౧. విభఙ్గవారో

హేతుపచ్చయో

౭౦. నోచిత్తో ధమ్మో నోచిత్తస్స ధమ్మస్స హేతుపచ్చయేన పచ్చయో – నోచిత్తా హేతూ సమ్పయుత్తకానం ఖన్ధానం చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

నోచిత్తో ధమ్మో చిత్తస్స ధమ్మస్స హేతుపచ్చయేన పచ్చయో – నోచిత్తా హేతూ చిత్తస్స హేతుపచ్చయేన పచ్చయో; పటిసన్ధిక్ఖణే…పే…. (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స హేతుపచ్చయేన పచ్చయో – నోచిత్తా హేతూ సమ్పయుత్తకానం ఖన్ధానం చిత్తస్స చ చిత్తసముట్ఠానానఞ్చ రూపానం హేతుపచ్చయేన పచ్చయో; పటిసన్ధిక్ఖణే…పే…. (౩)

ఆరమ్మణపచ్చయో

౭౧. చిత్తో ధమ్మో చిత్తస్స ధమ్మస్స ఆరమ్మణపచ్చయేన పచ్చయో – చిత్తం ఆరబ్భ చిత్తం ఉప్పజ్జతి. (మూలం కాతబ్బం) చిత్తం ఆరబ్భ నోచిత్తా ఖన్ధా ఉప్పజ్జన్తి. (మూలం కాతబ్బం) చిత్తం ఆరబ్భ చిత్తఞ్చ సమ్పయుత్తకా చ ఖన్ధా ఉప్పజ్జన్తి. (౩)

౭౨. నోచిత్తో ధమ్మో నోచిత్తస్స ధమ్మస్స ఆరమ్మణపచ్చయేన పచ్చయో – దానం దత్వా సీలం…పే… ఉపోసథకమ్మం కత్వా తం పచ్చవేక్ఖతి అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి, పుబ్బే సుచిణ్ణాని…పే… ఝానా వుట్ఠహిత్వా ఝానం…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం పచ్చవేక్ఖన్తి, నిబ్బానం పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో; అరియా నోచిత్తే పహీనే కిలేసే పచ్చవేక్ఖన్తి, విక్ఖమ్భితే కిలేసే పచ్చవేక్ఖన్తి, పుబ్బే సముదాచిణ్ణే కిలేసే జానన్తి, చక్ఖుం…పే… వత్థుం నోచిత్తే ఖన్ధే అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. చేతోపరియఞాణేన నోచిత్తసమఙ్గిస్స చిత్తం జానాతి, ఆకాసానఞ్చాయతనం…పే… ఆకిఞ్చఞ్ఞాయతనం…పే… రూపాయతనం చక్ఖువిఞ్ఞాణసహగతానం ఖన్ధానం…పే… ఫోట్ఠబ్బాయతనం కాయవిఞ్ఞాణసహగతానం ఖన్ధానం…పే… నోచిత్తా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స ఆరమ్మణపచ్చయేన పచ్చయో – దానం దత్వా…పే… (పఠమగమనసదిసం నిన్నానాకరణం, ఇమం నానం) రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే… నోచిత్తా ఖన్ధా ఇద్ధివిధఞాణస్స…పే… ఆవజ్జనాయ ఆరమ్మణపచ్చయేన పచ్చయో. (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స ఆరమ్మణపచ్చయేన పచ్చయో – దానం దత్వా…పే… (పఠమగమనసదిసం నిన్నానాకరణం, ఇమం నానం), రూపాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం…పే… ఫోట్ఠబ్బాయతనం కాయవిఞ్ఞాణస్స సమ్పయుత్తకానఞ్చ ఖన్ధానం…పే… నోచిత్తా ఖన్ధా ఇద్ధివిధఞాణస్స…పే… ఆవజ్జనాయ ఆరమ్మణపచ్చయేన పచ్చయో. (౩)

చిత్తో చ నోచిత్తో చ ధమ్మా చిత్తస్స ధమ్మస్స ఆరమ్మణపచ్చయేన పచ్చయో – చిత్తఞ్చ సమ్పయుత్తకే చ ఖన్ధే ఆరబ్భ చిత్తం ఉప్పజ్జతి… తీణి.

