౧. విభఙ్గవారో

హేతుపచ్చయో

౬౩. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స హేతుపచ్చయేన పచ్చయో – ఉపాదానసమ్పయుత్తా హేతూ సమ్పయుత్తకానం ఖన్ధానం హేతుపచ్చయేన పచ్చయో. (౧)

ఉపాదానసమ్పయుత్తో ధమ్మో ఉపాదానవిప్పయుత్తస్స ధమ్మస్స హేతుపచ్చయేన పచ్చయో – ఉపాదానసమ్పయుత్తా హేతూ చిత్తసముట్ఠానానం రూపానం హేతుపచ్చయేన పచ్చయో; దిట్ఠిగతవిప్పయుత్తలోభసహగతా హేతూ దిట్ఠిగతవిప్పయుత్తలోభస్స చిత్తసముట్ఠానానఞ్చ రూపానం హేతుపచ్చయేన పచ్చయో. (మూలం కాతబ్బం) ఉపాదానసమ్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; దిట్ఠిగతవిప్పయుత్తలోభసహగతా హేతూ సమ్పయుత్తకానం ఖన్ధానం లోభస్స చ చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౬౪. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స హేతుపచ్చయేన పచ్చయో – ఉపాదానవిప్పయుత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; దిట్ఠిగతవిప్పయుత్తో లోభో చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (మూలం కాతబ్బం) దిట్ఠిగతవిప్పయుత్తో లోభో సమ్పయుత్తకానం ఖన్ధానం హేతుపచ్చయేన పచ్చయో. (మూలం కాతబ్బం) దిట్ఠిగతవిప్పయుత్తో లోభో సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

౬౫. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స హేతుపచ్చయేన పచ్చయో – దిట్ఠిగతవిప్పయుత్తలోభసహగతో మోహో చ లోభో చ సమ్పయుత్తకానం ఖన్ధానం హేతుపచ్చయేన పచ్చయో. (మూలం కాతబ్బం) దిట్ఠిగతవిప్పయుత్తలోభసహగతో మోహో చ లోభో చ చిత్తసముట్ఠానానం రూపానం హేతుపచ్చయేన పచ్చయో. (౨)

ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స హేతుపచ్చయేన పచ్చయో – దిట్ఠిగతవిప్పయుత్తలోభసహగతో మోహో చ లోభో చ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (౩)

ఆరమ్మణపచ్చయో

౬౬. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స ఆరమ్మణపచ్చయేన పచ్చయో – ఉపాదానసమ్పయుత్తే ఖన్ధే ఆరబ్భ ఉపాదానసమ్పయుత్తా ఖన్ధా ఉప్పజ్జన్తి. (మూలం కాతబ్బం) ఉపాదానసమ్పయుత్తే ఖన్ధే ఆరబ్భ ఉపాదానవిప్పయుత్తా ఖన్ధా చ లోభో చ ఉప్పజ్జన్తి. (మూలం కాతబ్బం) ఉపాదానసమ్పయుత్తే ఖన్ధే ఆరబ్భ దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. (౩)

౬౭. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం…పే… పుబ్బే సుచిణ్ణాని…పే… ఝానా వుట్ఠహిత్వా ఝానం పచ్చవేక్ఖతి, అస్సాదేతి అభినన్దతి, తం ఆరబ్భ దిట్ఠిగతవిప్పయుత్తో రాగో…పే… విచికిచ్ఛా…పే… ఉద్ధచ్చం ఉప్పజ్జతి, ఝానే పరిహీనే విప్పటిసారిస్స దోమనస్సం ఉప్పజ్జతి. అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం…పే… నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. అరియా ఉపాదానవిప్పయుత్తే పహీనే కిలేసే…పే… విక్ఖమ్భితే కిలేసే…పే… పుబ్బే సముదాచిణ్ణే కిలేసే…పే… చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ అనిచ్చతో…పే… విపస్సతి, అస్సాదేతి అభినన్దతి, తం ఆరబ్భ దిట్ఠిగతవిప్పయుత్తో రాగో…పే… విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి…పే… (సబ్బం పరిపుణ్ణం), దిబ్బేన చక్ఖునా… (యావ కాయవిఞ్ఞాణం), ఉపాదానవిప్పయుత్తా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స ఆరమ్మణపచ్చయేన పచ్చయో – దానం …పే… ఝానం…పే… చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి. (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స ఆరమ్మణపచ్చయేన పచ్చయో – చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ ఆరబ్భ దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. (౩)

