౧. విభఙ్గవారో

హేతుపచ్చయో

౯౫. ఉపాదానఞ్చేవ ఉపాదానియఞ్చ ధమ్మం పటిచ్చ ఉపాదానో చేవ ఉపాదానియో చ ధమ్మో ఉప్పజ్జతి హేతుపచ్చయా – దిట్ఠుపాదానం పటిచ్చ కాముపాదానం, కాముపాదానం పటిచ్చ దిట్ఠుపాదానం (చక్కం). (౧)

ఉపాదానఞ్చేవ ఉపాదానియఞ్చ ధమ్మం పటిచ్చ ఉపాదానియో చేవ నో చ ఉపాదానో ధమ్మో ఉప్పజ్జతి హేతుపచ్చయా – ఉపాదానే పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౧)

ఉపాదానఞ్చేవ ఉపాదానియఞ్చ ధమ్మం పటిచ్చ ఉపాదానో చేవ ఉపాదానియో చ ఉపాదానియో చేవ నో చ ఉపాదానో చ ధమ్మా ఉప్పజ్జన్తి హేతుపచ్చయా – దిట్ఠుపాదానం పటిచ్చ కాముపాదానం సమ్పయుత్తకా చ ఖన్ధా చిత్తసముట్ఠానానఞ్చ రూపం (చక్కం). (౩)

౯౬. ఉపాదానియఞ్చేవ నో చ ఉపాదానం ధమ్మం పటిచ్చ ఉపాదానియో చేవ నో చ ఉపాదానో ధమ్మో ఉప్పజ్జతి హేతుపచ్చయా – ఉపాదానియఞ్చేవ నో చ ఉపాదానం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… పటిసన్ధిక్ఖణే…పే… (యావ అజ్ఝత్తికా మహాభూతా). (౧)

ఉపాదానియఞ్చేవ నో చ ఉపాదానం ధమ్మం పటిచ్చ ఉపాదానో చేవ ఉపాదానియో చ ధమ్మో ఉప్పజ్జతి హేతుపచ్చయా – ఉపాదానియే చేవ నో చ ఉపాదానే ఖన్ధే పటిచ్చ ఉపాదానా. (౨)

ఉపాదానియఞ్చేవ నో చ ఉపాదానం ధమ్మం పటిచ్చ ఉపాదానో చేవ ఉపాదానియో చ ఉపాదానియో చేవ నో చ ఉపాదానో చ ధమ్మా ఉప్పజ్జన్తి హేతుపచ్చయా – ఉపాదానియఞ్చేవ నో చ ఉపాదానం ఏకం ఖన్ధం పటిచ్చ తయో ఖన్ధా ఉపాదానా చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౯౭. ఉపాదానఞ్చేవ ఉపాదానియఞ్చ ఉపాదానియఞ్చేవ నో చ ఉపాదానఞ్చ ధమ్మం పటిచ్చ ఉపాదానో చేవ ఉపాదానియో చ ధమ్మో ఉప్పజ్జతి హేతుపచ్చయా – దిట్ఠుపాదానఞ్చ సమ్పయుత్తకే చ ఖన్ధే పటిచ్చ కాముపాదానం (చక్కం). (౧)

ఉపాదానఞ్చేవ ఉపాదానియఞ్చ ఉపాదానియఞ్చేవ నో చ ఉపాదానఞ్చ ధమ్మం పటిచ్చ ఉపాదానియో చేవ నో చ ఉపాదానో ధమ్మో ఉప్పజ్జతి హేతుపచ్చయా – ఉపాదానియఞ్చేవ నో చ ఉపాదానం ఏకం ఖన్ధఞ్చ ఉపాదానే చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే… ఉపాదానే చ మహాభూతే చ పటిచ్చ చిత్తసముట్ఠానం రూపం. (౨)

ఉపాదానఞ్చేవ ఉపాదానియఞ్చ ఉపాదానియఞ్చేవ నో చ ఉపాదానఞ్చ ధమ్మం పటిచ్చ ఉపాదానో చేవ ఉపాదానియో చ ఉపాదానియో చేవ నో చ ఉపాదానో చ ధమ్మా ఉప్పజ్జన్తి హేతుపచ్చయా – ఉపాదానియఞ్చేవ నో చ ఉపాదానం ఏకం ఖన్ధఞ్చ దిట్ఠుపాదానఞ్చ పటిచ్చ తయో ఖన్ధా కాముపాదానఞ్చ చిత్తసముట్ఠానఞ్చ రూపం…పే… ద్వే ఖన్ధే చ…పే… (చక్కం). (౩)