౧. విభఙ్గవారో

నహేతుపచ్చయో

౪౨౦. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నహేతుపచ్చయా – అహేతుకం ఉపాదిన్నం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అహేతుకపటిసన్ధిక్ఖణే ఉపాదిన్నం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… ఖన్ధే పటిచ్చ వత్థు, వత్థుం పటిచ్చ ఖన్ధా, ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం, అసఞ్ఞసత్తానం ఏకం మహాభూతం పటిచ్చ…పే… మహాభూతే పటిచ్చ కటత్తారూపం ఉపాదారూపం. (౧)

ఉపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నే ఖన్ధే పటిచ్చ చిత్తసముట్ఠానం రూపం. (౨)

ఉపాదిన్నం ధమ్మం పటిచ్చ ఉపాదిన్నో చ అనుపాదిన్నో చ ధమ్మా ఉప్పజ్జన్తి నహేతుపచ్చయా – అహేతుకం ఉపాదిన్నం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే…. (౩)

౪౨౧. అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నహేతుపచ్చయా – అహేతుకం అనుపాదిన్నం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం…పే… మహాభూతే పటిచ్చ చిత్తసముట్ఠానం రూపం ఉపాదారూపం. బాహిరం… ఆహారసముట్ఠానం… ఉతుసముట్ఠానం ఏకం మహాభూతం…పే… మహాభూతే పటిచ్చ ఉపాదారూపం. విచికిచ్ఛాసహగతే ఉద్ధచ్చసహగతే ఖన్ధే పటిచ్చ విచికిచ్ఛాసహగతో ఉద్ధచ్చసహగతో మోహో. (౧)

ఉపాదిన్నఞ్చ అనుపాదిన్నఞ్చ ధమ్మం పటిచ్చ అనుపాదిన్నో ధమ్మో ఉప్పజ్జతి నహేతుపచ్చయా – అహేతుకే ఉపాదిన్నే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఆరమ్మణపచ్చయో

౪౨౨. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నఆరమ్మణపచ్చయా – పటిసన్ధిక్ఖణే ఉపాదిన్నే ఖన్ధే పటిచ్చ కటత్తారూపం, ఖన్ధే పటిచ్చ వత్థు, ఏకం మహాభూతం…పే… మహాభూతే పటిచ్చ కటత్తారూపం ఉపాదారూపం. అసఞ్ఞసత్తానం ఏకం మహాభూతం…పే… మహాభూతే పటిచ్చ కటత్తారూపం ఉపాదారూపం. (౧)

ఉపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నఆరమ్మణపచ్చయా – ఉపాదిన్నే ఖన్ధే పటిచ్చ చిత్తసముట్ఠానం రూపం. (౨)

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నఆరమ్మణపచ్చయా – అనుపాదిన్నే ఖన్ధే పటిచ్చ చిత్తసముట్ఠానం రూపం, ఏకం మహాభూతం…పే… బాహిరం… ఆహారసముట్ఠానం… ఉతుసముట్ఠానం ఏకం మహాభూతం…పే… మహాభూతే పటిచ్చ ఉపాదారూపం. (౧)

ఉపాదిన్నఞ్చ అనుపాదిన్నఞ్చ ధమ్మం పటిచ్చ అనుపాదిన్నో ధమ్మో ఉప్పజ్జతి నఆరమ్మణపచ్చయా – ఉపాదిన్నే ఖన్ధే చ మహాభూతే చ పటిచ్చ చిత్తసముట్ఠానం రూపం. (౧)

నఅధిపతిపచ్చయాది

౪౨౩. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నఅధిపతిపచ్చయా… నఅనన్తరపచ్చయా… నసమనన్తరపచ్చయా… నఅఞ్ఞమఞ్ఞపచ్చయా… నఉపనిస్సయపచ్చయా.