అధిపతిపచ్చయో

౭౩. చిత్తో ధమ్మో చిత్తస్స ధమ్మస్స అధిపతిపచ్చయేన పచ్చయో. ఆరమ్మణాధిపతి – చిత్తం గరుం కత్వా చిత్తం ఉప్పజ్జతి. (౧)

చిత్తో ధమ్మో నోచిత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – చిత్తం గరుం కత్వా నోచిత్తా ఖన్ధా ఉప్పజ్జన్తి. సహజాతాధిపతి – చిత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౨)

చిత్తో ధమ్మో చిత్తస్స చ నోచిత్తస్స చ ధమ్మస్స అధిపతిపచ్చయేన పచ్చయో. ఆరమ్మణాధిపతి – చిత్తం గరుం కత్వా చిత్తఞ్చ సమ్పయుత్తకా చ ఖన్ధా ఉప్పజ్జన్తి. (౩)

౭౪. నోచిత్తో ధమ్మో నోచిత్తస్స ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి, పుబ్బే…పే… ఝానా…పే… అరియా మగ్గా వుట్ఠహిత్వా మగ్గం గరుం కత్వా పచ్చవేక్ఖన్తి. ఫలం గరుం కత్వా పచ్చవేక్ఖన్తి, నిబ్బానం గరుం కత్వా పచ్చవేక్ఖన్తి, నిబ్బానం గోత్రభుస్స, వోదానస్స, మగ్గస్స, ఫలస్స, అధిపతిపచ్చయేన పచ్చయో; చక్ఖుం…పే… వత్థుం నోచిత్తే ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోచిత్తాధిపతి సమ్పయుత్తకానం ఖన్ధానం చిత్తసముట్ఠానానఞ్చ రూపానం అధిపతిపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స అధిపతిపచ్చయేన పచ్చయో (ద్వేపి గమనా పఠమగమనసదిసం నిన్నానాకరణం. ఆరమ్మణాధిపతి సహజాతాధిపతి కాతబ్బా). (౨)

చిత్తో చ నోచిత్తో చ ధమ్మా చిత్తస్స ధమ్మస్స అధిపతిపచ్చయేన పచ్చయో… ఆరమ్మణాధిపతి (తీణిపి గరుకారమ్మణా కాతబ్బా, ఆరమ్మణాధిపతియేవ).

అనన్తరపచ్చయాది

౭౫. చిత్తో ధమ్మో చిత్తస్స ధమ్మస్స అనన్తరపచ్చయేన పచ్చయో – పురిమం పురిమం చిత్తం పచ్ఛిమస్స పచ్ఛిమస్స చిత్తస్స అనన్తరపచ్చయేన పచ్చయో. (౧)

చిత్తో ధమ్మో నోచిత్తస్స ధమ్మస్స అనన్తరపచ్చయేన పచ్చయో – పురిమం పురిమం చిత్తం పచ్ఛిమానం పచ్ఛిమానం నోచిత్తానం ఖన్ధానం అనన్తరపచ్చయేన పచ్చయో; చిత్తం వుట్ఠానస్స అనన్తరపచ్చయేన పచ్చయో. (౨)

చిత్తో ధమ్మో చిత్తస్స చ నోచిత్తస్స చ ధమ్మస్స అనన్తరపచ్చయేన పచ్చయో – పురిమం పురిమం చిత్తం పచ్ఛిమస్స పచ్ఛిమస్స చిత్తస్స సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

౭౬. నోచిత్తో ధమ్మో నోచిత్తస్స ధమ్మస్స అనన్తరపచ్చయేన పచ్చయో – పురిమా పురిమా నోచిత్తా ఖన్ధా…పే… ఫలసమాపత్తియా అనన్తరపచ్చయేన పచ్చయో (ఇమే ద్వే పూరేతుకామేన కాతబ్బా, పురిమగమనసదిసం).