౬౮. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స ఆరమ్మణపచ్చయేన పచ్చయో – దిట్ఠిగతవిప్పయుత్తలోభసహగతే ఖన్ధే చ లోభఞ్చ ఆరబ్భ ఉపాదానసమ్పయుత్తా ఖన్ధా ఉప్పజ్జన్తి. (మూలం కాతబ్బం) దిట్ఠిగతవిప్పయుత్తలోభసహగతే ఖన్ధే చ లోభఞ్చ ఆరబ్భ ఉపాదానవిప్పయుత్తా ఖన్ధా చ లోభో చ ఉప్పజ్జన్తి. (మూలం కాతబ్బం) దిట్ఠిగతవిప్పయుత్తలోభసహగతే ఖన్ధే చ లోభఞ్చ ఆరబ్భ దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. (౩)

అధిపతిపచ్చయో

౬౯. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – ఉపాదానసమ్పయుత్తే ఖన్ధే గరుం కత్వా ఉపాదానసమ్పయుత్తా ఖన్ధా ఉప్పజ్జన్తి. సహజాతాధిపతి – ఉపాదానసమ్పయుత్తాధిపతి సమ్పయుత్తకానం ఖన్ధానం అధిపతిపచ్చయేన పచ్చయో. (మూలం కాతబ్బం) ఆరమ్మణాధిపతి, సహజాతాధిపతి. ఆరమ్మణాధిపతి – ఉపాదానసమ్పయుత్తే ఖన్ధే గరుం కత్వా దిట్ఠిగతవిప్పయుత్తో లోభో ఉప్పజ్జతి. సహజాతాధిపతి – ఉపాదానసమ్పయుత్తాధిపతి చిత్తసముట్ఠానానం రూపానం అధిపతిపచ్చయేన పచ్చయో; దిట్ఠిగతవిప్పయుత్తలోభసహగతాధిపతి లోభస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (మూలం కాతబ్బం) ఆరమ్మణాధిపతి, సహజాతాధిపతి. ఆరమ్మణాధిపతి – ఉపాదానసమ్పయుత్తే ఖన్ధే గరుం కత్వా దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. సహజాతాధిపతి – ఉపాదానసమ్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో; దిట్ఠిగతవిప్పయుత్తలోభసహగతాధిపతి సమ్పయుత్తకానం ఖన్ధానం లోభస్స చ చిత్తసముట్ఠానానఞ్చ రూపానం అధిపతిపచ్చయేన పచ్చయో. (౩)

౭౦. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఝానా వుట్ఠహిత్వా ఝానం గరుం కత్వా పచ్చవేక్ఖతి, అస్సాదేతి అభినన్దతి, తం గరుం కత్వా దిట్ఠిగతవిప్పయుత్తో రాగో ఉప్పజ్జతి…పే… అరియా మగ్గా వుట్ఠహిత్వా…పే… ఫలస్స అధిపతిపచ్చయేన పచ్చయో; చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ గరుం కత్వా అస్సాదేతి అభినన్దతి, తం గరుం కత్వా దిట్ఠిగతవిప్పయుత్తో రాగో ఉప్పజ్జతి. సహజాతాధిపతి – ఉపాదానవిప్పయుత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దానం…పే… ఝానం…పే… చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – చక్ఖుం…పే… వత్థుం ఉపాదానవిప్పయుత్తే ఖన్ధే చ లోభఞ్చ గరుం కత్వా దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. (౩)

