౧. విభఙ్గవారో

హేతుపచ్చయో

౪౫. ఉపాదానసమ్పయుత్తం ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి హేతుపచ్చయా – ఉపాదానసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఉపాదానసమ్పయుత్తం ధమ్మం పటిచ్చ ఉపాదానవిప్పయుత్తో ధమ్మో ఉప్పజ్జతి హేతుపచ్చయా – ఉపాదానసమ్పయుత్తే ఖన్ధే పటిచ్చ చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే పటిచ్చ లోభో చిత్తసముట్ఠానఞ్చ రూపం. (౨)

ఉపాదానసమ్పయుత్తం ధమ్మం పటిచ్చ ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి హేతుపచ్చయా – ఉపాదానసమ్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దిట్ఠిగతవిప్పయుత్తలోభసహగతం ఏకం ఖన్ధం పటిచ్చ తయో ఖన్ధా లోభో చ చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪౬. ఉపాదానవిప్పయుత్తం ధమ్మం పటిచ్చ ఉపాదానవిప్పయుత్తో ధమ్మో ఉప్పజ్జతి హేతుపచ్చయా – ఉపాదానవిప్పయుత్తం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… దిట్ఠిగతవిప్పయుత్తం లోభం పటిచ్చ చిత్తసముట్ఠానం రూపం; పటిసన్ధిక్ఖణే ఉపాదానవిప్పయుత్తం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం…పే…. (౧)

ఉపాదానవిప్పయుత్తం ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా. (౨)

ఉపాదానవిప్పయుత్తం ధమ్మం పటిచ్చ ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి హేతుపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా చిత్తసముట్ఠానఞ్చ రూపం. (౩)

౪౭. ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి హేతుపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౧)

ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పటిచ్చ ఉపాదానవిప్పయుత్తో ధమ్మో ఉప్పజ్జతి హేతుపచ్చయా – ఉపాదానసమ్పయుత్తే ఖన్ధే చ మహాభూతే చ పటిచ్చ చిత్తసముట్ఠానం రూపం, దిట్ఠిగతవిప్పయుత్తలోభసహగతే ఖన్ధే చ లోభఞ్చ పటిచ్చ చిత్తసముట్ఠానం రూపం. (౨)

ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పటిచ్చ ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి హేతుపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే చ…పే…. (౩)

ఆరమ్మణపచ్చయో

౪౮. ఉపాదానసమ్పయుత్తం ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి ఆరమ్మణపచ్చయా – ఉపాదానసమ్పయుత్తం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే…. (౧)

ఉపాదానసమ్పయుత్తం ధమ్మం పటిచ్చ ఉపాదానవిప్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తలోభసహగతే ఖన్ధే పటిచ్చ లోభో. (౨)

ఉపాదానసమ్పయుత్తం ధమ్మం పటిచ్చ ఉపాదానసమ్పయుత్తో చ ఉపాదానవిప్పయుత్తో చ ధమ్మా ఉప్పజ్జన్తి ఆరమ్మణపచ్చయా – దిట్ఠిగతవిప్పయుత్తలోభసహగతం ఏకం ఖన్ధం పటిచ్చ తయో ఖన్ధా లోభో చ…పే… ద్వే ఖన్ధే…పే…. (౩)

౪౯. ఉపాదానవిప్పయుత్తం ధమ్మం పటిచ్చ ఉపాదానవిప్పయుత్తో ధమ్మో ఉప్పజ్జతి ఆరమ్మణపచ్చయా – ఉపాదానవిప్పయుత్తం ఏకం ఖన్ధం…పే… ద్వే ఖన్ధే…పే… పటిసన్ధిక్ఖణే…పే… వత్థుం పటిచ్చ ఖన్ధా. (౧)

ఉపాదానవిప్పయుత్తం ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తం లోభం పటిచ్చ సమ్పయుత్తకా ఖన్ధా. (౨)

ఉపాదానసమ్పయుత్తఞ్చ ఉపాదానవిప్పయుత్తఞ్చ ధమ్మం పటిచ్చ ఉపాదానసమ్పయుత్తో ధమ్మో ఉప్పజ్జతి ఆరమ్మణపచ్చయా – దిట్ఠిగతవిప్పయుత్తలోభసహగతం ఏకం ఖన్ధఞ్చ లోభఞ్చ పటిచ్చ తయో ఖన్ధా…పే… ద్వే ఖన్ధే చ…పే…. (౩) (సంఖిత్తం.)