౧. విభఙ్గవారో
హేతుపచ్చయో
౬౬. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స హేతుపచ్చయేన పచ్చయో – సఞ్ఞోజనసమ్పయుత్తా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స హేతుపచ్చయేన పచ్చయో – సఞ్ఞోజనసమ్పయుత్తా హేతూ చిత్తసముట్ఠానానం రూపానం హేతుపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స హేతుపచ్చయేన పచ్చయో – సఞ్ఞోజనసమ్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)
౬౭. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స హేతుపచ్చయేన పచ్చయో – సఞ్ఞోజనవిప్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో, ఉద్ధచ్చసహగతో మోహో చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స హేతుపచ్చయేన పచ్చయో – ఉద్ధచ్చసహగతో మోహో సమ్పయుత్తకానం ఖన్ధానం హేతుపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స హేతుపచ్చయేన పచ్చయో – ఉద్ధచ్చసహగతో మోహో సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)
ఆరమ్మణపచ్చయో
౬౮. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఆరమ్మణపచ్చయేన పచ్చయో – సఞ్ఞోజనసమ్పయుత్తే ఖన్ధే ఆరబ్భ సఞ్ఞోజనసమ్పయుత్తకా ఖన్ధా ఉప్పజ్జన్తి. (మూలం కాతబ్బం) సఞ్ఞోజనసమ్పయుత్తే ఖన్ధే ఆరబ్భ సఞ్ఞోజనవిప్పయుత్తా ఖన్ధా చ మోహో చ ఉప్పజ్జన్తి. (మూలం కాతబ్బం) సఞ్ఞోజనసమ్పయుత్తే ఖన్ధే ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)
౬౯. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం పచ్చవేక్ఖతి, పుబ్బే సుచిణ్ణాని…పే… ఝానా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి, నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా సఞ్ఞోజనవిప్పయుత్తే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి, చక్ఖుం…పే… వత్థుం సఞ్ఞోజనవిప్పయుత్తే ఖన్ధే చ మోహఞ్చ అనిచ్చతో…పే… విపస్సతి…పే… దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, చేతోపరియఞాణేన సఞ్ఞోజనవిప్పయుత్తచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… రూపాయతనం…పే… ఫోట్ఠబ్బాయతనం…పే… సఞ్ఞోజనవిప్పయుత్తా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ మోహస్స చ ఆరమ్మణపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం…పే… పుబ్బే సుచిణ్ణాని…పే… ఝానా వుట్ఠహిత్వా ఝానం…పే… చక్ఖుం…పే… వత్థుం సఞ్ఞోజనవిప్పయుత్తే ఖన్ధే చ మోహఞ్చ అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స ఆరమ్మణపచ్చయేన పచ్చయో – చక్ఖుం…పే… వత్థుం సఞ్ఞోజనవిప్పయుత్తే ఖన్ధే చ మోహఞ్చ ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)
౭౦. సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స ధమ్మస్స ఆరమ్మణపచ్చయేన పచ్చయో – ఉద్ధచ్చసహగతే ఖన్ధే చ మోహఞ్చ ఆరబ్భ సఞ్ఞోజనసమ్పయుత్తకా ఖన్ధా ఉప్పజ్జన్తి. (మూలం కాతబ్బం) ఉద్ధచ్చసహగతే ఖన్ధే చ మోహఞ్చ ఆరబ్భ సఞ్ఞోజనవిప్పయుత్తా ఖన్ధా చ మోహో చ ఉప్పజ్జన్తి. (మూలం కాతబ్బం) ఉద్ధచ్చసహగతే ఖన్ధే చ మోహఞ్చ ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి. (౩)
అధిపతిపచ్చయో
