౧. విభఙ్గవారో

హేతుపచ్చయో

౪౩౪. ఉపాదిన్నం ధమ్మం పచ్చయా ఉపాదిన్నో ధమ్మో ఉప్పజ్జతి హేతుపచ్చయా – ఉపాదిన్నం ఏకం ఖన్ధం పచ్చయా తయో ఖన్ధా…పే… ద్వే ఖన్ధే…పే… పటిసన్ధిక్ఖణే ఉపాదిన్నం ఏకం ఖన్ధం పచ్చయా తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పచ్చయా వత్థు, వత్థుం పచ్చయా ఖన్ధా, ఏకం మహాభూతం…పే… మహాభూతే పచ్చయా కటత్తారూపం ఉపాదారూపం, వత్థుం పచ్చయా ఉపాదిన్నా ఖన్ధా. (౧)

ఉపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి హేతుపచ్చయా – ఉపాదిన్నే ఖన్ధే పచ్చయా చిత్తసముట్ఠానం రూపం, వత్థుం పచ్చయా అనుపాదిన్నా ఖన్ధా. (౨)

ఉపాదిన్నం ధమ్మం పచ్చయా ఉపాదిన్నో చ అనుపాదిన్నో చ ధమ్మా ఉప్పజ్జన్తి హేతుపచ్చయా – ఉపాదిన్నం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

అనుపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి హేతుపచ్చయా – అనుపాదిన్నం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం…పే… మహాభూతే పచ్చయా చిత్తసముట్ఠానం రూపం ఉపాదారూపం. (౧)

ఉపాదిన్నఞ్చ అనుపాదిన్నఞ్చ ధమ్మం పచ్చయా అనుపాదిన్నో ధమ్మో ఉప్పజ్జతి హేతుపచ్చయా – ఉపాదిన్నే ఖన్ధే చ మహాభూతే చ పచ్చయా చిత్తసముట్ఠానం రూపం, అనుపాదిన్నం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే…. (౧)

ఆరమ్మణపచ్చయో

౪౩౫. ఉపాదిన్నం ధమ్మం పచ్చయా ఉపాదిన్నో ధమ్మో ఉప్పజ్జతి ఆరమ్మణపచ్చయా – ఉపాదిన్నం ఏకం ఖన్ధం పచ్చయా తయో ఖన్ధా…పే… ద్వే ఖన్ధే…పే… పటిసన్ధిక్ఖణే…పే… వత్థుం పచ్చయా ఖన్ధా, చక్ఖాయతనం పచ్చయా చక్ఖువిఞ్ఞాణం…పే… కాయాయతనం…పే… వత్థుం పచ్చయా ఉపాదిన్నా ఖన్ధా. (౧)

ఉపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి ఆరమ్మణపచ్చయా – వత్థుం పచ్చయా అనుపాదిన్నా ఖన్ధా. (౨)

అనుపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి ఆరమ్మణపచ్చయా – అనుపాదిన్నం ఏకం ఖన్ధం పచ్చయా తయో ఖన్ధా…పే… ద్వే ఖన్ధే…పే…. (౧)

ఉపాదిన్నఞ్చ అనుపాదిన్నఞ్చ ధమ్మం పచ్చయా అనుపాదిన్నో ధమ్మో ఉప్పజ్జతి ఆరమ్మణపచ్చయా – అనుపాదిన్నం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే…. (౧)

అధిపతిపచ్చయో

౪౩౬. ఉపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి అధిపతిపచ్చయా – వత్థుం పచ్చయా అనుపాదిన్నా ఖన్ధా. (౧)

అనుపాదిన్నం ధమ్మం పచ్చయా అనుపాదిన్నో ధమ్మో ఉప్పజ్జతి అధిపతిపచ్చయా – అనుపాదిన్నం ఏకం ఖన్ధం పచ్చయా తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం…పే… మహాభూతే పచ్చయా చిత్తసముట్ఠానం రూపం ఉపాదారూపం. (౧)

ఉపాదిన్నఞ్చ అనుపాదిన్నఞ్చ ధమ్మం పచ్చయా అనుపాదిన్నో ధమ్మో ఉప్పజ్జతి అధిపతిపచ్చయా – అనుపాదిన్నం ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే…. (౧) (సంఖిత్తం.)