౧. విభఙ్గవారో

హేతుపచ్చయో

౩౯౪. నోఉపాదా ధమ్మో నోఉపాదా ధమ్మస్స హేతుపచ్చయేన పచ్చయో – నోఉపాదా హేతూ సమ్పయుత్తకానం ఖన్ధానం నోఉపాదా చ చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (౧)

నోఉపాదా ధమ్మో ఉపాదా ధమ్మస్స హేతుపచ్చయేన పచ్చయో – నోఉపాదా హేతూ ఉపాదా చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (౨)

నోఉపాదా ధమ్మో ఉపాదా చ నోఉపాదా చ ధమ్మస్స హేతుపచ్చయేన పచ్చయో – నోఉపాదా హేతూ సమ్పయుత్తకానం ఖన్ధానం ఉపాదా చ నోఉపాదా చ చిత్తసముట్ఠానానం రూపానం హేతుపచ్చయేన పచ్చయో; పటిసన్ధిక్ఖణే…పే…. (౩)

ఆరమ్మణపచ్చయో

౩౯౫. ఉపాదా ధమ్మో నోఉపాదా ధమ్మస్స ఆరమ్మణపచ్చయేన పచ్చయో – చక్ఖుం…పే… కాయం… రూపే…పే… రసే వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… రసాయతనం జివ్హావిఞ్ఞాణస్స ఆరమ్మణపచ్చయేన పచ్చయో, ఉపాదా ఖన్ధా ఇద్ధివిధఞాణస్స, పుబ్బేనివాసానుస్సతిఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

నోఉపాదా ధమ్మో నోఉపాదా ధమ్మస్స ఆరమ్మణపచ్చయేన పచ్చయో – దానం…పే… సీలం …పే… ఉపోసథకమ్మం కత్వా తం పచ్చవేక్ఖతి, అస్సాదేతి అభినన్దతి, తం ఆరబ్భ రాగో ఉప్పజ్జతి…పే… దోమనస్సం ఉప్పజ్జతి; పుబ్బే…పే… ఝానా…పే… అరియా మగ్గా వుట్ఠహిత్వా మగ్గం పచ్చవేక్ఖన్తి, ఫలం…పే… నిబ్బానం…పే… నిబ్బానం గోత్రభుస్స, వోదానస్స, మగ్గస్స, ఫలస్స, ఆవజ్జనాయ ఆరమ్మణపచ్చయేన పచ్చయో. అరియా పహీనే కిలేసే పచ్చవేక్ఖన్తి, విక్ఖమ్భితే కిలేసే…పే… పుబ్బే…పే… ఫోట్ఠబ్బే నోఉపాదా ఖన్ధే అనిచ్చతో…పే… దోమనస్సం ఉప్పజ్జతి; చేతోపరియఞాణేన నోఉపాదాచిత్తసమఙ్గిస్స చిత్తం జానాతి, ఆకాసానఞ్చాయతనం విఞ్ఞాణఞ్చాయతనస్స…పే… ఆకిఞ్చఞ్ఞాయతనం నేవసఞ్ఞానాసఞ్ఞాయతనస్స…పే… ఫోట్ఠబ్బాయతనం కాయవిఞ్ఞాణస్స ఆరమ్మణపచ్చయేన పచ్చయో; నోఉపాదా ఖన్ధా ఇద్ధివిధఞాణస్స, చేతోపరియఞాణస్స, పుబ్బేనివాసానుస్సతిఞాణస్స, యథాకమ్మూపగఞాణస్స, అనాగతంసఞాణస్స, ఆవజ్జనాయ ఆరమ్మణపచ్చయేన పచ్చయో. (౧)

అధిపతిపచ్చయో

౩౯౬. ఉపాదా ధమ్మో నోఉపాదా ధమ్మస్స అధిపతిపచ్చయేన పచ్చయో. ఆరమ్మణాధిపతి – చక్ఖుం…పే… కాయం… రూపే…పే… రసే వత్థుం గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. (౧)

