ సఞ్ఞోజనఞ్చ ధమ్మం పటిచ్చ సఞ్ఞోజనో చేవ సఞ్ఞోజనియో చ సఞ్ఞోజనియో చేవ నో చ సఞ్ఞోజనో చ ధమ్మా ఉప్పజ్జన్తి హేతుపచ్చయా – సఞ్ఞోజనియఞ్చేవ నో చ సఞ్ఞోజనం ఏకం ఖన్ధఞ్చ కామరాగసఞ్ఞోజనఞ్చ పటిచ్చ తయో ఖన్ధా దిట్ఠిసఞ్ఞోజనం అవిజ్జాసఞ్ఞోజనం చిత్తసముట్ఠానఞ్చ రూపం…పే… ద్వే ఖన్ధే చ…పే… (చక్కం బన్ధితబ్బం). (౩)

(సఞ్ఞోజనగోచ్ఛకే పఠమదుకసదిసం.)

(ఏవం ఇమమ్పి దుకం విత్థారేతబ్బం, నిన్నానాకరణం ఠపేత్వా లోకుత్తరం).

సఞ్ఞోజనసఞ్ఞోజనియదుకం నిట్ఠితం.