౭౧. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – రాగం…పే… దిట్ఠిం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – సఞ్ఞోజనసమ్పయుత్తాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స అధిపతిపచ్చయేన పచ్చయో. సహజాతాధిపతి – సఞ్ఞోజనసమ్పయుత్తాధిపతి చిత్తసముట్ఠానానం రూపానం అధిపతిపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అధిపతిపచ్చయేన పచ్చయో. సహజాతాధిపతి – సఞ్ఞోజనసమ్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)
౭౨. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి, పుబ్బే సుచిణ్ణాని…పే… ఝానా…పే… అరియా మగ్గా…పే… ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో. సహజాతాధిపతి – సఞ్ఞోజనవిప్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం దత్వా సీలం…పే… ఉపోసథకమ్మం కత్వా తం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, పుబ్బే సుచిణ్ణాని…పే… ఝానా…పే… చక్ఖుం…పే… వత్థుం సఞ్ఞోజనవిప్పయుత్తే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)
అనన్తరపచ్చయో
౭౩. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా సఞ్ఞోజనసమ్పయుత్తా ఖన్ధా పచ్ఛిమానం పచ్ఛిమానం సఞ్ఞోజనసమ్పయుత్తకానం ఖన్ధానం అనన్తరపచ్చయేన పచ్చయో. (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా ఉద్ధచ్చసహగతా ఖన్ధా పచ్ఛిమస్స పచ్ఛిమస్స ఉద్ధచ్చసహగతస్స మోహస్స అనన్తరపచ్చయేన పచ్చయో; సఞ్ఞోజనసమ్పయుత్తా ఖన్ధా వుట్ఠానస్స అనన్తరపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమా పురిమా ఉద్ధచ్చసహగతా ఖన్ధా పచ్ఛిమానం పచ్ఛిమానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)
౭౪. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స అనన్తరపచ్చయేన పచ్చయో – పురిమో పురిమో ఉద్ధచ్చసహగతో మోహో పచ్ఛిమస్స పచ్ఛిమస్స ఉద్ధచ్చసహగతస్స మోహస్స అనన్తరపచ్చయేన పచ్చయో; పురిమా పురిమా సఞ్ఞోజనవిప్పయుత్తా ఖన్ధా పచ్ఛిమానం…పే… ఫలసమాపత్తియా అనన్తరపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స అనన్తరపచ్చయేన పచ్చయో – పురిమో పురిమో ఉద్ధచ్చసహగతో మోహో పచ్ఛిమానం పచ్ఛిమానం ఉద్ధచ్చసహగతానం ఖన్ధానం అనన్తరపచ్చయేన పచ్చయో; ఆవజ్జనా సఞ్ఞోజనసమ్పయుత్తకానం ఖన్ధానం అనన్తరపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమో పురిమో ఉద్ధచ్చసహగతో మోహో పచ్ఛిమానం పచ్ఛిమానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో; ఆవజ్జనా ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)
౭౫. సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా ఉద్ధచ్చసహగతా ఖన్ధా చ మోహో చ పచ్ఛిమానం పచ్ఛిమానం ఉద్ధచ్చసహగతానం ఖన్ధానం అనన్తరపచ్చయేన పచ్చయో. (౧)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనవిప్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా ఉద్ధచ్చసహగతా ఖన్ధా చ మోహో చ పచ్ఛిమస్స పచ్ఛిమస్స ఉద్ధచ్చసహగతస్స మోహస్స అనన్తరపచ్చయేన పచ్చయో; ఉద్ధచ్చసహగతా ఖన్ధా చ మోహో చ వుట్ఠానస్స అనన్తరపచ్చయేన పచ్చయో. (౨)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అనన్తరపచ్చయేన పచ్చయో – పురిమా పురిమా ఉద్ధచ్చసహగతా ఖన్ధా చ మోహో చ పచ్ఛిమానం పచ్ఛిమానం ఉద్ధచ్చసహగతానం ఖన్ధానం మోహస్స చ అనన్తరపచ్చయేన పచ్చయో. (౩)
సమనన్తరపచ్చయాది
౭౬. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స సమనన్తరపచ్చయేన పచ్చయో … నవ… సహజాతపచ్చయేన పచ్చయో… నవ… అఞ్ఞమఞ్ఞపచ్చయేన పచ్చయో… ఛ… నిస్సయపచ్చయేన పచ్చయో… నవ.