నోఉపాదా ధమ్మో నోఉపాదా ధమ్మస్స అధిపతిపచ్చయేన పచ్చయో – ఆరమ్మణాధిపతి, సహజాతాధిపతి. ఆరమ్మణాధిపతి – దానం…పే… సీలం…పే… ఉపోసథకమ్మం కత్వా తం గరుం కత్వా పచ్చవేక్ఖతి అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. పుబ్బే సుచిణ్ణాని…పే… ఝానా వుట్ఠహిత్వా ఝానం…పే… అరియా మగ్గా వుట్ఠహిత్వా మగ్గం గరుం కత్వా…పే… ఫలం…పే… నిబ్బానం గరుం కత్వా పచ్చవేక్ఖన్తి. నిబ్బానం గోత్రభుస్స, వోదానస్స, మగ్గస్స, ఫలస్స అధిపతిపచ్చయేన పచ్చయో; ఫోట్ఠబ్బే నోఉపాదా ఖన్ధే గరుం కత్వా అస్సాదేతి అభినన్దతి, తం గరుం కత్వా రాగో ఉప్పజ్జతి, దిట్ఠి ఉప్పజ్జతి. సహజాతాధిపతి – నోఉపాదాధిపతి సమ్పయుత్తకానం ఖన్ధానం నోఉపాదా చ చిత్తసముట్ఠానానం రూపానం అధిపతిపచ్చయేన పచ్చయో. (౧)

నోఉపాదా ధమ్మో ఉపాదా ధమ్మస్స అధిపతిపచ్చయేన పచ్చయో. సహజాతాధిపతి – నోఉపాదాధిపతి ఉపాదా చిత్తసముట్ఠానానం రూపానం అధిపతిపచ్చయేన పచ్చయో. (౨)

నోఉపాదా ధమ్మో ఉపాదా చ నోఉపాదా చ ధమ్మస్స అధిపతిపచ్చయేన పచ్చయో. సహజాతాధిపతి – నోఉపాదాధిపతి సమ్పయుత్తకానం ఖన్ధానం ఉపాదా చ నోఉపాదా చ చిత్తసముట్ఠానానం రూపానం అధిపతిపచ్చయేన పచ్చయో. (౩)

అనన్తరపచ్చయాది

౩౯౭. నోఉపాదా ధమ్మో నోఉపాదా ధమ్మస్స అనన్తరపచ్చయేన పచ్చయో – పురిమా పురిమా నోఉపాదా ఖన్ధా పచ్ఛిమానం పచ్ఛిమానం నోఉపాదా ఖన్ధానం అనన్తరపచ్చయేన పచ్చయో; అనులోమం గోత్రభుస్స…పే… ఫలసమాపత్తియా అనన్తరపచ్చయేన పచ్చయో. (౧)

సమనన్తరపచ్చయేన పచ్చయో… సహజాతపచ్చయేన పచ్చయో (పటిచ్చసదిసం)… అఞ్ఞమఞ్ఞపచ్చయేన పచ్చయో (పటిచ్చసదిసం)… నిస్సయపచ్చయేన పచ్చయో (పచ్చయవారే నిస్సయసదిసం).

ఉపనిస్సయపచ్చయో

౩౯౮. ఉపాదా ధమ్మో నోఉపాదా ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, పకతూపనిస్సయో…పే…. పకతూపనిస్సయో – చక్ఖుసమ్పదం…పే… కాయసమ్పదం… వణ్ణసమ్పదం… సద్దసమ్పదం… గన్ధసమ్పదం… రససమ్పదం… భోజనం ఉపనిస్సాయ దానం దేతి…పే… సఙ్ఘం భిన్దతి, చక్ఖుసమ్పదా…పే… కాయసమ్పదా… వణ్ణసమ్పదా… సద్దసమ్పదా… గన్ధసమ్పదా… రససమ్పదా… భోజనం సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)

నోఉపాదా ధమ్మో నోఉపాదా ధమ్మస్స ఉపనిస్సయపచ్చయేన పచ్చయో – ఆరమ్మణూపనిస్సయో, అనన్తరూపనిస్సయో, పకతూపనిస్సయో…పే…. పకతూపనిస్సయో – సద్ధం ఉపనిస్సాయ దానం దేతి…పే… సమాపత్తిం ఉప్పాదేతి, మానం జప్పేతి, దిట్ఠిం గణ్హాతి; సీలం…పే… పఞ్ఞం… రాగం …పే… పత్థనం… కాయికం సుఖం… కాయికం దుక్ఖం… ఉతుం… సేనాసనం ఉపనిస్సాయ దానం దేతి…పే… సఙ్ఘం భిన్దతి; సద్ధా…పే… సేనాసనం సద్ధాయ…పే… ఫలసమాపత్తియా ఉపనిస్సయపచ్చయేన పచ్చయో. (౧)