నపురేజాతపచ్చయాది

౪౨౪. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నపురేజాతపచ్చయా – అరూపే ఉపాదిన్నం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… పటిసన్ధిక్ఖణే ఉపాదిన్నం ఏకం ఖన్ధం పటిచ్చ తయో ఖన్ధా కటత్తా చ రూపం…పే… ద్వే ఖన్ధే…పే… (యావ అసఞ్ఞసత్తా). (౧)

ఉపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నపురేజాతపచ్చయా – ఉపాదిన్నే ఖన్ధే పటిచ్చ చిత్తసముట్ఠానం రూపం. (౨)

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నపురేజాతపచ్చయా – అరూపే అనుపాదిన్నం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అనుపాదిన్నే ఖన్ధే పటిచ్చ చిత్తసముట్ఠానం రూపం, ఏకం మహాభూతం…పే… (యావ అసఞ్ఞసత్తా). (౧)

ఉపాదిన్నఞ్చ అనుపాదిన్నఞ్చ ధమ్మం పటిచ్చ అనుపాదిన్నో ధమ్మో ఉప్పజ్జతి నపురేజాతపచ్చయా – ఉపాదిన్నే ఖన్ధే చ మహాభూతే చ పటిచ్చ చిత్తసముట్ఠానం రూపం… నపచ్ఛాజాతపచ్చయా… నఆసేవనపచ్చయా. (౧)

నకమ్మపచ్చయో

౪౨౫. అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నకమ్మపచ్చయా – అనుపాదిన్నే ఖన్ధే పటిచ్చ అనుపాదిన్నా చేతనా… బాహిరం… ఆహారసముట్ఠానం… ఉతుసముట్ఠానం…పే… మహాభూతే పటిచ్చ ఉపాదారూపం. (౧)

నవిపాకపచ్చయో

౪౨౬. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నవిపాకపచ్చయా – అసఞ్ఞసత్తానం ఏకం మహాభూతం…పే… మహాభూతే పటిచ్చ కటత్తారూపం ఉపాదారూపం. (౧)

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నవిపాకపచ్చయా – అనుపాదిన్నం ఏకం ఖన్ధం పటిచ్చ తయో ఖన్ధా చిత్తసముట్ఠానఞ్చ రూపం…పే… ద్వే ఖన్ధే…పే… ఏకం మహాభూతం…పే… (యావ ఉతుసముట్ఠానం).

నఆహారపచ్చయో

౪౨౭. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నఆహారపచ్చయా – అసఞ్ఞసత్తానం ఏకం మహాభూతం…పే…. (౧)

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నఆహారపచ్చయా – బాహిరం… ఉతుసముట్ఠానం…పే…. (౧)

నఇన్ద్రియపచ్చయో

౪౨౮. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నఇన్ద్రియపచ్చయా – అసఞ్ఞసత్తానం మహాభూతే పటిచ్చ రూపజీవితిన్ద్రియం. (౧)

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నఇన్ద్రియపచ్చయా – బాహిరం… ఆహారసముట్ఠానం… ఉతుసముట్ఠానం…పే…. (౧)

నఝానపచ్చయాది

౪౨౯. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అసఞ్ఞసత్తానం…పే….

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నఝానపచ్చయా – బాహిరం… ఆహారసముట్ఠానం… ఉతుసముట్ఠానం…పే….

ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నమగ్గపచ్చయా (నహేతుసదిసం, మోహో నత్థి)… నసమ్పయుత్తపచ్చయా.

నవిప్పయుత్తపచ్చయాది

౪౩౦. ఉపాదిన్నం ధమ్మం పటిచ్చ ఉపాదిన్నో ధమ్మో ఉప్పజ్జతి నవిప్పయుత్తపచ్చయా – అరూపే ఉపాదిన్నం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… అసఞ్ఞసత్తానం ఏకం మహాభూతం పటిచ్చ…పే….

అనుపాదిన్నం ధమ్మం పటిచ్చ అనుపాదిన్నో ధమ్మో ఉప్పజ్జతి నవిప్పయుత్తపచ్చయా – అరూపే అనుపాదిన్నం ఏకం ఖన్ధం పటిచ్చ తయో ఖన్ధా…పే… ద్వే ఖన్ధే…పే… బాహిరం … ఆహారసముట్ఠానం… ఉతుసముట్ఠానం…పే… నోనత్థిపచ్చయా… నోవిగతపచ్చయా.