చిత్తో చ నోచిత్తో చ ధమ్మా చిత్తస్స ధమ్మస్స అనన్తరపచ్చయేన పచ్చయో – పురిమం పురిమం చిత్తఞ్చ సమ్పయుత్తకా చ ఖన్ధా పచ్ఛిమస్స పచ్ఛిమస్స చిత్తస్స అనన్తరపచ్చయేన పచ్చయో. (మూలం పుచ్ఛితబ్బం) పురిమం పురిమం చిత్తఞ్చ సమ్పయుత్తకా చ ఖన్ధా పచ్ఛిమానం పచ్ఛిమానం నోచిత్తానం ఖన్ధానం అనన్తరపచ్చయేన పచ్చయో – చిత్తఞ్చ సమ్పయుత్తకా చ ఖన్ధా వుట్ఠానస్స అనన్తరపచ్చయేన పచ్చయో. (మూలం పుచ్ఛితబ్బం) పురిమం పురిమం చిత్తఞ్చ సమ్పయుత్తకా చ ఖన్ధా పచ్ఛిమస్స పచ్ఛిమస్స చిత్తస్స సమ్పయుత్తకానఞ్చ ఖన్ధానం అనన్తరపచ్చయేన పచ్చయో. (౩)

సమనన్తరపచ్చయేన పచ్చయో… సహజాతపచ్చయేన పచ్చయో… అఞ్ఞమఞ్ఞపచ్చయేన పచ్చయో (పటిచ్చవారసదిసా)… నిస్సయపచ్చయేన పచ్చయో… పఞ్చ (పచ్చయవారసదిసా).

ఉపనిస్సయపచ్చయో

౭౭. చిత్తో ధమ్మో చిత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – చిత్తం చిత్తస్స ఉపనిస్సయపచ్చయేన పచ్చయో… తీణి.

నోచిత్తో ధమ్మో నోచిత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… మానం జప్పేతి, దిట్ఠిం గణ్హాతి; సీలం…పే… సేనాసనం ఉపనిస్సాయ దానం దేతి …పే… సఙ్ఘం భిన్దతి; సద్ధా…పే… సేనాసనం సద్ధాయ…పే… మగ్గస్స, ఫలసమాపత్తియా ఉపనిస్సయపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స ఉపనిస్సయపచ్చయేన పచ్చయో (ఇమే ద్వేపి పూరేతుకామేన సబ్బత్థ కాతబ్బా, పఠమగమనసదిసం నిన్నానాకరణం).

చిత్తో చ నోచిత్తో చ ధమ్మా చిత్తస్స ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – చిత్తఞ్చ సమ్పయుత్తకా చ ఖన్ధా చిత్తస్స ఉపనిస్సయపచ్చయేన పచ్చయో… తీణి.

పురేజాతపచ్చయో

౭౮. నోచిత్తో ధమ్మో నోచిత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణసహగతానం ఖన్ధానం…పే… ఫోట్ఠబ్బాయతనం కాయవిఞ్ఞాణసహగతానం ఖన్ధానం పురేజాతపచ్చయేన పచ్చయో. వత్థుపురేజాతం – చక్ఖాయతనం చక్ఖువిఞ్ఞాణసహగతానం ఖన్ధానం…పే… కాయాయతనం…పే… వత్థు నోచిత్తానం ఖన్ధానం పురేజాతపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… ఫోట్ఠబ్బాయతనం కాయవిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స …పే… కాయాయతనం కాయవిఞ్ఞాణస్స…పే… వత్థు చిత్తస్స పురేజాతపచ్చయేన పచ్చయో. (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స చ సమ్పయుత్తకానఞ్చ ఖన్ధానం…పే… ఫోట్ఠబ్బాయతనం…పే…. వత్థుపురేజాతం – చక్ఖాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం పురేజాతపచ్చయేన పచ్చయో…పే… కాయాయతనం కాయవిఞ్ఞాణస్స సమ్పయుత్తకానఞ్చ ఖన్ధానం…పే… వత్థు చిత్తస్స చ సమ్పయుత్తకానఞ్చ ఖన్ధానం పురేజాతపచ్చయేన పచ్చయో. (౩)

