౧. విభఙ్గవారో
హేతుపచ్చయో
౧౭. ఉపాదానో ధమ్మో ఉపాదానస్స ధమ్మస్స హేతుపచ్చయేన పచ్చయో – ఉపాదానా హేతూ సమ్పయుత్తకానం ఉపాదానానం హేతుపచ్చయేన పచ్చయో. (మూలం కాతబ్బం) ఉపాదానా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (మూలం కాతబ్బం) ఉపాదానా హేతూ సమ్పయుత్తకానం ఖన్ధానం ఉపాదానానఞ్చ చిత్తసముట్ఠానానం రూపానం హేతుపచ్చయేన పచ్చయో. (౩)
౧౮. నోఉపాదానో ధమ్మో నోఉపాదానస్స ధమ్మస్స హేతుపచ్చయేన పచ్చయో – నోఉపాదానా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)
నోఉపాదానో ధమ్మో ఉపాదానస్స ధమ్మస్స హేతుపచ్చయేన పచ్చయో – నోఉపాదానా హేతూ సమ్పయుత్తకానం ఉపాదానానం హేతుపచ్చయేన పచ్చయో. (మూలం కాతబ్బం) నోఉపాదానా హేతూ సమ్పయుత్తకానం ఖన్ధానం ఉపాదానానఞ్చ చిత్తసముట్ఠానానం రూపానం హేతుపచ్చయేన పచ్చయో. (౩)
౧౯. ఉపాదానో చ నోఉపాదానో చ ధమ్మా ఉపాదానస్స ధమ్మస్స హేతుపచ్చయేన పచ్చయో – ఉపాదానా చ నోఉపాదానా చ హేతూ సమ్పయుత్తకానం ఉపాదానానం హేతుపచ్చయేన పచ్చయో. (మూలం కాతబ్బం) ఉపాదానా చ నోఉపాదానా చ హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో. (మూలం కాతబ్బం) ఉపాదానా చ నోఉపాదానా చ హేతూ సమ్పయుత్తకానం ఖన్ధానం ఉపాదానానఞ్చ చిత్తసముట్ఠానానం రూపానం హేతుపచ్చయేన పచ్చయో. (౩)
ఆరమ్మణపచ్చయో
౨౦. ఉపాదానో ధమ్మో ఉపాదానస్స ధమ్మస్స ఆరమ్మణపచ్చయేన పచ్చయో – ఉపాదానే ఆరబ్భ ఉపాదానా ఉప్పజ్జన్తి… తీణి (ఆరబ్భ కాతబ్బా).
నోఉపాదానో ధమ్మో నోఉపాదానస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం పచ్చవేక్ఖతి అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి; విచికిచ్ఛా…పే… ఉద్ధచ్చం…పే… దోమనస్సం ఉప్పజ్జతి; పుబ్బే సుచిణ్ణాని…పే… ఝానా వుట్ఠహిత్వా ఝానం పచ్చవేక్ఖతి, అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం…పే… నిబ్బానం పచ్చవేక్ఖన్తి; నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. అరియా నోఉపాదానే పహీనే కిలేసే …పే… విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే…పే… చక్ఖుం…పే… వత్థుం నోఉపాదానే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోఉపాదానచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోఉపాదానా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా తం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి; పుబ్బే సుచిణ్ణాని…పే… ఝానా…పే… చక్ఖుం…పే… వత్థుం నోఉపాదానే ఖన్ధే అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స ఆరమ్మణపచ్చయేన పచ్చయో – దానం…పే… సీలం…పే… ఉపోసథకమ్మం కత్వా…పే… పుబ్బే సుచిణ్ణాని …పే… ఝానా వుట్ఠహిత్వా ఝానం…పే… చక్ఖుం…పే… వత్థుం నోఉపాదానే ఖన్ధే అస్సాదేతి అభినన్దతి, తం ఆరబ్భ ఉపాదానా చ సమ్పయుత్తకా చ ఖన్ధా ఉప్పజ్జన్తి. (౩)
ఉపాదానో చ నోఉపాదానో చ ధమ్మా ఉపాదానస్స ధమ్మస్స ఆరమ్మణపచ్చయేన పచ్చయో… తీణి (ఆరబ్భ కాతబ్బా).
అధిపతిపచ్చయో
౨౧. ఉపాదానో ధమ్మో ఉపాదానస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – ఉపాదానే గరుం కత్వా ఉపాదానా ఉప్పజ్జన్తి… తీణి (ఆరమ్మణాధిపతియేవ).