౭౧. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – దిట్ఠిగతవిప్పయుత్తలోభసహగతే ఖన్ధే చ లోభఞ్చ గరుం కత్వా ఉపాదానసమ్పయుత్తా ఖన్ధా ఉప్పజ్జన్తి. (మూలం కాతబ్బం) దిట్ఠిగతవిప్పయుత్తలోభసహగతే ఖన్ధే చ లోభఞ్చ గరుం కత్వా దిట్ఠిగతవిప్పయుత్తో లోభో ఉప్పజ్జతి. (మూలం కాతబ్బం) దిట్ఠిగతవిప్పయుత్తలోభసహగతే ఖన్ధే చ లోభఞ్చ గరుం కత్వా దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. (౩)

అనన్తరపచ్చయో

౭౨. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా ఉపాదానసమ్పయుత్తా ఖన్ధా పచ్ఛిమానం పచ్ఛిమానం ఉపాదానసమ్పయుత్తకానం ఖన్ధానం అనన్తరపచ్చయేన పచ్చయో. (మూలం కాతబ్బం) పురిమా పురిమా దిట్ఠిగతవిప్పయుత్తలోభసహగతా ఖన్ధా పచ్ఛిమస్స పచ్ఛిమస్స దిట్ఠిగతవిప్పయుత్తస్స లోభస్స అనన్తరపచ్చయేన పచ్చయో; ఉపాదానసమ్పయుత్తా ఖన్ధా వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమా పురిమా దిట్ఠిగతవిప్పయుత్తలోభసహగతా ఖన్ధా పచ్ఛిమానం పచ్ఛిమానం దిట్ఠిగతవిప్పయుత్తలోభసహగతానం ఖన్ధానం లోభస్స చ అనన్తరపచ్చయేన పచ్చయో. (౩)

౭౩. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స అనన్తరపచ్చయేన పచ్చయో – పురిమో పురిమో దిట్ఠిగతవిప్పయుత్తో లోభో పచ్ఛిమస్స పచ్ఛిమస్స దిట్ఠిగతవిప్పయుత్తస్స లోభస్స అనన్తరపచ్చయేన పచ్చయో; పురిమా పురిమా ఉపాదానవిప్పయుత్తా ఖన్ధా పచ్ఛిమానం పచ్ఛిమానం ఉపాదానవిప్పయుత్తానం ఖన్ధానం అనన్తరపచ్చయేన పచ్చయో; దిట్ఠిగతవిప్పయుత్తో లోభో వుట్ఠానస్స అనన్తరపచ్చయేన పచ్చయో; అనులోమం గోత్రభుస్స…పే… ఫలసమాపత్తియా అనన్తరపచ్చయేన పచ్చయో. (మూలం కాతబ్బం) పురిమో పురిమో దిట్ఠిగతవిప్పయుత్తో లోభో పచ్ఛిమానం పచ్ఛిమానం దిట్ఠిగతవిప్పయుత్తలోభసహగతానం ఖన్ధానం అనన్తరపచ్చయేన పచ్చయో. ఆవజ్జనా ఉపాదానసమ్పయుత్తకానం ఖన్ధానం అనన్తరపచ్చయేన పచ్చయో. (మూలం కాతబ్బం) పురిమో పురిమో దిట్ఠిగతవిప్పయుత్తో లోభో పచ్ఛిమానం పచ్ఛిమానం దిట్ఠిగతవిప్పయుత్తలోభసహగతానం ఖన్ధానం లోభస్స చ అనన్తరపచ్చయేన పచ్చయో; ఆవజ్జనా దిట్ఠిగతవిప్పయుత్తలోభసహగతానం ఖన్ధానం లోభస్స చ అనన్తరపచ్చయేన పచ్చయో. (౩)