పచ్ఛాజాతాసేవనపచ్చయా

౭౯. చిత్తో ధమ్మో నోచిత్తస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)

నోచిత్తో ధమ్మో నోచిత్తస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)

చిత్తో చ నోచిత్తో చ ధమ్మా నోచిత్తస్స ధమ్మస్స పచ్ఛాజాతపచ్చయేన పచ్చయో (సంఖిత్తం). (౧)

చిత్తో ధమ్మో చిత్తస్స ధమ్మస్స ఆసేవనపచ్చయేన పచ్చయో… నవ.

కమ్మపచ్చయో

౮౦. నోచిత్తో ధమ్మో నోచిత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోచిత్తా చేతనా సమ్పయుత్తకానం ఖన్ధానం చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోచిత్తా చేతనా విపాకానం ఖన్ధానం కటత్తా చ రూపానం కమ్మపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోచిత్తా చేతనా చిత్తస్స కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోచిత్తా చేతనా విపాకస్స చిత్తస్స కమ్మపచ్చయేన పచ్చయో. (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోచిత్తా చేతనా సమ్పయుత్తకానం ఖన్ధానం చిత్తస్స చ చిత్తసముట్ఠానానఞ్చ రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోచిత్తా చేతనా విపాకానం ఖన్ధానం చిత్తస్స చ కటత్తా చ రూపానం కమ్మపచ్చయేన పచ్చయో. (౩)

విపాకపచ్చయాది

౮౧. చిత్తో ధమ్మో నోచిత్తస్స ధమ్మస్స విపాకపచ్చయేన పచ్చయో… పఞ్చ… ఆహారపచ్చయేన పచ్చయో… పఞ్చ… ఇన్ద్రియపచ్చయేన పచ్చయో… పఞ్చ. నోచిత్తో ధమ్మో నోచిత్తస్స ధమ్మస్స ఝానపచ్చయేన పచ్చయో… తీణి… మగ్గపచ్చయేన పచ్చయో… తీణి… సమ్పయుత్తపచ్చయేన పచ్చయో… పఞ్చ.

విప్పయుత్తపచ్చయో

౮౨. చిత్తో ధమ్మో నోచిత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

నోచిత్తో ధమ్మో నోచిత్తస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం, పచ్ఛాజాతం. సహజాతా – నోచిత్తా ఖన్ధా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే నోచిత్తా ఖన్ధా కటత్తారూపానం…పే… నోచిత్తా ఖన్ధా వత్థుస్స విప్పయుత్తపచ్చయేన పచ్చయో; వత్థు ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణసహగతానం ఖన్ధానం…పే… కాయాయతనం కాయవిఞ్ఞాణసహగతానం ఖన్ధానం…పే… వత్థు నోచిత్తానం ఖన్ధానం విప్పయుత్తపచ్చయేన పచ్చయో. పచ్ఛాజాతా – నోచిత్తా ఖన్ధా పురేజాతస్స ఇమస్స కాయస్స విప్పయుత్తపచ్చయేన పచ్చయో. (౧)

నోచిత్తో ధమ్మో చిత్తస్స ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు చిత్తస్స విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం కాయవిఞ్ఞాణస్స…పే… వత్థు చిత్తస్స విప్పయుత్తపచ్చయేన పచ్చయో. (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు చిత్తస్స సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో…పే… కాయాయతనం కాయవిఞ్ఞాణస్స సమ్పయుత్తకానఞ్చ ఖన్ధానం…పే… వత్థు చిత్తస్స చ సమ్పయుత్తకానఞ్చ ఖన్ధానం విప్పయుత్తపచ్చయేన పచ్చయో. (౩)

