౧. విభఙ్గవారో

హేతుపచ్చయో

౯౮. ఉపాదానో చేవ ఉపాదానియో చ ధమ్మో ఉపాదానస్స చేవ ఉపాదానియస్స చ ధమ్మస్స హేతుపచ్చయేన పచ్చయో – ఉపాదానా చేవ ఉపాదానియా చ హేతూ సమ్పయుత్తకానం ఉపాదానానం హేతుపచ్చయేన పచ్చయో. (౧)

ఉపాదానో చేవ ఉపాదానియో చ ధమ్మో ఉపాదానియస్స చేవ నో చ ఉపాదానస్స ధమ్మస్స హేతుపచ్చయేన పచ్చయో – ఉపాదానా చేవ ఉపాదానియా చ హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో (ఉపాదానదుకసదిసా నిన్నానా, నవ పఞ్హా).

ఆరమ్మణపచ్చయో

౯౯. ఉపాదానో చేవ ఉపాదానియో చ ధమ్మో ఉపాదానస్స చేవ ఉపాదానియస్స చ ధమ్మస్స ఆరమ్మణపచ్చయేన పచ్చయో – ఉపాదానే ఆరబ్భ ఉపాదానా ఉప్పజ్జన్తి… తీణి.

ఉపాదానియో చేవ నో చ ఉపాదానో ధమ్మో ఉపాదానియస్స చేవ నో చ ఉపాదానస్స ధమ్మస్స ఆరమ్మణపచ్చయేన పచ్చయో – దానం…పే… ఝానా వుట్ఠహిత్వా ఝానం పచ్చవేక్ఖతి, అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి, విచికిచ్ఛా ఉద్ధచ్చం దోమనస్సం ఉప్పజ్జతి; అరియా గోత్రభుం పచ్చవేక్ఖన్తి, వోదానం పచ్చవేక్ఖన్తి, పహీనే కిలేసే…పే… విక్ఖమ్భితే కిలేసే…పే… పుబ్బే సముదాచిణ్ణే…పే… చక్ఖుం…పే… వత్థుం…పే… (సంఖిత్తం) అనాగతంసఞాణస్స ఆవజ్జనాయ ఆరమ్మణపచ్చయేన పచ్చయో. (౧)

ఉపాదానియో చేవ నో చ ఉపాదానో ధమ్మో ఉపాదానస్స చేవ ఉపాదానియస్స చ ధమ్మస్స ఆరమ్మణపచ్చయేన పచ్చయో (సంఖిత్తం, ఇతరే ద్వే ఉపాదానదుకసదిసా). (౩)

ఉపాదానో చేవ ఉపాదానియో చ ఉపాదానియో చేవ నో చ ఉపాదానో చ ధమ్మా ఉపాదానస్స చేవ ఉపాదానియస్స చ ధమ్మస్స ఆరమ్మణపచ్చయేన పచ్చయో… తీణి (హేట్ఠా అధిపతి తీణి, ఉపాదానదుకసదిసా).

అధిపతిపచ్చయో

౧౦౦. ఉపాదానియో చేవ నో చ ఉపాదానో ధమ్మో ఉపాదానియస్స చేవ నో చ ఉపాదానస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… ఝానా వుట్ఠహిత్వా ఝానం గరుం కత్వా పచ్చవేక్ఖతి, అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి; సేక్ఖా గోత్రభుం గరుం కత్వా…పే… వోదానం…పే… చక్ఖుం…పే… వత్థుం ఉపాదానియే చేవ నో చ ఉపాదానే ఖన్ధే గరుం కత్వా ఉపాదానియా చేవ నో చ ఉపాదానా ఖన్ధా ఉప్పజ్జన్తి. సహజాతాధిపతి – ఉపాదానియా చేవ నో చ ఉపాదానాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో (అవసేసా ద్వేపి ఆరమ్మణాధిపతి సహజాతాధిపతిపి ఉపాదానదుకసదిసా). (౩)

(ఘటనా అధిపతి తీణి, ఉపాదానదుకసదిసా. సబ్బే పచ్చయా ఉపాదానదుకసదిసా. ఉపాదానియే లోకుత్తరం నత్థి, పచ్చనీయమ్పి ఇతరే ద్వే గణనాపి ఉపాదానదుకసదిసం.)

ఉపాదానఉపాదానియదుకం నిట్ఠితం.