౨౨. నోఉపాదానో ధమ్మో నోఉపాదానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం దత్వా సీలం…పే… ఉపోసథకమ్మం…పే… పుబ్బే…పే… ఝానా వుట్ఠహిత్వా ఝానం గరుం కత్వా పచ్చవేక్ఖతి, అస్సాదేతి అభినన్దతి, అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి…పే… ఫలస్స అధిపతిపచ్చయేన పచ్చయో; చక్ఖుం…పే… వత్థుం నోఉపాదానే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోఉపాదానాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి; పుబ్బే…పే… ఝానా…పే… చక్ఖుం…పే… వత్థుం నోఉపాదానే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోఉపాదానాధిపతి సమ్పయుత్తకానం ఉపాదానానం అధిపతిపచ్చయేన పచ్చయో. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం…పే… పుబ్బే…పే… ఝానం…పే… చక్ఖుం…పే… వత్థుం నోఉపాదానే ఖన్ధే గరుం కత్వా అస్సాదేతి అభినన్దతి, తం గరుం కత్వా ఉపాదానా చ సమ్పయుత్తకా చ ఖన్ధా ఉప్పజ్జన్తి. సహజాతాధిపతి – నోఉపాదానాధిపతి సమ్పయుత్తకానం ఖన్ధానం ఉపాదానానఞ్చ చిత్తసముట్ఠానానం రూపానం అధిపతిపచ్చయేన పచ్చయో. (౩)
ఉపాదానో చ నోఉపాదానో చ ధమ్మా ఉపాదానస్స ధమ్మస్స అధిపతిపచ్చయేన పచ్చయో… తీణి… ఆరమ్మణాధిపతి… తీణి (ఆరబ్భ కాతబ్బా, ఆరమ్మణాధిపతియేవ).
అనన్తరపచ్చయాది
౨౩. ఉపాదానో ధమ్మో ఉపాదానస్స ధమ్మస్స అనన్తరపచ్చయేన పచ్చయో – పురిమా పురిమా ఉపాదానా పచ్ఛిమానం పచ్ఛిమానం ఉపాదానానం అనన్తరపచ్చయేన పచ్చయో. (మూలం కాతబ్బం) పురిమా పురిమా ఉపాదానా పచ్ఛిమానం పచ్ఛిమానం నోఉపాదానానం ఖన్ధానం అనన్తరపచ్చయేన పచ్చయో; ఉపాదానం వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమా పురిమా ఉపాదానా పచ్ఛిమానం పచ్ఛిమానం ఉపాదానానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
౨౪. నోఉపాదానో ధమ్మో నోఉపాదానస్స ధమ్మస్స అనన్తరపచ్చయేన పచ్చయో – పురిమా పురిమా నోఉపాదానా ఖన్ధా పచ్ఛిమానం పచ్ఛిమానం నోఉపాదానానం ఖన్ధానం అనన్తరపచ్చయేన పచ్చయో; అనులోమం గోత్రభుస్స…పే… ఫలసమాపత్తియా అనన్తరపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స అనన్తరపచ్చయేన పచ్చయో – పురిమా పురిమా నోఉపాదానా ఖన్ధా పచ్ఛిమానం పచ్ఛిమానం ఉపాదానానం ఖన్ధానం అనన్తరపచ్చయేన పచ్చయో; ఆవజ్జనా ఉపాదానానం అనన్తరపచ్చయేన పచ్చయో. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స అనన్తరపచ్చయేన పచ్చయో – పురిమా పురిమా నోఉపాదానా ఖన్ధా పచ్ఛిమానం పచ్ఛిమానం ఉపాదానానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో; ఆవజ్జనా ఉపాదానానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
౨౫. ఉపాదానో చ నోఉపాదానో చ ధమ్మా ఉపాదానస్స ధమ్మస్స అనన్తరపచ్చయేన పచ్చయో – పురిమా పురిమా ఉపాదానా చ సమ్పయుత్తకా చ ఖన్ధా పచ్ఛిమానం పచ్ఛిమానం ఉపాదానానం అనన్తరపచ్చయేన పచ్చయో. (మూలం కాతబ్బం) పురిమా పురిమా ఉపాదానా చ సమ్పయుత్తకా చ ఖన్ధా పచ్ఛిమానం పచ్ఛిమానం నోఉపాదానానం ఖన్ధానం అనన్తరపచ్చయేన పచ్చయో; ఉపాదానా చ సమ్పయుత్తకా చ ఖన్ధా వుట్ఠానస్స అనన్తరపచ్చయేన పచ్చయో. (మూలం కాతబ్బం) పురిమా పురిమా ఉపాదానా చ సమ్పయుత్తకా చ ఖన్ధా పచ్ఛిమానం పచ్ఛిమానం ఉపాదానానం సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)
సమనన్తరపచ్చయేన పచ్చయో… సహజాతపచ్చయేన పచ్చయో (పటిచ్చసదిసం)… అఞ్ఞమఞ్ఞపచ్చయేన పచ్చయో (పటిచ్చసదిసం)… నిస్సయపచ్చయేన పచ్చయో (పచ్చయసదిసం).
