౧. విభఙ్గవారో

హేతుపచ్చయో

౫౭. ఉపాదానసమ్పయుత్తం ధమ్మం పచ్చయా ఉపాదానసమ్పయుత్తో ధమ్మో ఉప్పజ్జతి హేతుపచ్చయా… తీణి (పటిచ్చసదిసం).

ఉపాదానవిప్పయుత్తం ధమ్మం పచ్చయా ఉపాదానవిప్పయుత్తో ధమ్మో ఉప్పజ్జతి హేతుపచ్చయా – ఉపాదానవిప్పయుత్తం ఏకం ఖన్ధం పచ్చయా…పే… (యావ అజ్ఝత్తికా మహాభూతా) వత్థుం పచ్చయా ఉపాదానవిప్పయుత్తా ఖన్ధా, వత్థుం పచ్చయా దిట్ఠిగతవిప్పయుత్తో లోభో. (౧)

ఉపాదానవిప్పయుత్తం ధమ్మం పచ్చయా ఉపాదానసమ్పయుత్తో ధమ్మో ఉప్పజ్జతి హేతుపచ్చయా – వత్థుం పచ్చయా ఉపాదానసమ్పయుత్తా ఖన్ధా, దిట్ఠిగతవిప్పయుత్తం లోభం పచ్చయా సమ్పయుత్తకా ఖన్ధా. (౨)

ఉపాదానవిప్పయుత్తం ధమ్మం పచ్చయా ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి హేతుపచ్చయా – వత్థుం పచ్చయా ఉపాదానసమ్పయుత్తకా ఖన్ధా, మహాభూతే పచ్చయా చిత్తసముట్ఠానం రూపం; దిట్ఠిగతవిప్పయుత్తం లోభం పచ్చయా సమ్పయుత్తకా ఖన్ధా చిత్తసముట్ఠానఞ్చ రూపం, వత్థుం పచ్చయా దిట్ఠిగతవిప్పయుత్తలోభసహగతా ఖన్ధా చ లోభో చ. (౩)

౫౮. ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పచ్చయా ఉపాదానసమ్పయుత్తో ధమ్మో ఉప్పజ్జతి హేతుపచ్చయా – ఉపాదానసమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే… దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పచ్చయా తయో ఖన్ధా…పే… ద్వే ఖన్ధే చ…పే…. (౧)

ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పచ్చయా ఉపాదానవిప్పయుత్తో ధమ్మో ఉప్పజ్జతి హేతుపచ్చయా – ఉపాదానసమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే చ లోభఞ్చ పచ్చయా చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే చ వత్థుఞ్చ పచ్చయా లోభో. (౨)

ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పచ్చయా ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి హేతుపచ్చయా – ఉపాదానసమ్పయుత్తం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే… ఉపాదానసమ్పయుత్తే ఖన్ధే చ మహాభూతే చ పచ్చయా చిత్తసముట్ఠానం రూపం; దిట్ఠిగతవిప్పయుత్తలోభసహగతం ఏకం ఖన్ధఞ్చ వత్థుఞ్చ పచ్చయా తయో ఖన్ధా లోభో చ…పే… ద్వే ఖన్ధే చ…పే…. (౩) (సంఖిత్తం. ఆరమ్మణపచ్చయమ్హి పఞ్చ విఞ్ఞాణా కాతబ్బా.)