పురేజాతపచ్చయో

౩౯౯. ఉపాదా ధమ్మో నోఉపాదా ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఆరమ్మణపురేజాతం – చక్ఖుం…పే… వత్థుం అనిచ్చతో…పే… దోమనస్సం ఉప్పజ్జతి; దిబ్బేన చక్ఖునా రూపం పస్సతి, దిబ్బాయ సోతధాతుయా సద్దం సుణాతి. రూపాయతనం చక్ఖువిఞ్ఞాణస్స…పే… రసాయతనం జివ్హావిఞ్ఞాణస్స…పే…. వత్థుపురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం…పే… వత్థు నోఉపాదా ఖన్ధానం పురేజాతపచ్చయేన పచ్చయో. (౧)

నోఉపాదా ధమ్మో నోఉపాదా ధమ్మస్స పురేజాతపచ్చయేన పచ్చయో. ఆరమ్మణపురేజాతం – ఫోట్ఠబ్బే అనిచ్చతో…పే… దోమనస్సం ఉప్పజ్జతి; ఫోట్ఠబ్బాయతనం కాయవిఞ్ఞాణస్స పురేజాతపచ్చయేన పచ్చయో. (౧)

ఉపాదా చ నోఉపాదా చ ధమ్మా నోఉపాదా ధమ్మస్స పురేజాతపచ్చయేన పచ్చయో – ఆరమ్మణపురేజాతం, వత్థుపురేజాతం. ఫోట్ఠబ్బాయతనఞ్చ కాయాయతనఞ్చ కాయవిఞ్ఞాణస్స పురేజాతపచ్చయేన పచ్చయో; ఫోట్ఠబ్బాయతనఞ్చ వత్థు చ నోఉపాదా ఖన్ధానం పురేజాతపచ్చయేన పచ్చయో. (౧)

పచ్ఛాజాతాసేవనపచ్చయా

౪౦౦. నోఉపాదా ధమ్మో నోఉపాదా ధమ్మస్స పచ్ఛాజాతపచ్చయేన పచ్చయో – పచ్ఛాజాతా నోఉపాదా ఖన్ధా పురేజాతస్స ఇమస్స నోఉపాదా కాయస్స పచ్ఛాజాతపచ్చయేన పచ్చయో. (మూలం పుచ్ఛితబ్బం) పచ్ఛాజాతా నోఉపాదా ఖన్ధా పురేజాతస్స ఇమస్స ఉపాదా కాయస్స పచ్ఛాజాతపచ్చయేన పచ్చయో. (మూలం పుచ్ఛితబ్బం) పచ్ఛాజాతా నోఉపాదా ఖన్ధా పురేజాతస్స ఇమస్స ఉపాదా కాయస్స చ నోఉపాదా కాయస్స చ పచ్ఛాజాతపచ్చయేన పచ్చయో. (౩)

ఆసేవనపచ్చయేన పచ్చయో… ఏకం.

కమ్మపచ్చయో

౪౦౧. నోఉపాదా ధమ్మో నోఉపాదా ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోఉపాదా చేతనా సమ్పయుత్తకానం ఖన్ధానం నోఉపాదా చ చిత్తసముట్ఠానానం రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోఉపాదా చేతనా విపాకానం ఖన్ధానం నోఉపాదా చ కటత్తారూపానం కమ్మపచ్చయేన పచ్చయో. (౧)

నోఉపాదా ధమ్మో ఉపాదా ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోఉపాదా చేతనా ఉపాదా చిత్తసముట్ఠానానం రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోఉపాదా చేతనా ఉపాదా కటత్తారూపానం కమ్మపచ్చయేన పచ్చయో. (౨)

నోఉపాదా ధమ్మో ఉపాదా చ నోఉపాదా చ ధమ్మస్స కమ్మపచ్చయేన పచ్చయో – సహజాతా, నానాక్ఖణికా. సహజాతా – నోఉపాదా చేతనా సమ్పయుత్తకానం ఖన్ధానం ఉపాదా చ నోఉపాదా చ చిత్తసముట్ఠానానం రూపానం కమ్మపచ్చయేన పచ్చయో; పటిసన్ధిక్ఖణే…పే…. నానాక్ఖణికా – నోఉపాదా చేతనా విపాకానం ఖన్ధానం ఉపాదా చ నోఉపాదా చ కటత్తారూపానం కమ్మపచ్చయేన పచ్చయో. (౩)

విపాకపచ్చయో

౪౦౨. నోఉపాదా ధమ్మో నోఉపాదా ధమ్మస్స విపాకపచ్చయేన పచ్చయో – విపాకో నోఉపాదా ఏకో ఖన్ధో తిణ్ణన్నం ఖన్ధానం…పే… ద్వే ఖన్ధా…పే… పటిసన్ధిక్ఖణే…పే… తీణి.