ఉపనిస్సయపచ్చయో
౭౭. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సఞ్ఞోజనసమ్పయుత్తా ఖన్ధా సఞ్ఞోజనసమ్పయుత్తకానం ఖన్ధానం ఉపనిస్సయపచ్చయేన పచ్చయో. (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – సఞ్ఞోజనసమ్పయుత్తా ఖన్ధా సఞ్ఞోజనవిప్పయుత్తానం ఖన్ధానం మోహస్స చ ఉపనిస్సయపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – సఞ్ఞోజనసమ్పయుత్తా ఖన్ధా ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)
౭౮. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి; సీలం…పే… పఞ్ఞం… కాయికం సుఖం… కాయికం దుక్ఖం… ఉతుం… భోజనం… సేనాసనం మోహం ఉపనిస్సాయ దానం దేతి…పే… సమాపత్తిం ఉప్పాదేతి; సద్ధా…పే… సేనాసనం మోహో చ సద్ధాయ…పే… ఫలసమాపత్తియా మోహస్స చ ఉపనిస్సయపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… పఞ్ఞం… కాయికం సుఖం… కాయికం దుక్ఖం… ఉతుం… భోజనం… సేనాసనం మోహం ఉపనిస్సాయ పాణం హనతి…పే… సఙ్ఘం భిన్దతి; సద్ధా…పే… సేనాసనం మోహో రాగస్స…పే… పత్థనాయ ఉపనిస్సయపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధా…పే… పఞ్ఞా… కాయికం సుఖం…పే… సేనాసనం మోహో చ ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)
౭౯. సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఉద్ధచ్చసహగతా ఖన్ధా చ మోహో చ సఞ్ఞోజనసమ్పయుత్తకానం ఖన్ధానం ఉపనిస్సయపచ్చయేన పచ్చయో. (౧)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనవిప్పయుత్తస్స ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఉద్ధచ్చసహగతా ఖన్ధా చ మోహో చ సఞ్ఞోజనవిప్పయుత్తానం ఖన్ధానం మోహస్స చ ఉపనిస్సయపచ్చయేన పచ్చయో. (౨)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – అనన్తరూపనిస్సయో, పకతూపనిస్సయో…పే…. పకతూపనిస్సయో – ఉద్ధచ్చసహగతా ఖన్ధా చ మోహో చ ఉద్ధచ్చసహగతానం ఖన్ధానం మోహస్స చ ఉపనిస్సయపచ్చయేన పచ్చయో. (౩)
పురేజాతపచ్చయో
౮౦. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో …పే… విపస్సతి, దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి, రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు సఞ్ఞోజనవిప్పయుత్తానం ఖన్ధానం మోహస్స చ పురేజాతపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి. వత్థుపురేజాతం – వత్థు సఞ్ఞోజనసమ్పయుత్తకానం ఖన్ధానం పురేజాతపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి. వత్థుపురేజాతం – వత్థు ఉద్ధచ్చసహగతానం ఖన్ధానం మోహస్స చ పురేజాతపచ్చయేన పచ్చయో. (౩)
పచ్ఛాజాతపచ్చయో
౮౧. సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా సఞ్ఞోజనసమ్పయుత్తా ఖన్ధా పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)
సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా సఞ్ఞోజనవిప్పయుత్తా ఖన్ధా చ మోహో చ పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనవిప్పయుత్తస్స ధమ్మస్స పచ్ఛాజాతపచ్చయేన పచ్చయో – పచ్ఛాజాతా ఉద్ధచ్చసహగతా ఖన్ధా చ మోహో చ పురేజాతస్స ఇమస్స కాయస్స పచ్ఛాజాతపచ్చయేన పచ్చయో. (౧)
ఆసేవనపచ్చయో
౮౨. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఆసేవనపచ్చయేన పచ్చయో… నవ (ఆవజ్జనాపి వుట్ఠానమ్పి నత్థి ).
కమ్మపచ్చయో
౮౩. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స కమ్మపచ్చయేన పచ్చయో – సఞ్ఞోజనసమ్పయుత్తా చేతనా సఞ్ఞోజనసమ్పయుత్తకానం ఖన్ధానం కమ్మపచ్చయేన పచ్చయో. (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – సఞ్ఞోజనసమ్పయుత్తా చేతనా చిత్తసముట్ఠానానం రూపానం కమ్మపచ్చయేన పచ్చయో; ఉద్ధచ్చసహగతా చేతనా మోహస్స చిత్తసముట్ఠానానఞ్చ రూపానం కమ్మపచ్చయేన పచ్చయో. నానాక్ఖణికా – సఞ్ఞోజనసమ్పయుత్తకా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స కమ్మపచ్చయేన పచ్చయో – సఞ్ఞోజనసమ్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; ఉద్ధచ్చసహగతా చేతనా సమ్పయుత్తకానం ఖన్ధానం మోహస్స చ చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)
సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – సఞ్ఞోజనవిప్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – సఞ్ఞోజనవిప్పయుత్తా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో.
విపాకపచ్చయో
౮౪. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స విపాకపచ్చయేన పచ్చయో… ఏకం.
