౧. విభఙ్గవారో

నహేతుపచ్చయాది

౩౮౯. ఉపాదా ధమ్మం పచ్చయా నోఉపాదా ధమ్మో ఉప్పజ్జతి నహేతుపచ్చయా – చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం, వత్థుం పచ్చయా అహేతుకా నోఉపాదా ఖన్ధా; అహేతుకపటిసన్ధిక్ఖణే…పే… వత్థుం పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నోఉపాదా ధమ్మం పచ్చయా నోఉపాదా ధమ్మో ఉప్పజ్జతి నహేతుపచ్చయా – అహేతుకం నోఉపాదా ఏకం ఖన్ధం పచ్చయా తయో ఖన్ధా నోఉపాదా చ చిత్తసముట్ఠానం రూపం…పే… ద్వే ఖన్ధే…పే… అహేతుకపటిసన్ధిక్ఖణే…పే… ఏకం మహాభూతం…పే… (యావ అసఞ్ఞసత్తా) విచికిచ్ఛాసహగతే ఉద్ధచ్చసహగతే ఖన్ధే పచ్చయా విచికిచ్ఛాసహగతో ఉద్ధచ్చసహగతో మోహో (తీణిపి పటిచ్చసదిసా, నిన్నానాకరణా). (౩)

ఉపాదా చ నోఉపాదా చ ధమ్మం పచ్చయా నోఉపాదా ధమ్మో ఉప్పజ్జతి నహేతుపచ్చయా – చక్ఖువిఞ్ఞాణసహగతం ఏకం ఖన్ధఞ్చ చక్ఖాయతనఞ్చ పచ్చయా తయో ఖన్ధా…పే… ద్వే ఖన్ధే చ…పే… కాయవిఞ్ఞాణసహగతం…పే… అహేతుకం నోఉపాదా ఏకం ఖన్ధఞ్చ వత్థుఞ్చ పచ్చయా తయో ఖన్ధా…పే… ద్వే ఖన్ధే చ…పే… పటిసన్ధిక్ఖణే…పే… విచికిచ్ఛాసహగతే ఉద్ధచ్చసహగతే ఖన్ధే చ వత్థుఞ్చ పచ్చయా విచికిచ్ఛాసహగతో ఉద్ధచ్చసహగతో మోహో. (౧)

నఆరమ్మణపచ్చయా తీణి, నఆసేవనపచ్చయా పఞ్చ.

నకమ్మపచ్చయాది

౩౯౦. ఉపాదా ధమ్మం పచ్చయా నోఉపాదా ధమ్మో ఉప్పజ్జతి నకమ్మపచ్చయా – వత్థుం పచ్చయా నోఉపాదా చేతనా. (౧)

నోఉపాదా ధమ్మం పచ్చయా నోఉపాదా ధమ్మో ఉప్పజ్జతి నకమ్మపచ్చయా – నోఉపాదా ఖన్ధే పచ్చయా సమ్పయుత్తకా చేతనా; బాహిరం ఆహారసముట్ఠానం ఉతుసముట్ఠానం…పే… ద్వే మహాభూతే పచ్చయా ద్వే మహాభూతా. (౧)

నోఉపాదా ధమ్మం పచ్చయా ఉపాదా ధమ్మో ఉప్పజ్జతి నకమ్మపచ్చయా – బాహిరే ఆహారసముట్ఠానే ఉతుసముట్ఠానే మహాభూతే పచ్చయా ఉపాదారూపం. (౨)

నోఉపాదా ధమ్మం పచ్చయా ఉపాదా చ నోఉపాదా చ ధమ్మా ఉప్పజ్జన్తి నకమ్మపచ్చయా – బాహిరం ఆహారసముట్ఠానం ఉతుసముట్ఠానం ఏకం మహాభూతం పచ్చయా తయో మహాభూతా ఉపాదా చ రూపం…పే… ద్వే మహాభూతే…పే…. (౩)

ఉపాదా చ నోఉపాదా చ ధమ్మం పచ్చయా నోఉపాదా ధమ్మో ఉప్పజ్జతి నకమ్మపచ్చయా – నోఉపాదా ఖన్ధే చ వత్థుఞ్చ పచ్చయా నోఉపాదా చేతనా. (౧)

నవిపాకపచ్చయా పఞ్చ, నఆహారపచ్చయా తీణి, నఇన్ద్రియపచ్చయా తీణి.

నఝానపచ్చయాది

౩౯౧. ఉపాదా ధమ్మం పచ్చయా నోఉపాదా ధమ్మో ఉప్పజ్జతి నఝానపచ్చయా – చక్ఖాయతనం పచ్చయా చక్ఖువిఞ్ఞాణం…పే… కాయాయతనం పచ్చయా కాయవిఞ్ఞాణం. (౧)

నోఉపాదా ధమ్మం పచ్చయా నోఉపాదా ధమ్మో ఉప్పజ్జతి నఝానపచ్చయా – పఞ్చవిఞ్ఞాణసహగతం ఏకం ఖన్ధం పచ్చయా తయో ఖన్ధా…పే… ద్వే ఖన్ధే…పే… బాహిరం ఆహారసముట్ఠానం ఉతుసముట్ఠానం అసఞ్ఞసత్తానం…పే… ద్వే మహాభూతే పచ్చయా ద్వే మహాభూతా. (౧)

నోఉపాదా ధమ్మం పచ్చయా ఉపాదా ధమ్మో ఉప్పజ్జతి నఝానపచ్చయా – బాహిరే ఆహారసముట్ఠానే ఉతుసముట్ఠానే అసఞ్ఞసత్తానం మహాభూతే పచ్చయా ఉపాదా కటత్తారూపం. (౨)

నోఉపాదా ధమ్మం పచ్చయా ఉపాదా చ నోఉపాదా చ ధమ్మా ఉప్పజ్జన్తి నఝానపచ్చయా – బాహిరం ఆహారసముట్ఠానం ఉతుసముట్ఠానం అసఞ్ఞసత్తానం ఏకం మహాభూతం పచ్చయా తయో మహాభూతా ఉపాదా చ కటత్తారూపం…పే… ద్వే…పే…. (౩)

ఉపాదా చ నోఉపాదా చ ధమ్మం పచ్చయా నోఉపాదా ధమ్మో ఉప్పజ్జతి నఝానపచ్చయా – చక్ఖువిఞ్ఞాణసహగతం ఏకం ఖన్ధఞ్చ చక్ఖాయతనఞ్చ పచ్చయా తయో ఖన్ధా…పే… ద్వే ఖన్ధే చ…పే…. (౧)

నమగ్గపచ్చయా పఞ్చ, నసమ్పయుత్తపచ్చయా తీణి, నవిప్పయుత్తపచ్చయా తీణి, నోనత్థిపచ్చయా తీణి, నోవిగతపచ్చయా తీణి.