ఆహారపచ్చయో

౪౦౩. ఉపాదా ధమ్మో ఉపాదా ధమ్మస్స ఆహారపచ్చయేన పచ్చయో – కబళీకారో ఆహారో ఇమస్స ఉపాదా కాయస్స ఆహారపచ్చయేన పచ్చయో. (మూలం పుచ్ఛితబ్బం) కబళీకారో ఆహారో ఇమస్స నోఉపాదా కాయస్స ఆహారపచ్చయేన పచ్చయో. (మూలం పుచ్ఛితబ్బం) కబళీకారో ఆహారో ఇమస్స ఉపాదా కాయస్స చ నోఉపాదా కాయస్స చ ఆహారపచ్చయేన పచ్చయో. (౩)

నోఉపాదా ధమ్మో నోఉపాదా ధమ్మస్స ఆహారపచ్చయేన పచ్చయో – నోఉపాదా ఆహారా సమ్పయుత్తకానం ఖన్ధానం నోఉపాదా చ చిత్తసముట్ఠానానం రూపానం ఆహారపచ్చయేన పచ్చయో; పటిసన్ధిక్ఖణే…పే… (నోఉపాదామూలకే తీణి, పటిసన్ధిక్ఖణే తీణిపి కాతబ్బా). (౩)

ఇన్ద్రియపచ్చయో

౪౦౪. ఉపాదా ధమ్మో ఉపాదా ధమ్మస్స ఇన్ద్రియపచ్చయేన పచ్చయో – రూపజీవితిన్ద్రియం ఉపాదా కటత్తారూపానం ఇన్ద్రియపచ్చయేన పచ్చయో. (మూలం కాతబ్బం) చక్ఖున్ద్రియం చక్ఖువిఞ్ఞాణస్స…పే… కాయిన్ద్రియం కాయవిఞ్ఞాణస్స రూపజీవితిన్ద్రియం నోఉపాదా కటత్తారూపానం ఇన్ద్రియపచ్చయేన పచ్చయో. (మూలం కాతబ్బం) రూపజీవితిన్ద్రియం ఉపాదా చ నోఉపాదా చ కటత్తారూపానం ఇన్ద్రియపచ్చయేన పచ్చయో. (౩)

నోఉపాదా ధమ్మో నోఉపాదా ధమ్మస్స ఇన్ద్రియపచ్చయేన పచ్చయో… తీణి; పటిసన్ధిక్ఖణే…పే….

ఉపాదా చ నోఉపాదా చ ధమ్మా నోఉపాదా ధమ్మస్స ఇన్ద్రియపచ్చయేన పచ్చయో – చక్ఖున్ద్రియఞ్చ చక్ఖువిఞ్ఞాణఞ్చ చక్ఖువిఞ్ఞాణసహగతానం ఖన్ధానం ఇన్ద్రియపచ్చయేన పచ్చయో…పే… కాయిన్ద్రియఞ్చ…పే….

ఝానపచ్చయాది

౪౦౫. నో ఉపాదా ధమ్మో నోఉపాదా ధమ్మస్స ఝానపచ్చయేన పచ్చయో… తీణి, మగ్గపచ్చయేన పచ్చయో… తీణి; పటిసన్ధిక్ఖణే…పే… సమ్పయుత్తపచ్చయేన పచ్చయో… ఏకం.

విప్పయుత్తపచ్చయో

౪౦౬. ఉపాదా ధమ్మో నోఉపాదా ధమ్మస్స విప్పయుత్తపచ్చయేన పచ్చయో – సహజాతం, పురేజాతం. సహజాతం – పటిసన్ధిక్ఖణే వత్థు నోఉపాదా ఖన్ధానం విప్పయుత్తపచ్చయేన పచ్చయో. పురేజాతం – చక్ఖాయతనం చక్ఖువిఞ్ఞాణస్స…పే… కాయాయతనం…పే… వత్థు నోఉపాదా ఖన్ధానం విప్పయుత్తపచ్చయేన పచ్చయో. (౧)

నోఉపాదా ధమ్మో నోఉపాదా ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – నోఉపాదా ఖన్ధా నోఉపాదా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే నోఉపాదా ఖన్ధా నోఉపాదా కటత్తారూపానం విప్పయుత్తపచ్చయేన పచ్చయో. పచ్ఛాజాతా – నోఉపాదా ఖన్ధా పురేజాతస్స ఇమస్స నోఉపాదా కాయస్స విప్పయుత్తపచ్చయేన పచ్చయో. (౧)