౭౪. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స అనన్తరపచ్చయేన పచ్చయో – పురిమా పురిమా దిట్ఠిగతవిప్పయుత్తలోభసహగతా ఖన్ధా చ లోభో చ పచ్ఛిమానం పచ్ఛిమానం దిట్ఠిగతవిప్పయుత్తలోభసహగతానం ఖన్ధానం అనన్తరపచ్చయేన పచ్చయో. (మూలం కాతబ్బం) పురిమా పురిమా దిట్ఠిగతవిప్పయుత్తలోభసహగతా ఖన్ధా చ లోభో చ పచ్ఛిమస్స పచ్ఛిమస్స దిట్ఠిగతవిప్పయుత్తస్స లోభస్స అనన్తరపచ్చయేన పచ్చయో; దిట్ఠిగతవిప్పయుత్తలోభసహగతా ఖన్ధా చ లోభో చ వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమా పురిమా దిట్ఠిగతవిప్పయుత్తలోభసహగతా ఖన్ధా చ లోభో చ పచ్ఛిమానం పచ్ఛిమానం దిట్ఠిగతవిప్పయుత్తలోభసహగతానం ఖన్ధానం లోభస్స చ అనన్తరపచ్చయేన పచ్చయో. (౩)

సమనన్తరపచ్చయాది

౭౫. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స సమనన్తరపచ్చయేన పచ్చయో… సహజాతపచ్చయేన పచ్చయో… (పటిచ్చసదిసం) నవ… అఞ్ఞమఞ్ఞపచ్చయేన పచ్చయో… (పటిచ్చసదిసం) ఛ… నిస్సయపచ్చయేన పచ్చయో… (పచ్చయవారసదిసం) నవ.

ఉపనిస్సయపచ్చయో

౭౬. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – ఉపాదానసమ్పయుత్తా ఖన్ధా ఉపాదానసమ్పయుత్తకానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం) ఉపాదానసమ్పయుత్తా ఖన్ధా ఉపాదానవిప్పయుత్తకానం ఖన్ధానం లోభస్స చ ఉపనిస్సయపచ్చయేన పచ్చయో. (మూలం కాతబ్బం) ఉపాదానసమ్పయుత్తా ఖన్ధా దిట్ఠిగతవిప్పయుత్తలోభసహగతానం ఖన్ధానం లోభస్స చ ఉపనిస్సయపచ్చయేన పచ్చయో. (౩)

౭౭. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, సీలం…పే… పఞ్ఞం… ఉపాదానవిప్పయుత్తం రాగం… మానం… పత్థనం…పే… సేనాసనం ఉపనిస్సాయ దానం దేతి…పే… సఙ్ఘం భిన్దతి; సద్ధా…పే… సేనాసనం సద్ధాయ…పే… పఞ్ఞాయ ఉపాదానవిప్పయుత్తస్స రాగస్స… మానస్స… పత్థనాయ… కాయికస్స సుఖస్స…పే… ఫలసమాపత్తియా ఉపనిస్సయపచ్చయేన పచ్చయో. (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స ఉపనిస్సయపచ్చయేన పచ్చయో – (తీణి ఉపనిస్సయా) సద్ధం ఉపనిస్సాయ మానం జప్పేతి, దిట్ఠిం గణ్హాతి, సీలం…పే… పఞ్ఞం… ఉపాదానవిప్పయుత్తం రాగం… మానం… పత్థనం… సేనాసనం ఉపనిస్సాయ అదిన్నం…పే… ముసా…పే… పిసుణం…పే… సమ్ఫం…పే… సన్ధిం…పే… నిల్లోపం…పే… ఏకాగారికం…పే… పరిపన్థే…పే… పరదారం…పే… గామఘాతం…పే… నిగమఘాతం కరోతి. సద్ధా…పే… సేనాసనం ఉపాదానసమ్పయుత్తస్స రాగస్స… మోహస్స… మానస్స… దిట్ఠియా… పత్థనాయ ఉపనిస్సయపచ్చయేన పచ్చయో. (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ మానం జప్పేతి, సీలం…పే… పఞ్ఞం… ఉపాదానవిప్పయుత్తం రాగం…పే… సేనాసనం ఉపనిస్సాయ అదిన్నం ఆదియతి…పే… గామఘాతం కరోతి… నిగమఘాతం కరోతి…. సద్ధా…పే… సేనాసనం దిట్ఠిగతవిప్పయుత్తలోభసహగతానం ఖన్ధానం లోభస్స చ ఉపనిస్సయపచ్చయేన పచ్చయో. (౩)