ఉపనిస్సయపచ్చయో
౨౬. ఉపాదానో ధమ్మో ఉపాదానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో …పే…. పకతూపనిస్సయో – ఉపాదానా ఉపాదానానం ఉపనిస్సయపచ్చయేన పచ్చయో… తీణి.
౨౭. నోఉపాదానో ధమ్మో నోఉపాదానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; సీలం…పే… పఞ్ఞం… రాగం…పే… పత్థనం… కాయికం సుఖం…పే… సేనాసనం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; పాణం హనతి…పే… సఙ్ఘం భిన్దతి, సద్ధా…పే… సేనాసనం సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స ఉపనిస్సయపచ్చయేన పచ్చయో. పకతూపనిస్సయో – సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ అదిన్నం…పే… ముసా…పే… పిసుణం…పే… సమ్ఫం…పే… సన్ధిం…పే… నిల్లోపం…పే… ఏకాగారికం…పే… పరిపన్థే…పే… పరదారం…పే… గామఘాతం…పే… నిగమఘాతం కరోతి; సద్ధా…పే… సేనాసనం ఉపాదానానం ఉపనిస్సయపచ్చయేన పచ్చయో. (మూలం కాతబ్బం) సద్ధం ఉపనిస్సాయ మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ అదిన్నం ఆదియతి, ముసా…పే… పిసుణం…పే… సమ్ఫం…పే… సన్ధిం…పే… నిల్లోపం…పే… ఏకాగారికం…పే… పరిపన్థే…పే… పరదారం…పే… గామఘాతం…పే… నిగమఘాతం కరోతి; సద్ధా…పే… సేనాసనం ఉపాదానానం సమ్పయుత్తకానఞ్చ ఖన్ధానం ఉపనిస్సయపచ్చయేన పచ్చయో. (౩)
ఉపాదానో చ నోఉపాదానో చ ధమ్మా ఉపాదానస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో… తీణి.
పురేజాతపచ్చయో
౨౮. నోఉపాదానో ధమ్మో నోఉపాదానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు నోఉపాదానానం ఖన్ధానం పురేజాతపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ రాగో ఉప్పజ్జతి, దిట్ఠి ఉప్పజ్జతి. వత్థుపురేజాతం – వత్థు ఉపాదానానం పురేజాతపచ్చయేన పచ్చయో. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అస్సాదేతి అభినన్దతి, తం ఆరబ్భ ఉపాదానా చ సమ్పయుత్తకా చ ఖన్ధా ఉప్పజ్జన్తి. వత్థుపురేజాతం – వత్థు ఉపాదానానం సమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)
పచ్ఛాజాతాసేవనపచ్చయా
౨౯. ఉపాదానో ధమ్మో నోఉపాదానస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)
నోఉపాదానో ధమ్మో నోఉపాదానస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)
ఉపాదానో చ నోఉపాదానో చ ధమ్మా నోఉపాదానస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧) …ఆసేవనపచ్చయేన పచ్చయో.
కమ్మపచ్చయో
౩౦. నోఉపాదానో ధమ్మో నోఉపాదానస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోఉపాదానా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోఉపాదానా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)
నోఉపాదానో ధమ్మో ఉపాదానస్స ధమ్మస్స కమ్మపచ్చయేన పచ్చయో – నోఉపాదానా చేతనా సమ్పయుత్తకానం ఉపాదానానం కమ్మపచ్చయేన పచ్చయో. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స కమ్మపచ్చయేన పచ్చయో – నోఉపాదానా చేతనా సమ్పయుత్తకానం ఖన్ధానం ఉపాదానానఞ్చ చిత్తసముట్ఠానానం రూపానం కమ్మపచ్చయేన పచ్చయో. (౩)
విపాకపచ్చయాది
౩౧. నోఉపాదానో ధమ్మో నోఉపాదానస్స ధమ్మస్స విపాకపచ్చయేన పచ్చయో – విపాకో నోఉపాదానో ఏకో ఖన్ధో…పే… ఏకం.
నోఉపాదానో ధమ్మో నోఉపాదానస్స ధమ్మస్స ఆహారపచ్చయేన పచ్చయో… తీణి (ఏకోయేవ కబళీకారో ఆహారో)… ఇన్ద్రియపచ్చయేన పచ్చయో… తీణి (రూపజీవితిన్ద్రియం ఏకంయేవ)… ఝానపచ్చయేన పచ్చయో… తీణి.