నోఉపాదా ధమ్మో ఉపాదా ధమ్మస్స విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – నోఉపాదా ఖన్ధా ఉపాదా చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే…పే…. పచ్ఛాజాతా – నోఉపాదా ఖన్ధా పురేజాతస్స ఇమస్స ఉపాదా కాయస్స విప్పయుత్తపచ్చయేన పచ్చయో. (౨)

నోఉపాదా ధమ్మో ఉపాదా ధమ్మస్స చ నోఉపాదా ధమ్మస్స చ విప్పయుత్తపచ్చయేన పచ్చయో – సహజాతం, పచ్ఛాజాతం. సహజాతా – నోఉపాదా ఖన్ధా ఉపాదా చ నోఉపాదా చ చిత్తసముట్ఠానానం రూపానం విప్పయుత్తపచ్చయేన పచ్చయో; పటిసన్ధిక్ఖణే…పే…. పచ్ఛాజాతా – నోఉపాదా ఖన్ధా పురేజాతస్స ఇమస్స ఉపాదా కాయస్స చ నోఉపాదా కాయస్స చ విప్పయుత్తపచ్చయేన పచ్చయో. (౩)

అత్థిపచ్చయో

౪౦౭. ఉపాదా ధమ్మో ఉపాదా ధమ్మస్స అత్థిపచ్చయేన పచ్చయో – ఆహారం, ఇన్ద్రియం. కబళీకారో ఆహారో ఇమస్స ఉపాదా కాయస్స అత్థిపచ్చయేన పచ్చయో; రూపజీవితిన్ద్రియం ఉపాదా కటత్తారూపానం అత్థిపచ్చయేన పచ్చయో. (౧)

ఉపాదా ధమ్మో నోఉపాదా ధమ్మస్స అత్థిపచ్చయేన పచ్చయో – సహజాతం, పురేజాతం, ఆహారం, ఇన్ద్రియం. సహజాతం – పటిసన్ధిక్ఖణే వత్థు నోఉపాదా ఖన్ధానం అత్థిపచ్చయేన పచ్చయో. పురేజాతం – చక్ఖుం అనిచ్చతో…పే… (సంఖిత్తం. పురేజాతసదిసం నిన్నానాకరణం). కబళీకారో ఆహారో ఇమస్స నోఉపాదా కాయస్స అత్థిపచ్చయేన పచ్చయో; రూపజీవితిన్ద్రియం నోఉపాదా కటత్తారూపానం అత్థిపచ్చయేన పచ్చయో. (౨)

ఉపాదా ధమ్మో ఉపాదా ధమ్మస్స చ నోఉపాదా ధమ్మస్స చ అత్థిపచ్చయేన పచ్చయో – ఆహారం, ఇన్ద్రియం. కబళీకారో ఆహారో ఇమస్స ఉపాదా కాయస్స చ నోఉపాదా కాయస్స చ అత్థిపచ్చయేన పచ్చయో; రూపజీవితిన్ద్రియం ఉపాదా చ నోఉపాదా చ కటత్తారూపానం అత్థిపచ్చయేన పచ్చయో. (౩)

౪౦౮. నోఉపాదా ధమ్మో నోఉపాదా ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం. సహజాతో – నోఉపాదా ఏకో ఖన్ధో తిణ్ణన్నం ఖన్ధానం నోఉపాదా చ చిత్తసముట్ఠానానం రూపానం అత్థిపచ్చయేన పచ్చయో…పే… ద్వే ఖన్ధా…పే… పటిసన్ధిక్ఖణే…పే… ఏకం మహాభూతం తిణ్ణన్నం మహాభూతానం అత్థిపచ్చయేన పచ్చయో …పే… ద్వే మహాభూతా ద్విన్నం మహాభూతానం అత్థిపచ్చయేన పచ్చయో (యావ అసఞ్ఞసత్తా). పురేజాతం – ఫోట్ఠబ్బే అనిచ్చతో…పే… దోమనస్సం ఉప్పజ్జతి. ఫోట్ఠబ్బాయతనం కాయవిఞ్ఞాణస్స అత్థిపచ్చయేన పచ్చయో. పచ్ఛాజాతా – నోఉపాదా ఖన్ధా పురేజాతస్స ఇమస్స నోఉపాదా కాయస్స అత్థిపచ్చయేన పచ్చయో. (౧)