౭౮. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స ఉపనిస్సయపచ్చయేన పచ్చయో – దిట్ఠిగతవిప్పయుత్తలోభసహగతా ఖన్ధా చ లోభో చ ఉపాదానసమ్పయుత్తకానం ఖన్ధానం ఉపనిస్సయపచ్చయేన పచ్చయో. (మూలం కాతబ్బం) దిట్ఠిగతవిప్పయుత్తలోభసహగతా ఖన్ధా చ లోభో చ ఉపాదానవిప్పయుత్తకానం ఖన్ధానం లోభస్స చ ఉపనిస్సయపచ్చయేన పచ్చయో. (మూలం కాతబ్బం) దిట్ఠిగతవిప్పయుత్తలోభసహగతా ఖన్ధా చ లోభో చ దిట్ఠిగతవిప్పయుత్తలోభసహగతానం ఖన్ధానం లోభస్స చ ఉపనిస్సయపచ్చయేన పచ్చయో. (౩)

పురేజాతపచ్చయో

౭౯. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం…పే… వత్థు ఉపాదానవిప్పయుత్తకానం ఖన్ధానం లోభస్స చ పురేజాతపచ్చయేన పచ్చయో. (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి. వత్థుపురేజాతం – వత్థు ఉపాదానసమ్పయుత్తకానం ఖన్ధానం పురేజాతపచ్చయేన పచ్చయో. (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం ఆరబ్భ దిట్ఠిగతవిప్పయుత్తలోభసహగతా ఖన్ధా చ లోభో చ ఉప్పజ్జన్తి. వత్థుపురేజాతం – వత్థు దిట్ఠిగతవిప్పయుత్తలోభసహగతానం ఖన్ధానం లోభస్స చ పురేజాతపచ్చయేన పచ్చయో. (౩)

పచ్ఛాజాతాసేవనపచ్చయా

౮౦. ఉపాదానసమ్పయుత్తో ధమ్మో ఉపాదానవిప్పయుత్తస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)

ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)

ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానవిప్పయుత్తస్స ధమ్మస్స పచ్ఛాజాతపచ్చయేన పచ్చయో. (సంఖిత్తం.) (౧) …ఆసేవనపచ్చయేన పచ్చయో.

కమ్మ-విపాకపచ్చయా

౮౧. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స కమ్మపచ్చయేన పచ్చయో – ఉపాదానసమ్పయుత్తా చేతనా సమ్పయుత్తకానం ఖన్ధానం కమ్మపచ్చయేన పచ్చయో. (౧)

ఉపాదానసమ్పయుత్తో ధమ్మో ఉపాదానవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – ఉపాదానసమ్పయుత్తా చేతనా చిత్తసముట్ఠానానం రూపానం కమ్మపచ్చయేన పచ్చయో; దిట్ఠిగతవిప్పయుత్తలోభసహగతా చేతనా లోభస్స చిత్తసముట్ఠానానఞ్చ రూపానం కమ్మపచ్చయేన పచ్చయో. నానాక్ఖణికా – ఉపాదానసమ్పయుత్తా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౨)

ఉపాదానసమ్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స కమ్మపచ్చయేన పచ్చయో – ఉపాదానసమ్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; దిట్ఠిగతవిప్పయుత్తలోభసహగతా చేతనా సమ్పయుత్తకానం ఖన్ధానం లోభస్స చ చిత్తసముట్ఠానానఞ్చ రూపానం కమ్మపచ్చయేన పచ్చయో. (౩)

౮౨. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – ఉపాదానవిప్పయుత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – ఉపాదానవిప్పయుత్తా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స విపాకపచ్చయేన పచ్చయో – విపాకో ఉపాదానవిప్పయుత్తో ఏకో…పే… ఏకం.