ఉపాదానో ధమ్మో ఉపాదానస్స ధమ్మస్స మగ్గపచ్చయేన పచ్చయో – ఉపాదానాని మగ్గఙ్గాని సమ్పయుత్తకానం ఉపాదానానం మగ్గపచ్చయేన పచ్చయో (ఇమినా కారణేన నవ పఞ్హా కాతబ్బా)… సమ్పయుత్తపచ్చయేన పచ్చయో… నవ.
విప్పయుత్తపచ్చయో
౩౨. ఉపాదానో ధమ్మో నోఉపాదానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – ఉపాదానా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతం – పచ్ఛాజాతా ఉపాదానా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)
నోఉపాదానో ధమ్మో నోఉపాదానస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం (సంఖిత్తం). (౧)
నోఉపాదానో ధమ్మో ఉపాదానస్స ధమ్మస్స విప్పయుత్తపచ్చయేన పచ్చయో. పురేజాతం – వత్థు ఉపాదానానం విప్పయుత్తపచ్చయేన పచ్చయో. (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స విప్పయుత్తపచ్చయేన పచ్చయో. పురేజాతం – వత్థు ఉపాదానానం సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)
౩౩. ఉపాదానో చ నోఉపాదానో చ ధమ్మా నోఉపాదానస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – ఉపాదానా చ సమ్పయుత్తకా చ ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో. పచ్ఛాజాతా – ఉపాదానా చ సమ్పయుత్తకా చ ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)
అత్థిపచ్చయో
౩౪. ఉపాదానో ధమ్మో ఉపాదానస్స ధమ్మస్స అత్థిపచ్చయేన పచ్చయో – దిట్ఠుపాదానం కాముపాదానస్స అత్థిపచ్చయేన పచ్చయో (చక్కం). (౧)
ఉపాదానో ధమ్మో నోఉపాదానస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – ఉపాదానా సమ్పయుత్తకానం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో. పచ్ఛాజాతా – ఉపాదానా పురేజాతస్స ఇమస్స కాయస్స అత్థిపచ్చయేన పచ్చయో. (౨)
ఉపాదానో ధమ్మో ఉపాదానస్స చ నోఉపాదానస్స చ ధమ్మస్స అత్థిపచ్చయేన పచ్చయో (సంఖిత్తం, పటిచ్చసదిసం). (౩)
౩౫. నోఉపాదానో ధమ్మో నోఉపాదానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం, విత్థారేతబ్బం). (౧)
నోఉపాదానో ధమ్మో ఉపాదానస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతం (సహజాతసదిసం). పురేజాతం (పురేజాతసదిసం). (౨)
నోఉపాదానో ధమ్మో ఉపాదానస్స చ నోఉపాదానస్స చ ధమ్మస్స అత్థిపచ్చయేన పచ్చయో – సహజాతం, పురేజాతం (సంఖిత్తం, సహజాతసదిసం సహజాతం విభజితబ్బం, పురేజాతసదిసం పురేజాతం). (౩)
౩౬. ఉపాదానో చ నోఉపాదానో చ ధమ్మా ఉపాదానస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతం – దిట్ఠుపాదానఞ్చ సమ్పయుత్తకా చ ఖన్ధా కాముపాదానస్స అత్థిపచ్చయేన పచ్చయో (చక్కం). సహజాతం – దిట్ఠుపాదానఞ్చ వత్థు చ కాముపాదానస్స అత్థిపచ్చయేన పచ్చయో (చక్కం). (౧)
ఉపాదానో చ నోఉపాదానో చ ధమ్మా నోఉపాదానస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోఉపాదానో ఏకో ఖన్ధో చ ఉపాదానా చ తిణ్ణన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో…పే… ద్వే ఖన్ధా చ…పే…. సహజాతా – ఉపాదానా చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో. సహజాతా – ఉపాదానా చ వత్థు చ నోఉపాదానానం ఖన్ధానం అత్థిపచ్చయేన పచ్చయో. పచ్ఛాజాతా – ఉపాదానా చ సమ్పయుత్తకా చ ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతా – ఉపాదానా చ సమ్పయుత్తకా చ ఖన్ధా కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతా – ఉపాదానా చ సమ్పయుత్తకా చ ఖన్ధా రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౨)
ఉపాదానో చ నోఉపాదానో చ ధమ్మా ఉపాదానస్స చ నోఉపాదానస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోఉపాదానో ఏకో ఖన్ధో చ దిట్ఠుపాదానఞ్చ తిణ్ణన్నం ఖన్ధానం కాముపాదానస్స చ చిత్తసముట్ఠానానం రూపానం అత్థిపచ్చయేన పచ్చయో…పే… ద్వే ఖన్ధా చ…పే… (చక్కం). సహజాతం – దిట్ఠుపాదానఞ్చ వత్థు చ కాముపాదానస్స సమ్పయుత్తకానఞ్చ ఖన్ధానం అత్థిపచ్చయేన పచ్చయో (చక్కం). (౩)