చిత్తో చ నోచిత్తో చ ధమ్మా నోచిత్తస్స ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

అత్థిపచ్చయో

౮౩. చిత్తో ధమ్మో నోచిత్తస్స ధమ్మస్స అత్థిపచ్చయేన పచ్చయో – సహజాతం, పచ్ఛాజాతం (సంఖిత్తం). (౧)

నోచిత్తో ధమ్మో నోచిత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం (సంఖిత్తం). (౧)

నోచిత్తో ధమ్మో చిత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతా – నోచిత్తా ఖన్ధా చిత్తస్స అత్థిపచ్చయేన పచ్చయో; పటిసన్ధిక్ఖణే…పే… పటిసన్ధిక్ఖణే వత్థు చిత్తస్స అత్థిపచ్చయేన పచ్చయో. పురేజాతం – చక్ఖుం…పే… వత్థుం అనిచ్చతో…పే… (పురేజాతసదిసం, సంఖిత్తం). (౨)

నోచిత్తో ధమ్మో చిత్తస్స చ నోచిత్తస్స చ ధమ్మస్స అత్థిపచ్చయేన పచ్చయో – సహజాతం, పురేజాతం. సహజాతో – నోచిత్తో ఏకో ఖన్ధో ద్విన్నం ఖన్ధానం చిత్తస్స చ చిత్తసముట్ఠానానఞ్చ రూపానం అత్థిపచ్చయేన పచ్చయో; పటిసన్ధిక్ఖణే నోచిత్తో ఏకో ఖన్ధో…పే… పటిసన్ధిక్ఖణే వత్థు చిత్తస్స సమ్పయుత్తకానఞ్చ ఖన్ధానం అత్థిపచ్చయేన పచ్చయో. పురేజాతం – చక్ఖుం…పే… వత్థుం…పే… (పురేజాతసదిసం, సంఖిత్తం). (౩)

౮౪. చిత్తో చ నోచిత్తో చ ధమ్మా నోచిత్తస్స ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – నోచిత్తో ఏకో ఖన్ధో చ చిత్తఞ్చ ద్విన్నం ఖన్ధానం చిత్తసముట్ఠానానఞ్చ రూపానం అత్థిపచ్చయేన పచ్చయో; ద్వే ఖన్ధా చ…పే…. సహజాతం – చిత్తఞ్చ వత్థుఞ్చ నోచిత్తానం ఖన్ధానం అత్థిపచ్చయేన పచ్చయో (పటిసన్ధిక్ఖణేపి ద్వే). సహజాతం – చిత్తఞ్చ సమ్పయుత్తకా చ ఖన్ధా చిత్తసముట్ఠానానం రూపానం అత్థిపచ్చయేన పచ్చయో. సహజాతం – చిత్తఞ్చ మహాభూతా చ చిత్తసముట్ఠానానం రూపానం అత్థిపచ్చయేన పచ్చయో (పటిసన్ధిక్ఖణేపి ద్వే). పచ్ఛాజాతం – చిత్తఞ్చ సమ్పయుత్తకా చ ఖన్ధా పురేజాతస్స ఇమస్స కాయస్స అత్థిపచ్చయేన పచ్చయో. పచ్ఛాజాతం – చిత్తఞ్చ సమ్పయుత్తకా చ ఖన్ధా కబళీకారో ఆహారో చ ఇమస్స కాయస్స అత్థిపచ్చయేన పచ్చయో. పచ్ఛాజాతం – చిత్తఞ్చ సమ్పయుత్తకా చ ఖన్ధా రూపజీవితిన్ద్రియఞ్చ కటత్తారూపానం అత్థిపచ్చయేన పచ్చయో. (౧)