ఆహారపచ్చయాది

౮౩. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స ఆహారపచ్చయేన పచ్చయో… ఇన్ద్రియపచ్చయేన పచ్చయో… ఝానపచ్చయేన పచ్చయో… మగ్గపచ్చయేన పచ్చయో (ఇమేసు చతూసుపి యథా కమ్మపచ్చయే దిట్ఠిగతవిప్పయుత్తో లోభో దస్సితో ఏవం దస్సేతబ్బో. చత్తారి చత్తారి పఞ్హా)… సమ్పయుత్తపచ్చయేన పచ్చయో… ఛ.

విప్పయుత్తపచ్చయో

౮౪. ఉపాదానసమ్పయుత్తో ధమ్మో ఉపాదానవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు ఉపాదానసమ్పయుత్తకానం ఖన్ధానం విప్పయుత్తపచ్చయేన పచ్చయో. (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు దిట్ఠిగతవిప్పయుత్తలోభసహగతానం ఖన్ధానం లోభస్స చ విప్పయుత్తపచ్చయేన పచ్చయో. (౩)

ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానవిప్పయుత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – దిట్ఠిగతవిప్పయుత్తలోభసహగతా ఖన్ధా చ లోభో చ చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా…పే….

అత్థిపచ్చయాది

౮౫. ఉపాదానసమ్పయుత్తో ధమ్మో ఉపాదానసమ్పయుత్తస్స ధమ్మస్స అత్థిపచ్చయేన పచ్చయో… ఏకం (పటిచ్చసదిసం). (౧)

ఉపాదానసమ్పయుత్తో ధమ్మో ఉపాదానవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం (సంఖిత్తం). (౨)

ఉపాదానసమ్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స అత్థిపచ్చయేన పచ్చయో (పటిచ్చసదిసం). (౩)

౮౬. ఉపాదానవిప్పయుత్తో ధమ్మో ఉపాదానవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)

ఉపాదానవిప్పయుత్తో ధమ్మో ఉపాదానసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం). (౨)

ఉపాదానవిప్పయుత్తో ధమ్మో ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం (ఇమేసు సహజాతం సహజాతసదిసం, పురేజాతం పురేజాతసదిసం). (౩)

౮౭. ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – ఉపాదానసమ్పయుత్తో ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – దిట్ఠిగతవిప్పయుత్తలోభసహగతో ఏకో ఖన్ధో చ లోభో చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. (౧)

ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానవిప్పయుత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతా – ఉపాదానసమ్పయుత్తా ఖన్ధా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. సహజాతా – దిట్ఠిగతవిప్పయుత్తలోభసహగతా ఖన్ధా చ లోభో చ చిత్తసముట్ఠానానం రూపానం అత్థిపచ్చయేన పచ్చయో. సహజాతా – దిట్ఠిగతవిప్పయుత్తలోభసహగతా ఖన్ధా చ వత్థు చ లోభస్స అత్థిపచ్చయేన పచ్చయో. పచ్ఛాజాతా – దిట్ఠిగతవిప్పయుత్తలోభసహగతా ఖన్ధా చ లోభో చ పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – దిట్ఠిగతవిప్పయుత్తలోభసహగతా ఖన్ధా చ లోభో చ కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – దిట్ఠిగతవిప్పయుత్తలోభసహగతా ఖన్ధా చ లోభో చ రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)

ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉపాదానసమ్పయుత్తస్స చ ఉపాదానవిప్పయుత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – దిట్ఠిగతవిప్పయుత్తలోభసహగతో ఏకో ఖన్ధో చ లోభో చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతో – దిట్ఠిగతవిప్పయుత్తలోభసహగతో ఏకో ఖన్ధో చ వత్థు చ తిణ్ణన్నం ఖన్ధానం లోభస్స చ అత్థిపచ్చయేన పచ్చయో…పే… ద్వే ఖన్ధా చ…పే…. (౩)

నత్థిపచ్చయేన పచ్చయో… విగతపచ్చయేన పచ్చయో… అవిగతపచ్చయేన పచ్చయో.