నోఉపాదా ధమ్మో ఉపాదా ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతా – నోఉపాదా ఖన్ధా ఉపాదా చిత్తసముట్ఠానానం రూపానం అత్థిపచ్చయేన పచ్చయో; పటిసన్ధిక్ఖణే…పే…. పచ్ఛాజాతా – నోఉపాదా ఖన్ధా పురేజాతస్స ఇమస్స ఉపాదా కాయస్స అత్థిపచ్చయేన పచ్చయో. (౨)

నోఉపాదా ధమ్మో ఉపాదా చ నోఉపాదా చ ధమ్మస్స అత్థిపచ్చయేన పచ్చయో – సహజాతం, పచ్ఛాజాతం. సహజాతో – నోఉపాదా ఏకో ఖన్ధో తిణ్ణన్నం ఖన్ధానం ఉపాదా చ నోఉపాదా చ చిత్తసముట్ఠానానం రూపానం అత్థిపచ్చయేన పచ్చయో; ద్వే ఖన్ధా…పే… పటిసన్ధిక్ఖణే…పే…. పచ్ఛాజాతా – నోఉపాదా ఖన్ధా పురేజాతస్స ఇమస్స ఉపాదా కాయస్స చ నోఉపాదా కాయస్స చ అత్థిపచ్చయేన పచ్చయో. (౩)

౪౦౯. ఉపాదా చ నోఉపాదా చ ధమ్మా ఉపాదా ధమ్మస్స అత్థిపచ్చయేన పచ్చయో – పచ్ఛాజాతం, ఆహారం, ఇన్ద్రియం. పచ్ఛాజాతా – నోఉపాదా ఖన్ధా చ కబళీకారో ఆహారో చ ఇమస్స ఉపాదా కాయస్స అత్థిపచ్చయేన పచ్చయో. పచ్ఛాజాతా – నోఉపాదా ఖన్ధా చ రూపజీవితిన్ద్రియఞ్చ ఉపాదా కటత్తారూపానం అత్థిపచ్చయేన పచ్చయో. (౧)

ఉపాదా చ నోఉపాదా చ ధమ్మా నోఉపాదా ధమ్మస్స అత్థిపచ్చయేన పచ్చయో – సహజాతం, పురేజాతం, పచ్ఛాజాతం, ఆహారం, ఇన్ద్రియం. సహజాతో – చక్ఖువిఞ్ఞాణసహగతో ఏకో ఖన్ధో చ చక్ఖాయతనఞ్చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… నోఉపాదా ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే… పటిసన్ధిక్ఖణే నోఉపాదా ఏకో ఖన్ధో చ వత్థు చ తిణ్ణన్నం ఖన్ధానం అత్థిపచ్చయేన పచ్చయో…పే… ద్వే ఖన్ధా చ…పే…. పురేజాతం – ఫోట్ఠబ్బాయతనఞ్చ కాయాయతనఞ్చ కాయవిఞ్ఞాణస్స అత్థిపచ్చయేన పచ్చయో. ఫోట్ఠబ్బాయతనఞ్చ వత్థు చ నోఉపాదా ఖన్ధానం అత్థిపచ్చయేన పచ్చయో. పచ్ఛాజాతా – నోఉపాదా ఖన్ధా చ కబళీకారో ఆహారో చ ఇమస్స నోఉపాదా కాయస్స అత్థిపచ్చయేన పచ్చయో. పచ్ఛాజాతా – నోఉపాదా ఖన్ధా చ రూపజీవితిన్ద్రియఞ్చ నోఉపాదా కటత్తారూపానం అత్థిపచ్చయేన పచ్చయో. (౨)

ఉపాదా చ నోఉపాదా చ ధమ్మా ఉపాదా ధమ్మస్స చ నోఉపాదా ధమ్మస్స చ అత్థిపచ్చయేన పచ్చయో – పచ్ఛాజాతం, ఆహారం, ఇన్ద్రియం. పచ్ఛాజాతా – నోఉపాదా ఖన్ధా చ కబళీకారో ఆహారో చ ఇమస్స ఉపాదా కాయస్స చ నోఉపాదా కాయస్స చ అత్థిపచ్చయేన పచ్చయో. పచ్ఛాజాతా – నోఉపాదా ఖన్ధా చ రూపజీవితిన్ద్రియఞ్చ ఉపాదా చ నోఉపాదా చ కటత్తారూపానం అత్థిపచ్చయేన పచ్చయో. (౩)