ఆహారపచ్చయాది
౮౫. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స ఆహారపచ్చయేన పచ్చయో… చత్తారి… ఇన్ద్రియపచ్చయేన పచ్చయో… చత్తారి… ఝానపచ్చయేన పచ్చయో… చత్తారి… మగ్గపచ్చయేన పచ్చయో… చత్తారి… సమ్పయుత్తపచ్చయేన పచ్చయో… ఛ.
విప్పయుత్తపచ్చయో
౮౬. సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)
సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు సఞ్ఞోజనసమ్పయుత్తకానం ఖన్ధానం విప్పయుత్తపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు ఉద్ధచ్చసహగతానం ఖన్ధానం మోహస్స చ విప్పయుత్తపచ్చయేన పచ్చయో. (౩)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)
అత్థిపచ్చయాది
౮౭. సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స ధమ్మస్స అత్థిపచ్చయేన పచ్చయో… ఏకం (పటిచ్చవారసదిసం). (౧)
సఞ్ఞోజనసమ్పయుత్తో ధమ్మో సఞ్ఞోజనవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – సఞ్ఞోజనసమ్పయుత్తా ఖన్ధా చిత్తసముట్ఠానానం రూపానం అత్థిపచ్చయేన పచ్చయో; ఉద్ధచ్చసహగతా ఖన్ధా మోహస్స చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – సఞ్ఞోజనసమ్పయుత్తా ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. (౨)
సఞ్ఞోజనసమ్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అత్థిపచ్చయేన పచ్చయో – సఞ్ఞోజనసమ్పయుత్తో ఏకో ఖన్ధో తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా…పే… ఉద్ధచ్చసహగతో ఏకో ఖన్ధో తిణ్ణన్నం ఖన్ధానం మోహస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో…పే…. (౩)
౮౮. సఞ్ఞోజనవిప్పయుత్తో ధమ్మో సఞ్ఞోజనవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం. విత్థారేతబ్బం). (౧)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – ఉద్ధచ్చసహగతో మోహో సమ్పయుత్తకానం ఖన్ధానం అత్థిపచ్చయేన పచ్చయో. పురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, వత్థు సఞ్ఞోజనసమ్పయుత్తకానం ఖన్ధానం అత్థిపచ్చయేన పచ్చయో. (౨)
సఞ్ఞోజనవిప్పయుత్తో ధమ్మో సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – ఉద్ధచ్చసహగతో మోహో సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పురేజాతం – చక్ఖుం …పే… వత్థుం ఆరబ్భ ఉద్ధచ్చసహగతా ఖన్ధా చ మోహో చ ఉప్పజ్జన్తి, వత్థు ఉద్ధచ్చసహగతానం ఖన్ధానం మోహస్స చ అత్థిపచ్చయేన పచ్చయో. (౩)
౮౯. సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – సఞ్ఞోజనసమ్పయుత్తో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… ఉద్ధచ్చసహగతో ఏకో ఖన్ధో చ మోహో చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. (౧)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతా – సఞ్ఞోజనసమ్పయుత్తా ఖన్ధా చ మోహో చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో; ఉద్ధచ్చసహగతా ఖన్ధా చ మోహో చ చిత్తసముట్ఠానానం రూపానం అత్థిపచ్చయేన పచ్చయో; ఉద్ధచ్చసహగతా ఖన్ధా చ వత్థు చ మోహస్స అత్థిపచ్చయేన పచ్చయో. పచ్ఛాజాతా – ఉద్ధచ్చసహగతా ఖన్ధా చ మోహో చ పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – సఞ్ఞోజనసమ్పయుత్తా ఖన్ధా చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – సఞ్ఞోజనసమ్పయుత్తా ఖన్ధా చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)
సఞ్ఞోజనసమ్పయుత్తో చ సఞ్ఞోజనవిప్పయుత్తో చ ధమ్మా సఞ్ఞోజనసమ్పయుత్తస్స చ సఞ్ఞోజనవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – ఉద్ధచ్చసహగతో ఏకో ఖన్ధో చ మోహో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – ఉద్ధచ్చసహగతో ఏకో ఖన్ధో చ వత్థు చ తిణ్ణన్నం ఖన్ధానం మోహస్స చ అత్థిపచ్చయేన పచ్చయో…పే… ద్వే ఖన్ధా…పే…. (౩)
నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.